Sabbatskol les 9 kuartaal 3, 2018

Size: px

Start display at page:

Download "Sabbatskol les 9 kuartaal 3, 2018"

ひろじいんそん
5 years ago
Views:

1 E Segundo Biahe Mishonero Les 9 di kuartaal 3, aña 2018 Lesa pa e siman aki: Echonan 16, Rom. 3:28, Gal. 2:16, Echonan 17, 1 Kor. 1:23, Echonan 18:1-10. TEKSTO PRINSIPAL: "No tene miedu mas, ma sigui papia i no keda ketu; pasobra Mi ta ku bo i ningun hende lo no pone man riba bo pa hasibo daño, pasobra Mi tin hopi hende den e stat aki" (Echonan 18:9, 10) E Segundo Biahe Mishonero sabbat, Bèk na Antiokia, Pablo i Barnabas a alimentá e iglesia i a komprometé den mas trabou evangelistiko. Esaki tabata aparentemente e ultimo biaha ku nan ta traha huntu, komo un desakuerdo skerpi a guia na nan separashon. E rason pa Pablo i Barnabas su desakuerdo tabata Marko, e primo di Barnabas (Kol. 4:10). Ora ku Pablo a invitá Barnabas pa regresá na e lugánan ku nan a evangelisá den nan biahanan previo, Barnabas tabata ke hiba ku n'e su primu, pero Pablo tabata kontra pa motibu di Marko su fayo den pasado (Echonan 13:13). Pablo i Barnabas su separashon, sinembargo, a kambia den un bendishon, pasombra den dividi nan esfuersonan nan por a kubri un área mas grandi ku nan a plania promé. Barnabas a tuma Marko i a regresá na Cyprus, Barnabas su patria (Echonan 4:36). Miéntras tantu, invitando Silas pa djóin ku n'e, Pablo a pasa dor di Siria i Cicilia, fortalesiendo e iglesianan einan. promé ku Pablo a yega Antiokia pa promé biaha, el a pasa varios aña na Tarso (Echonan 9:30; Echonan 11:25, 26). Awor el a haña e oportunidat pa bolbe bishita e kongregashonnan ku el a establesé einan. Sinembargo, Dios Su plan pe tabata hopi mas grandi ku Pablo a imaginá promé. * Studia lès di e siman aki pa prepará pa Sabat, Séptémber 1. 1 / 7

2 Bèk na Listra djadumingu, Lukas su eskoho selektivo di eventonan ta hiba Pablo kasi stret na Derbe i Listra. Tokante Siria i Silisia, e uniko kos ku el a bisa ta ku Pablo a pasa dor di e regionnan ei fortifikando e iglesianan (Echonan 15:41). Lesa Echonan 16:1-13. Kiko Pablo su akshonnan aki ta siña nos tokante kon sensitivo e tabata den buska pa alkansá otronan? Ounke Timoteo su tata tabata un Pagano, su mama tabata un Kristian Hudiu; su nòmber tabata Eunise. Apesar di ta insirkumsidá, Timoteo tabata konosé e Skrituranan for di infansia (2 Tim. 3:15), implikando ku e tambe tabata un persona piadoso. Komo un Kristian, ya kaba el a gana e rèspét i e atmirashon di tur e kreyentenan lokal. Pa motibu ku e Hudiunan tabata rekonosé Hudaismo atraves di e liña materno mas bien ku di e tata, Timoteo tabata un Hudiu. E no a wòrdu sirkumsidá riba e di ocho odia despues di nasementu, podisé pa motibu di su tata, un Griego, tabata mira sirkumsishon komo barbariko. Deseando di tin Timoteo komo kompañero i sabiendo ku, komo un Hudiu no sirkumsidá e lo wòrdu prohibi pa drenta den e sinagoganan Hudiu bou di e kargo di apostesia, Pablo a laga sirkumsid'e. Pablo su motivashon pa hasi asina, dor di esei, tabata kompletamente práktiko i no mester wòrdu mira komo den kontradikshon pa e evangelio ku e tabata prediká. Despues di a bolbe bishita e lugánan ku el a pasa den su promé biaha, Pablo a disidi pa bai suit west, posiblemente na Efeso, den e provinsia di Asia, pero e Spiritu Santu a prevenié pa hasi asina. E ora ei el a move nort, tratando na bai Bitinia, pero atrobe den algun manera sekretu e Spiritu a prevenié di bai einan. Pa motibu ku ya kaba e tabata pasa atraves di Misia, Pablo su uniko opshon tabata pa bai pabou na e haf di Troas, for di unda e por a nabegá den un kantidat di direkshon. Den un vishon di anochi, sinembargo, Dios a mustr'é ku e mester nabegá atraves di e Laman di Egeo pa Masedonia. Ora su kompañeronan a haña sa tokante e vishon, nan a konklui ku Dios berdaderamente a yama nan pa komparti e evangelio ku e Masedonianan. Pensa tokante dikon Pablo a sirkumsidá Timoteo. Kiko esaki mester siña nos tokante ta dispuesto na hasi sierto kosnan ku no semper nos lo ta di akuerdo ku of konsiderá nesesario, pero ku lo sirbi un kousa mas grandi? 2 / 7

3 Filipos djaluna, Siendo na Masedonia, Pablo i su kompañeronan a biaha pa Filipos, kaminda nan a establesé e promé kongregashon na Europa. Lesa Echonan 16: Unda e mishoneronan a bai riba Sabat i dikon? Finalmente kiko a sosodé ku nan einan? Ki ora ku Pablo yega na un stat, su práktika tabata pa bishita e sinagoga lokal riba Sabat pa asina e por testifiká na e Hudiunan (Echonan 13:14, 42, 44; Echonan 17:1, 2; Echonan 18:4). Ku na Filipos e i su grupo a bai banda di un riu pa hasi orashon huntu ku algun mucha muhé, tantu adoradónan Hudiu i Pagano di Dios probablemente nifikando ku no tabatin sinagoga den e stat. E nifikashon di esaki ta ku Pablo no a bai na sinagoganan Hudiu riba Sabat solamente pa propósitonan evangelistiko, pero tambe pasombra esaki tabata e dia di adorashon. Lesa Echonan 16: Revisá e historia di e kombertimentu di e wardadó di prison. Kiko e mester a hasi pa wórdu salba? Pablo i Silas su kontesta na e wardadó di presu' su kontesta ta den harmonia kompletu ku e evangelio, dor ku salbashon ta kompletamente atraves di fe den Hesus (Rom. 3:28, Gal. 2:16). Loke ku nos no por konklui for di e episodio, sinembargo, ta ku kreensia den Hesus ta tur loke ta nesesario pa boutismo, riba gastu di e instrukshon doktrinal i práktiko apropiá. Kiko nos sa tokante e wardadó di prison? E tabata un Hudiu of un prosélito Hudiu? Den ámbos kaso, loke e tabatin mester tabata kere den Hesus komo Señor i Salbador. Ki tal si e tabata un Pagano ku ya tabata konosé i adorá Dios, manera Cornelio, Lidia (Echonan 16:14), i diferente otronan den Echonan? Ki tal si previamente el a atendé Pablo su reunionnan evangelistiko den e stat? Loke sea e echonan tokante di dje, e brevidat di e historia no mester wórdu usa komo un ékskus pa boutismonan rápido. Lesa Echonan 16: Kiko esaki ta siña nos tokante kon kompletu e sakrifisio di Kristu tabata pa nos? Kon bo por siña, dia pa dia, pa deskansá den e siguransa di Kristu Su hustisia kubriendo bo komo bo uniko speransa di salbashon 3 / 7

4 Tesalónika i Berea djamars, Ora ku Pablo i Silas a wòrdu liberá for di prison, e mishoneronan a Bali for di Filipos (Echonan 16:35-40). For di Filipos, Pablo i su kompañeronan a bai stret pa Tesalónika, e stat kapital di Masedonia. Lesa Echonan 17:1-9. Kon e Hudiunan di Tesalónika a reakshoná na Pablo su predikamentu eksitoso entre e Paganonan? Un biaha mas nos ta mira Pablo ta buska pa e sinagoga kaminda e por komparti e evangelio. Hopi Griegonan deboto i no un par muhénan prominente a wòrdu persuadi dor di e mensahe di Pablo. Ku e kombertinan aki a "djóin Pablo i Silas" (Echonan 17:4) ta parse di nifiká ku nan a forma un grupo separá for di e sinagoga, probablemente den e kas di Jason. Move ku yálurs, nan oponentenan a kuminsá un disturbio.. Nan intenshon tabata pa hiba Pablo i Silas-Timoteo no a wòrdu menshoná-dilanti e asamblea di e stat i akusá nan. Dor ku nan no por a haña e mishoneronan, Jason i otro kreyentenan nobo a wòrdu lastra na e outoridatnan lokal bou di e kargo di ta hospedá agitadónan politiko. Lesa Echonan 17: Kiko tabata e kontesta di e Hudiunan Bereno den komparashon ku esnan den Tesalónika? E tèrmino eugenes (Echonan 17:11) originalmente ta nifiká "bon nase" of "nasementu nobel" a bini pa indiká mas generalmente un aktitut "imparsial;" kua probablemente ta e kaso aki. É Hudiunan for di Bera ta wòrdu alabá no simplemente pasobra nan ta di akuerdo ku Pablo i Silas pero pa motibu di nan disponibilidat pa saminá e Skrituranan pa nan mes i riba un base diario pa Mira si loke e mishoneronan tabata bisa tabata korekto. Un kontesta meraménte emoshonal na e evangelio, sin e konvikshon intelektual nesesario, tin e tendensia di ta superfisial i di durashon kòrtiko. Sinembargo, den poko tempu, persekushon a interumpi Pablo su ministerio na Berea, obligando e pa move mas pa suit, pa Atenas. Ki dia tabata e ultimo biaha ku bo a investigá diligentémente e Skrituranan pa asina haña sa "si sea e kosnan aki (loke sea nan tabata) tabata asina"? 4 / 7

5 Pablo na Atenas djarason, Atenas, e sentro intelektual di Gresia antiguo, literalmente a wòrdu entrega na idolonan. Estatuanan di personanan i di diosnan di marmer tabata wòrdu haña tur kaminda, spesialmente na e sentro di Areópago (plasa publiko), kua tabata e sentro di bida urbano. Pablo tabata asina perturbá tokante un idolatria asina dominante ku el a kambia su práktika usual di bai promé na e sinagoganan, i a pèrsigui un kurso dòbel di akshon: el a disputa semanalmente den e sinagoga ku Hudiunan i Paganonan deboto, i diariamente den e plasa publiko ku e Griegonan. (Mira Echonan 17:15-22.) Komo ku e hendenan di Atenas tabata semper kla pa tende algu nobo, algun filósofonan a interesá den siñansa di Pablo i a invit'é pa dirigi e Areópago, e konsilio haltu di e stat. Den su spich, Pablo no a sita for di Skritura of rekapitula e historia di Dios su trato ku Israel, manera el a hasi ora ku e tabata papia ku e oudiensia (kompará ku Echonan 13:16-41); e aserkamentu aki lo no hasi masha sentido ku e oudiensia aki. Mas bien, el a presentá algun bèrdatnan bibliko importante den un manera ku e paganonan kulto por a komprendé. Lesa Echonan 17: Den su spich di Areópago, ki gran bèrdatnan tokante Dios i salbashon i historia i humanidat el a prediká na e hendenan ei? Mayoria di Pablo su palabranan tabata zona ridikulo pa e oudiensia pagano sofistiká, ken nan konseptonan tokante Dios i religion a wòrdu grandemente distorshona. Nos no sa kon Pablo a intenshoná pa terminá su mensahe, pasombra e ta parse di a wòrdu interumpi e mesun momentu ku e tabata referi na Dios Su huisio di e mundu (Echonan 17:31). E kreensia aki tabata dal frontalmente duru ku dos konsepto Griego: (1) ku Dios ta totalmente transedental, no teniendo niun trato ku e mundu of preokupashon den asuntunan humano, i (2) ku ora un persona muri no por tin resurekshon di niun manera. Esaki ta yuda na splika dikon e evangelio tabata lokura pa e Griegonan (1 Kor. 1:23) i e kantidat di kombertinán na Atenas tabata chiki. Sinembargo, entre esnan ku a yega na kere tabatin algun di epersonanan di mas influyente di e sosiedat di Atena, manera Dionisio, e areopagita, i Damaris, kua menshon di su nòmber ta indiká ku e tabata di algun status, si no tambe un miembro su mes di e konsilio (Echonan 17:34). Pablo su aserkamentu diferente dilanti e Areópago ta mustra su konsiensia di diferensianan soshal i kultural. Asta el a sita un poeta pagano (Echonan 17:28) pa asina duna su punto di bista. Kiko esaki mester siña nos tokante kon nos por usa diferente métodonan pa alkansá hende? 5 / 7

6 Pablo na Korintio djaweps, Echonan 18:1-11 ta bolbe konta e eksperensia di Pablo na Korintio, kaminda e lo keda pa un aña i mei. Akila i Prisila lo bira Pablo su amigunan pa bida largu (Rom. 16:3, 2 Tim. 4:19). E historia ta impliká ku nan tabata Kristiannan kaba ora ku nan a yega na Korintio, probablemente pa motibu di e deportashon di e Hudiunan for di Roma dor di Emperador Claudio. Historiadó Romano Suetonius ta parse di ta indiká ku e deportashon a sosodé debi na disturbionan den e komunidat Hudiu asosiá ku e nómber di "Kristu" (Claudius 25.4), kua podisé por ta e resultado di e predikamentu di e evangelio na e kreyentenan Hudiu lokal. P'esei, ta posibel ku Akila i Prisila nan mes tabata envolvi den tal aktividatnan. Den kualke kaso, banda di komparti e mesun fe i e mesun bek- ground Hudiu, Pablo i su amigunan nobo tambe ta komparti e mesun negoshi. Lesa Echonan 18:4-17. Kiko tabata e resultado di Pablo su aktividatnan mishonero na Korintio? Ora ku Silas i Timoteo a yega Masedonia, nan a trese apoyo finansiero for di e iglesianan einan (2 Kor. 11:8, 9), kua a permiti Pablo pa dediká su mes kompletamente na predikamentu. Pablo su pólisa tabata pa biba riba su mes gastu durante su ministerio, ounke el a pensa tambe ku "esnan ku ta prediká evangelio biba di evangelio" (1 Kor. 9:14). Apesar di e oposishon Hudiu fuerte pa e mensahe di Pablo, algun Hudiunan a kere, meskos tambe algun adoradónan Pagano adoradónan di Dios. Entre e kombertinan tabata Crispo, e lider di sinagoga i su kas kompletu. Hopi Korintionan tambe a kere i a wórdu batisá. E situashon entre e Hudiunan, sinembar- go, tabata bastante tenso, manera e siguiente episodio a demostrá (Echonan 18:12-17), i Pablo posiblemente tabata plania pa bandoná Korintio pronto, pero den un vishon di anochi el a risibi kurashamentu divino pa keda (Echonan 18:9-11). Riba su kaminda di regreso pa Antiokia, Pablo a hiba Akila i Prisila ku n'e i a laga nan na Efeso, kaminda el a pasa algun dia promé di a sigui su biahe. Miéntras e tabata einan, e tabatin oportunidat pa prediká den e sinagoga Hudiu, kua nan kontesta positivo a pone priminti ku, si Dios ke, e lo bini bek (Echonan 18:18-21). Esaki a sosodé hustamente den su próksimo biahe. Pablo, frustra pa su resepshon, tabatin mester di enkurashamentu for di Señor respekto ku salbashon di almanan einan. Kiko e palabranan di Señor na dje (Echonan 18:10) ta bisa nos ora ku nos por ta sinti algu meskos ku loke Pablo a sinti? 6 / 7

7 Powered by TCPDF ( Mas Estudio: djabierne, "Esnan ku awe ta siña bèrdatnan impopular no mester wòrdu enkurashá si tin momentu nan topa ku resepshon no faborabel, asta for di esnan ku ta reklamá di ta Kristiannan, ku Pablo i su kompañeronan for di e hendenan entre kua nan tabata laborá. E mensaheronan di e krus mester arma nan mes ku vigilansia i orashon, i move padilanti ku fe i kurashi, trahando semper den e nòmber di Hesus." Ellen G. White, The Acts of the Apostles, ch. 23, p "Si, den e esenanan final di e historia aki di mundu, esnan na kua bèrdatnan wòrdu proklamá sigui e ehèmpelnan di e Bereanonan, skrudiñá e Skrituranan diario, i kompará nan ku e mensahe ku a wòrdu trese na nan, lo tin awe un kantidat grandi leal na e preseptonan di Dios Su lei, kaminda awor tin komparativamente tiki.... "Tur lo wòrdu husga di akuerdo ku e lus ku a wòrdu duna. Señor a manda dilanti Su embahadornan ku un mensahe di salbashon, i esnan ku tende E lo tene responsabel pa e manera ku nan a trata e palabranan di Su sirbidónan. Esnan ku sinseramente ta buska e bèrdat lo hasi un investigashon kuidadoso, den e lus di Dios Su patabra, di e doktrinanan presentá na nan." Página 232. Preguntanan pa Diskushon: 1. Den e konteksto di e último paragraf di estudio di Djaluna, diskuti den klas e implikashon di e siguiente deklarashon: "Tin nesesidat di un preparashon mas kompletu riba e parti di kandidatonan pa boutismo... E prinsipionan di e bida Kristian mester wòrdu hasi kla pa esnan nobo ku a yega na e bèrdat." Ellen G. White, Testimonies for the Church, vol. 6, ch. 8, pp. 91, 2. Permanesé mas riba e pregunta final di Djarason. Kon nos komo un iglesia ta mustra e mesun komprondementu ku Pablo tabatin di diferensianan kultural i e mesun disponibilidat pa topa hende kaminda nan ta sin komprometé e evangelio of nos propio identidat religioso? 3. Lesa Echonan 17: Kiko nos por siña for di e tres kontestanan ku a topa e mensahe di Pablo na Atenas? "(1) Algun a hasi bofon. Nan tabata diberti dor di e seriedat pashoná di e Hudiu straño aki. Ta posibel pa hasi un chiste di bida; pero esnan ku hasi asina lo haña ku loke ku a kuminsá komo un komedia mester termini den tragedia. (2) Algun a posponé nan desishon. E kos di mas peligroso di tur e dianan ta ora un hende diskubri kon fásil ta pa papia tokante mayan. (3) Algun ta kere. E hòmber sabi sa ku ta solamente e bobo lo rechasá e oferta di Dios." William Barclay, The Acts of the Apostles, rev. ed. (Philadelphia: Westminster, 1976), p Pablo aktualmente a sita un eskritor (Echonan 17:28) pa duna atenshon na e hendenan di Atenas. Kiko esei mester bisa nos tokante kon, tin momentunan, usando fuentenan manera esaki por ta di balor? Ki peligernan tin einan, tambe? 7 / 7

Spiritu Santu, nos Yudador

SPIRITU SANTU, NOS YUDADOR CALVIN VARLACK TIN 3 SITUASHON KU TA MARKA BIDA DI KRISTIANNAN RELASHONÁ KU SPIRITU SANTU: 1.Ignoransha Boso a risibí Spiritu Santu ora boso a aseptá fe? Nan a kontest'é: Nos