Sabbatskol les 5 kuartaal 1, 2017

Size: px
Start display at page:

Download "Sabbatskol les 5 kuartaal 1, 2017"

Transcription

1 Boutismo i Yenamentu di Spiritu Santu Les 5 di kuartaal 1, aña 2017 Lesa pa e siman aki: Marko 1:8; Efe. 5:18; Echonan 13:52; Lukas 11:8-10; Echonan 5:32; Gal. 5: TEKSTO PRINSIPAL: E ladron ta bin solamente pa hòrta i mata i destruí; Ami a bin pa nan por tin bida, i pa nan tin e kompletamente (Juan 10:10, NIV). sabbat, Komo Kristiannan, nos mester ta yená ku Spiritu Santu. Sin dje nos testimonio lo ta sin poder, i nos bida Kristian lo no ta nada mas sino un karga. Nos lo por tin estudio, talento i elokuensha, pero sin e Spiritu nos no por eksperensiá bida manera Dios tabatin intenshon pa nos hasié. Nos lo no tin siguransa di salbashon i lo no konosé e goso ku ta surgi for di sirbi nos Señor. Nos lo ta Kristiannan pa nòmber so, i un Kristian solamente pa nòmber realmente no ta un Kristian ètòl. Hesus, sinembargo, ke pa nos disfrutá di bida di forma kompletu. E ke duna nos bida manera mester ta, un bida satisfaktorio i ku nifikashon, pasobra e ta ankrá den e Fuente di tur bida: Hesukristu. E ta e Kreador di tur bida, i e úniko kaminda pa bida eterno. Ami ta e kaminda, bèrdat, i bida. Ningun hende ta bin serka e Tata sino pa medio di Mi (Juan 14:6, NKJV). E plenitut aki ta posibel solamente dor di ta uní kune, i esaki por tuma lugá solamente pa medio di e obra di Spiritu Santu den nos bida. E siman aki nos lo studia kiko Beibel ta bisa tokante boutismo di e Spiritu i kiko ke men pa ta yená kune. Nos lo wak tambe algun evidensia ku ta testifiká ku di bèrdat nos ta yená ku e Spiritu. * Studia e lès di e siman aki pa prepará pa Sabat, 4 di febrüari. 1 / 8

2 Boutismo di Spiritu Santu djadumingu, Lesa Marko 1:8 (kompará ku Mat. 3:11, Lukas 3:16, i Juan 1:33), Echonan 1:5 i 11:16. Kua otro rito di inisiashon ta bai huntu ku e boutismo di e Spiritu? Den Tèstamènt Nobo tin solamente shete pasashi ku ta papia tokante ser batisá den Spiritu Santu. Kuater di e pasashinan aki ta bai bèk na Juan Boutista i ta mustra na Pentekòste. Aki Spiritu Santu a ser duná pa introdusí e kuminsamentu di e último dianan di historia di salbashon. Juan, sinembargo, kontrali na e otro Evangelionan, no ta usa tempu verbal futuro ora e ta papia tokante boutismo di e Spiritu. En kambio, e ta hasi uso di partisipio presente, indikando ku esaki ta algu ku tin balides kontinuo (lesa Juan 1:33). E mesun tempu ta ser usá dor di Juan djis algun versíkulo promé den Juan 1:29, ora e ta papia tokante un otro obra importante di Hesus: kitamentu di e pikánan di mundu. E ministerio di Hesus ta konsistí den kita nos pikánan i den duna Spiritu Santu na nos. E eksperensia dòbel aki ta ser reportá tambe den Echonan 2:38. Despues ku nan wowonan a ser habrí na Kristu, e disipelnan a risibí tur dos: pordon di piká i Spiritu Santu. E mesun eksperensia ta ser reportá tokante e kreyentenan den kas di Cornelio den Echonan 10:43, 44, i mas despues den Echonan 11:16. Boutismo di awa ta konosí komo e boutismo di repentimentu (Echonan 19:4). Ora nos repentí di piká i ser batisá den nòmber di Hesus, nos tambe ta risibí Spiritu Santu (Echonan 2:28-39). Den Tèstamènt Nobo, risibimentu di Spiritu Santu i boutismo ta pertenesé huntu. Nan ta señalá nos nasementu di nobo. Den boutismo nos ta ser identifiká ku Kristu, i Hesus ta duna nos Spiritu Santu pa nos por biba den Su poder i proklamá e bon nobo. E boutismo di e Spiritu no ta un segundo obra di grasia, na un etapa mas despues den bida, ku algun persona ta asosiá ku donnan milagroso. Den 1 Kor. 12:13, Pablo no tin den mente e eksperensia úniko na Pentekòste sino mas bien e eksperensia di tur kreyente. E ta deklará ku pa medio di un Spiritu nos tur ta ser batisá den un kurpa, i tur a ser duná di bebe di un Spiritu. Pablo ta enfatisá unidat. E palabra tur ta krusial. Pablo ta konektá e inisiashon di tur kreyente den e kurpa di Kristu ku e boutismo di e Spiritu. Kiko tabata bo propio eksperensia den ser batisá pa medio di e Spiritu Santu? Kiko E a nifiká pa bo bida? Kon lo bo tabata sin E obrando den bo bida? 2 / 8

3 Ser Yená Ku Spiritu Santu djaluna, Lesa Efe. 5:18, Echonan 13:52, i Rom. 8:9. Kiko ta nifiká pa ta yená ku Spiritu Santu? Kon ser yená ku e Spiritu ta tuma lugá den nos bida? Unabes nos ser batisá i ta pertenesé na Kristu, nos mester biba den poder di e Spiritu. Pa esaki sosodé nos mester ser yená ku e Spiritu. Tin un kantidat di referensia den Tèstamènt Nobo kaminda hende ta ser yená ku e Spiritu (Lukas 1:41, 67; Echonan 2:4; 4:8, 31; 9:17; 13:9). Apòstel Pablo ta uza e palabra yena pa bisa ku un persona a someté su mes kompletamente na Dios i ta habrí pa e influensia guiadó di Spiritu Santu, pa Dios Su obra mes por ser kumplí den bida di e persona. Si nos sede na influensia di alkohòl, nos kanamentu, papiamentu, i pensamentunan lo ser afektá negativamente. Ora nos ta yená ku Spiritu Santu, nos ta sede tur parti di nos bida na Su influensia transformador ku e resultado ku nos kanamentu, papiamentu, i pensamentunan lo reflehá Hesus. Miéntras ku e Spiritu ta ser duná pa medio di e tendementu di fe (Gal. 3:2), i ta ser risibí pa medio di fe (Gal. 3:14) na nos boutismo (Tito 3:5, 6), nos mester buska e yenamentu di Spiritu Santu tur dia. Nos no por biba di un eksperensia poderoso ku nos tabatin aña pasá, òf luna pasá, òf asta ayera. Nos tin mester di e yenamentu ku Spiritu di Dios kada dia, pasobra kada dia ta trese su mes desafionan. Den Echonan 13:52, e término griego pa yená ku e Spiritu ta den tempu imperfekto, loke ta nifiká akshon kontinuo. Literalmente e ta nifiká: siendo yená (kontinuamente). Siendo yená ku e Spiritu no ta un evenemento di un biaha. Ta algu ku nos mester buska i risibí tur dia. E yenamentu aki mester ser ripití pa tur parti di nos bida ta ser yená ku Su presensia, i asina nos ta risibí poder pa biba manera nos mester biba. Siendo yená ku Spiritu Santu no ta nifiká asina tantu ku nos ta poseé mas di dje, sino ku E ta poseé mas di nos. Solamente ora nos ta entregá tur aspekto di nos bida na e Spiritu tur dia E por uza nos pa e gloria di Dios. Mi ta deseá di impreshoná riba bo e echo ku esnan ku tin Hesus bibando den e kurason pa medio di fe, berdaderamente a risibí Spiritu Santu. Tur individuo ku risibí Hesus komo su Salbador personal, ku tur seguridat ta risibí tambe Spiritu Santu pa ta su Konsoladó, Santifikadó, Guia, i Testigu.?Ellen G. White, Manuscript Releases, tomo 14, p. 71. Kon e perspektiva bíbliko ku Spiritu Santu tin karakterístikanan di un personalidat ta impaktá nos relashon kune? Kiko lo tabata e diferensia si Spiritu Santu tabata djis un poder impersonal kontrali na Dios mes? 3 / 8

4 4 / 8

5 Kondishonnan: Parti 1 djamars, E Palabra di Dios ta mustra na sierto kondishonnan ku ta nesesario pa e Spiritu por biba den nos. Durante e siguiente dos dia nos lo wak algun ku ta importante. Lesa Echonan2:37, 38. Kiko ta e promé kondishon pa risibí Spiritu Santu? Un kondishon pa risibí e don di Spiritu Santu ta arepentimentu. Tendiendo e Palabra di Dios ta spièrta nos konsenshi i por hiba nos na un persepshon di nos berdadero pekaminosidat i kondishon pèrdí. Arepentimentu berdadero ta mas ku djis sinti duele pa e konsekuensianan desesperá di nos piká. E ta un kambio kompletu di kurason i mente pa nos mira piká pa loke e ta realmente: un maldat mahos i rebeldia kontra Dios. E úniko manera ku nos por eksperensiá berdadero arepentimentu ta pa ser toká pa e amor di Dios: Òf boso ta pensa djis liheramente riba e rikesanan di Su amabilidat i toleransia i pasenshi, sin sa ku e kariño di Dios ta hiba boso na arepentimentu? (Rom. 2:4, NASB). Lesa Galationan 3:14 i Santiago 1:6-8. Dikon nos no por risibí Spiritu Santu sin konfia den e Palabra di Dios? Hesus a primintí di manda e Spiritu komo Su representante. Den fe nos ta risibí e don primintí. Pero si nos ta duda den e promesa di Dios i no ta konfia Su Palabra, nos ta manera un persona di dòbel ánimo i no por spera di risibí nada for di Dios. Fe ta mas ku aprobashon intelektual. E ta enserá ponementu di nos bida riba e liña, konfiando ku Dios lo mantené Su Palabra i lo no defroudá nos, no importá kiko pasa. Lesa Lukas 11:8-10, 13. Dikon interseshon persistente ta hasi diferensia? Dios no ta duda pa duna nos e Spiritu. Dios ta bon i bondadoso, mas di loke nos por ta asta ku nos mes yunan. Nos interseshon persistente no ta kambia Su mente. Nos orashon ta kambia nos i ta trese nos den e presensia di Dios. Orashon no ta trese Dios abou serka nos, sino ta hiba nos ariba serka dje. Nos orashonnan simplemente ta revelá nos determinashon, i nan ta prepará nos pa e don. Kon nos por siña di ta mas ferviente, diligente, i apnegá den nos propio bida di orashon? Dikon ta importante pa nos siña e kosnan aki? 5 / 8

6 Kondishonnan: Parti 2 djarason, Lesa Echonan 5:32. Dikon obediensia na e Palabra di Dios ta un kondishon importante pa risibí Spiritu Santu? Den pasado, meskos ku awor, Spiritu Santu ta ser konsedé na tur ku obedesé Dios. Den Beibel, amor i obediensia ta kana man na man, i fe berdadero ta ser ekspresá den obediensia. Si nos konfia Dios di henter nos kurason, nos lo obedesé Su mandamentunan. Hesus a bisa: Si kualke hende ta stima Mi, e lo warda Mi palabra (Juan 14:23, NASB). Obediensia ta un eskoho ku ta hiba na un estilo di bida ku ta sigui Dios Su boluntat manera e ta ser ekspresá den Su lei. Nos mester kontinuá den obediensia si nos ke rekonosé Hesus komo nos Señor (Lukas 6:46). Den Juan 2:4, 5 nos ta ser bisá ku esun ku bisa: mi konos É, i no ta warda Su mandamentunan, ta un mentiroso, i e bèrdat no ta den dje; pero esun ku warda Su palabra, den dje e amor di Dios berdaderamente a ser perfekshoná (NASB). Eseinan ta palabranan fuerte. Nos sa di Juan tambe ku esun ku warda Su matamentunan ta permanesé den dje, i E den dje. Dor di esaki nos sa ku E ta permanesé den nos, pa medio di e Spiritu ku E a duna nos (1 Juan 3:24, NASB). Ora nos hasi loke ku Dios a manda, nos lo tin pas di mente. Lesa Hudas Dikon nos mester evitá tur impuresa si nos ke ser yená ku e Spiritu? E kandela di Spiritu Santu no por sigui kima den nos bida ora nos mente ta fihá riba e kosnan di mundu. Spiritu Santu ta reakshoná masha sensitivo na eksistensia di tur piká i mundanalidat den nos bida. P'esei nos mester mantené nos mes den e amor di Dios i ta konektá ku Dios pa medio di orashon, pa nos por evitá tur impuresa i manifestá un spiritu di poder, amor, i disiplina (2 Tim. 1:6, 7). Solamente dor di un bataya djaserka i feros ku e ami nos por ta e tipo di hende ku nos mester bira. Naturalmente, nos no por hasié nos mes; e bataya mester bira nos eskoho di sea entregá nos boluntat na e konvikshon di Spiritu Santu, òf permití e karni dominá. E eskoho ta di nos. No tin límite na e utilidat di esun ku, dor di pone e ami un banda, ta traha espasio pa e obra di Spiritu Santu riba su kurason, i biba un bida totalmente konsagrá na Dios.?Ellen G. White, The Desire of Ages, p. 250, 251. Kon bo por apliká e palabranan aki na bo propio bida spiritual? 6 / 8

7 Bida Sentrá Den e Ami Versus Bida Sentrá Den Kristu djaweps, Lesa Galationan 5:16-26 i kompará esaki ku Efesionan 5:1-9, Traha un lista di e diferensianan ku tin entre un bida sentrá den e ami i un bida ku ta yená ku e Spiritu. Bida di un hende ku no ta biba den e Spiritu ta radikalmente diferente for di e bida i balornan di un persona ku ta yená ku e Spiritu. Persona Sentrá den e Ami Ta deseá loke ta pekaminoso i ta desagradá Dios Ta ser kontrolá dor di pashonnan pekaminoso Ta malusá su libertat i ta bira katibu di piká Ta desobediente na boluntat di Dios Ta satisfasé e ami Ta manifestá e fruta di piká No ta rekonosé e nesesidat di pordon i ta broma ku e ami Persona Sentrá den e Ami Ta deseá loke ta spiritual i ta agrad Ta ser kontrolá dor di e Spiritu Ta ser librá for di sklabitut di piká i t Ta obediente na boluntat di Dios Ta sakrifiká e ami Ta manifestá e fruta di Spiritu Ta rekonosé e nesesidat di pordon Bida di un persona ku ta yená ku e Spiritu di Dios ta karakterisá dor di un obedensia amoroso na e lei di Dios i un spiritu suave di kompashon pa otronan (lesa 2 Kor. 5:14, NASB). Siendo renobá den nos mente i pensamentu, i dor di a risibí un kurason nobo i un vishon nobo riba bida, nos balornan i komportashon lo kambia. Nos no ke biba nos bida mas den nos propio forsa ma den sumishon na Spiritu Santu (Gal. 3:3). Nos no por transformá nos mes. Nos no ta poseé poder real pa kambia nos mes, pasobra piká ta demasiado ankrá den nos. E energia ku ta renobá mester bini for di Dios. E kambio di paden por ta eksitoso solamente atraves di e obra transformador di Spiritu Santu. No ta djis kambio eksterno, manera koregí e mal hábito aki òf esun aya, ta hasi nos Kristian. E kambio mester bin for di un kurason renobá dor di Spiritu Santu. Esaki ta obra di henter un bida, un obra ku lo tin su bon i mal tempunan, pero un obra ku Dios ta primintí di hasi den nos si nos someté na dje, siendo sigur di e kos aki mes, ku Esun ku a kuminsá un bon obra den boso, lo komplet é den boso te na e dia di Hesukristu (Fil. 1:6, NKJV). Den ki áreanan di bo bida bo ta mira e parti egoista, sentrá den e ami, ta sobresalí, i den ki partinan bo ta mira un bida ku ta reflehá e obramentu di Spiritu Santu den bo? Kiko bo kontesta ta bisabo tokante bo mes i e eskohonan ku bo mester hasi? 7 / 8

8 Powered by TCPDF ( Pa mas Estudio djabierne, Ta natural pa kualke persona buska di tin kòntròl riba su mes bida. Normalmente nos ta dependé riba nos propio esfuersonan pa alkansá tur loke ku nos por. Miéntras hopi hende ta pasa nan bida den un búskeda di kòntròl, otronan tin un temor insaludabel pa pèrdè kòntròl. E dilema humano aki ta haña kontesta solamente den Dios. E ke pa bo duna É, ku ta bo Kreador i Redentor, kòntròl total. E konosé bo i ta stimabo manera ningun otro hende por. Esaki ta habri porta pa E obra den bo bida. Dor di skohe pa someté bo boluntat na e direkshon di e Spiritu Santu di Dios, lo bo tin Su pas sobrenatural i oportunidatnan ilimitá pa ta un bendishon pa otronan. Pero nos mester tin e deseo pa e poder aki den nos bida. Dios no ta fòrsa Su mes riba ningun di nos. Pa nos ta sernan moral nos mester ta sernan liber. I pa ta berdaderamente liber den Kristu, nos mester di un sentido di abandono (esun di ke bandoná nos maneranan pekaminoso bieu i kaí) i un sentido di permanensia (esun di permanesé den e poder di Spiritu Santu). Pa ta berdaderamente liber, nos mester ta berdaderamente someté na e kòntròl di Spiritu Santu. Pero no tin kontradikshon aki. Nos libertat ta ser hañá den liberashon for di kondenashon i poder di piká, kua semper ta hasi nos esklabo i semper ta hiba na morto. En kambio, dor di someté na Señor i habri kaminda pa Spiritu Santu biba den nos, no solamente nos no ta kondená mas (lesa Rom. 8:1), sino nos ta biba un bida kaminda ku nos no ta kana di akuerdo ku e karni, sino di akuerdo ku e Spiritu (NKJV). Esei ta e úniko libertat berdadero ku nos, komo sernan pekaminoso i kaí, hamas por konosé. Preguntanan di Diskushon: 1. Algun hende ta pensa ku libertat ta konsistí di ta kapas pa hasi loke bo ke, ora bo ke, i na e manera ku bo ke hasié. Ki problema tin ku e konsepto ei, for di un perspektiva Kristian? Kiko ta e idea bíbliko di berdadero libertat? (Lesa Salmo 119:45; Lukas 4:18; Juan 8:34-36; 2 Kor. 3: 17; Gal. 5:1.) 2. Dikon ta importante pa pone e ami un banda i konsagrá nos bida kompletamente na Dios promé ku Spiritu Santu por obra poderosamente atraves di nos? Kiko Dios por hasi den bo ku lo por hasibo un bendishon mas grandi pa otronan si bo pone e ami un banda i habri bo kurashon na e obra di Spiritu Santu den bo? 3. E bida Kristian no ta un modifikashon òf mehorashon di esun bieu, ma un transformashon di naturalesa. Tin un morto na e ami i piká, i un bida kompletamente nobo. E kambio aki por ser efektuá solamente dor di e obra efikas di Spiritu Santu.?Ellen G. White, The Desire of Ages, p Diskutí den klas e implikashonnan di e palabranan aki. 8 / 8

Spiritu Santu, nos Yudador

Spiritu Santu, nos Yudador SPIRITU SANTU, NOS YUDADOR CALVIN VARLACK TIN 3 SITUASHON KU TA MARKA BIDA DI KRISTIANNAN RELASHONÁ KU SPIRITU SANTU: 1.Ignoransha Boso a risibí Spiritu Santu ora boso a aseptá fe? Nan a kontest'é: Nos

More information

Bo Beibel

Bo Beibel Bo Beibel Kon pa haña loke bo ta buska den Beibel? Bo Beibel Kon pa prepará pa e lèsnan? Uza un skref i pèn Pasa den e kapítulo di e buki i purba di traha e ehersisionan promé ku bini lès Traha tarea fo

More information

Presentación de PowerPoint

Presentación de PowerPoint Lès 2 pa April 13, 2019 E ESKOHONAN KU NOS TA HASI Nos ta hasi eskohonan tur dia. Algun di nan ta di rutina i insignifikante, pero otronan lo por tin un impakto den nos bida etèrno (Josue 24:15). Nos eskohonan

More information

Sabbatskol les 8 kuartaal 4, 2017

Sabbatskol les 8 kuartaal 4, 2017 KEN E HÒMBER DI ROMANONAN 7 TA? Les 8 di kuartaal 4, aña 2017 Lesa pa e siman aki: Romanonan 7:1-25 TEKSTO PRINSIPAL: "Ma awor nos a wòrdu librá di Lei, siendo ku nos ta morto pa e lei ku tabatin nos mará,

More information

Presentación de PowerPoint

Presentación de PowerPoint Lès 13 pa Sèptèmber 29, 2018 Pablo no por a prediká den públiko pa algun añanan. Awor é tabata baiendo na e stat kapital di e Emperio Romano, asina ku é por prediká einan. E lo enfrentá hopi problemanan

More information

Bèl a bati

Bèl a bati Plenchi Bèl a bati Bèlèm bèlèm ata ora a yega pa nos topa riba nos plenchi di alegria. Kontentu di por topa ku bo riba nos plenchi. Skolnan a kuminsá riba spit bèk despues di fakansi. Eksamen ta den porta

More information

17 23 yanüari Studia lès di e siman aki pa prepará pa Sabat, 23 yanüari KONFLIKTO I KRISIS: E HUESNAN Lesa: Huesnan 4; Huesnan 6; Huesnan 14; Hebreona

17 23 yanüari Studia lès di e siman aki pa prepará pa Sabat, 23 yanüari KONFLIKTO I KRISIS: E HUESNAN Lesa: Huesnan 4; Huesnan 6; Huesnan 14; Hebreona 17 23 yanüari Studia lès di e siman aki pa prepará pa Sabat, 23 yanüari KONFLIKTO I KRISIS: E HUESNAN Lesa: Huesnan 4; Huesnan 6; Huesnan 14; Hebreonan 11:32; 1 Samuel 2:12-25; 8:1-7. Teksto di Memoria:

More information

Bèl a bati

Bèl a bati Plenchi Bèl a bati Tring tringggggg ata bo zonido konosí pa anunsia ku nos tin ku reuni pa sa kiko a pasa siman ku a kaba. Mienras tantu eksamen tambe ta tras di lomba i hóbennan a festehá ku e peso a

More information

- Gradisí Señor pa Su grasia - Na promé lugá nos ker a gradisí Señor Dios pa Su grasia, konosementu, komprendementu i sabiduria ku El a impartá riba n

- Gradisí Señor pa Su grasia - Na promé lugá nos ker a gradisí Señor Dios pa Su grasia, konosementu, komprendementu i sabiduria ku El a impartá riba n - Gradisí Señor pa Su grasia - Na promé lugá nos ker a gradisí Señor Dios pa Su grasia, konosementu, komprendementu i sabiduria ku El a impartá riba nos pa pone e estudio akí den otro. Tambe nos ker a

More information

5 11 yüni Studia lès di e siman aki pa prepará pa Sabat, 11 yüni SUSESONAN DEN FIN DI TEMPU Lesa: Eksodo 19:5, 6; Mateo 23; Juan 12:20-26; Mateo 24; J

5 11 yüni Studia lès di e siman aki pa prepará pa Sabat, 11 yüni SUSESONAN DEN FIN DI TEMPU Lesa: Eksodo 19:5, 6; Mateo 23; Juan 12:20-26; Mateo 24; J 5 11 yüni Studia lès di e siman aki pa prepará pa Sabat, 11 yüni SUSESONAN DEN FIN DI TEMPU Lesa: Eksodo 19:5, 6; Mateo 23; Juan 12:20-26; Mateo 24; Juan 14:1-4; 1 Tesalonisensenan 4:16.. Teksto di Memoria:

More information

Sabbatskol les 10 kuartaal 2, 2017

Sabbatskol les 10 kuartaal 2, 2017 Profesia i Skritura Les 10 di kuartaal 2, aña 2017 Lesa pa e siman aki: Isa. 53:1-12; Dan. 7:13, 14; 2 Ped. 1:16-20; Mat. 17:1-6; 2 Tim. 3:15-17. TEKSTO PRINSIPAL: "I asina NOS tin e palabra profétiko

More information

Sabbatskol les 7 kuartaal 4, 2018

Sabbatskol les 7 kuartaal 4, 2018 Ora Konfliktonan Lanta Les 7 di kuartaal 4, aña 2018 Lesa pa e siman aki: Echonan 6:1-6; Echonan 10:1-23; Mat. 5:17-20; Echonan 11:3-24; Echonan 15:1-22; Amos 9:11,12. TEKSTO PRINSIPAL: "Pasobra boso tur,

More information

Sabbatskol les 9 kuartaal 1, 2018

Sabbatskol les 9 kuartaal 1, 2018 Ofrendanan di Gratitut Les 9 di kuartaal 1, aña 2018 Lesa pa e siman aki: Mat. 6:19-21; Efe. 2:8; 1 Ped. 4:10; Lukas 7:37-47; 2 Kor 8:8-15; 2 Kor 9:6, 7. TEKSTO PRINSIPAL: "Pasobra Dios a stima mundu asina

More information

Sabbatskol les 3 kuartaal 2, 2019

Sabbatskol les 3 kuartaal 2, 2019 Preparando pa Kambio Les 3 di kuartaal 2, aña 2019 Lesa pa e siman aki: 1 Kor. 10:1-13; Gen. 2:24; 1 Kor. 13:4-8; 1 Sam. 1:27; Salmo 71:1-24; 1 Kor. 15:24-26. TEKSTO PRINSIPAL: Hustisia lo bai Su dilanti,

More information

Bèl a bati

Bèl a bati Plenchi Bèl a bati TRINGG TRINGGG bèlèm... TRINGG TRINGGG bèlèm...subi nos plenchi pa bo gosa. E dianan aki ta fiesta tin pa tur graduado. Tur anochi kasi tin fiesta e siman aki i otro siman. Hobennan

More information

Sabbatskol les 12 kuartaal 1, 2018

Sabbatskol les 12 kuartaal 1, 2018 E Hábitonan di un Mayordomo Les 12 di kuartaal 1, aña 2018 Lesa pa e siman aki: Efe. 5:15-17, Kol. 3:23, Lukas 12:35-48, San. 4:14, Ech. 3:21, 1 Kor. 9:24-27. TEKSTO PRINSIPAL: "Kon un hoben por tene su

More information

Unabes salbá, semper salbá!

Unabes salbá, semper salbá! UNABES SALBÁ, SEMPER SALBÁ! Pa Calvin Varlack PONENSIA KLA: Ta ún tipo di salbashon so ta eksistí, esta salbashon ku ta etermo! Promé ku nos trata e argumentunan ku ta sosotené e doktrina di unabes salbá,

More information

10 16 yanüari Studia lès di e siman aki pa prepará pa Sabat, 16 yanüari REBELDIA MUNDIAL I E PATRIARKANAN Lesa: Genesis 4:1-15; Genesis 3:9, 10; Genes

10 16 yanüari Studia lès di e siman aki pa prepará pa Sabat, 16 yanüari REBELDIA MUNDIAL I E PATRIARKANAN Lesa: Genesis 4:1-15; Genesis 3:9, 10; Genes 10 16 yanüari Studia lès di e siman aki pa prepará pa Sabat, 16 yanüari REBELDIA MUNDIAL I E PATRIARKANAN Lesa: Genesis 4:1-15; Genesis 3:9, 10; Genesis 6:1-13; Salmonan 51:1; Genesis 22; Genesis 28:12-15.

More information

19 25 yüni Studia lès di e siman aki pa prepará pa Sabat, 25 yüni KRUSIFIKA I RESUSITA Lesa: Mateo 27:11-26; Juan 3:19; Isaias 59:2; Mateo 27:45, 46,

19 25 yüni Studia lès di e siman aki pa prepará pa Sabat, 25 yüni KRUSIFIKA I RESUSITA Lesa: Mateo 27:11-26; Juan 3:19; Isaias 59:2; Mateo 27:45, 46, 19 25 yüni Studia lès di e siman aki pa prepará pa Sabat, 25 yüni KRUSIFIKA I RESUSITA Lesa: Mateo 27:11-26; Juan 3:19; Isaias 59:2; Mateo 27:45, 46, 49-54; Hebreonan 8:1-6; Mateo 28:1-20. Versíkulo di

More information

Bèl a bati

Bèl a bati Plenchi Bèl a bati Bon bini riba plenchi. TRINGG TRINGGG bèlèm... TRINGG TRINGGG bèlèm...bèlèm bèlèm. Nos klòk a kuminsá zona paso nos ta sinti holo di pasku kaba. Bo tambe a sintie. Esta nèchi Korsou

More information

Bèl a bati

Bèl a bati Plenchi Bèl a bati Tring tring trrrringggg ata e ora a yega pa nos kompartí. Yega na bòshi pa nos por repasá e siman tras di lomba. Na skolnan avansá e tutsnan kasi ta tras di lomba, ta her so falta awor.

More information

29 mei 4 yüni Studia lès di e siman aki pa prepará pa Sabat,4 yüni HESUS NA JERUSALEM Lesa: Zakarias 9:9; Mateo 21:1-46; Romanonan 4:13-16; Revelashon

29 mei 4 yüni Studia lès di e siman aki pa prepará pa Sabat,4 yüni HESUS NA JERUSALEM Lesa: Zakarias 9:9; Mateo 21:1-46; Romanonan 4:13-16; Revelashon 29 mei 4 yüni Studia lès di e siman aki pa prepará pa Sabat,4 yüni HESUS NA JERUSALEM Lesa: Zakarias 9:9; Mateo 21:1-46; Romanonan 4:13-16; Revelashon 14:7-12; Echonan 6:7; Mateo 22:1-15. Teksto di Memoria:

More information

Presentación de PowerPoint

Presentación de PowerPoint Lès 6 pa Mei 11, 2019 Relashonnan seksual ta un tópiko tabú den hopi kulturanan. Nan a wòrdu generalmente tratá komo algu pekaminoso. Sinembargo, e Beibel ta splika ku Dios a krea hòmber i muhé no solamente

More information

Bo Beibel

Bo Beibel Bo Beibel Bukinan di Tèstamènt Nobo Bo Beibel Evangelio (4) Historia (1) Epestel Pauline (13) Mateo Marko Lukas Huan Echonan Romanonan 1 & 2 Korintionan Galatanan Efesionan Filipensenan Kolosensenan 1

More information

Les 1 testament Bieu pag 5-13

Les 1 testament Bieu pag 5-13 Estudio Bíbliko Tèstamènt bieu Kiko nos ta bai trata den Old Testament Literature? Nos ta bai pasa den e bukinan di Tèstamènt Bieu i wak: - Historia - Gramátika - Aspektonan Geográfiko - Aspektonan Kultural

More information

Sabbatskol les 9 kuartaal 3, 2018

Sabbatskol les 9 kuartaal 3, 2018 E Segundo Biahe Mishonero Les 9 di kuartaal 3, aña 2018 Lesa pa e siman aki: Echonan 16, Rom. 3:28, Gal. 2:16, Echonan 17, 1 Kor. 1:23, Echonan 18:1-10. TEKSTO PRINSIPAL: "No tene miedu mas, ma sigui papia

More information

Sabbatskol les 4 kuartaal 1, 2019

Sabbatskol les 4 kuartaal 1, 2019 Digno Ta e Lamchi Les 4 di kuartaal 1, aña 2019 Lesa pa e siman aki: Revelashon 4, Ezk.1:5-14, Revelashon 5, Ef. 1:20 23, Heb. 10:12, Echonan 2:32-36. TEKSTO PRINSIPAL: " 'Stòp di yora; mira, e Leon ku

More information

Bèl a bati

Bèl a bati Plenchi Bèl a bati TRINGG TRINGGG bèlèm... TRINGG TRINGGG bèlèm...nos tei atrobe riba bo Plenchi di skol pa nos pasa un ratu kontentu huntu. Nos ta kabando luna di mart kaba pues falta 2 luna i mei pa

More information

Bo Beibel

Bo Beibel Bo Beibel Kon nos por sa ku Beibel ta e Palabra di Dios? Bo Beibel Kon pa prepará pa e lèsnan? Uza un skref i pèn Pasa den e kapítulo di e buki i purba di traha e ehersisionan promé ku bini lès Traha tarea

More information

Sabbatskol les 10 kuartaal 3, 2018

Sabbatskol les 10 kuartaal 3, 2018 E di Tres Biahe Mishonero Les 10 di kuartaal 3, aña 2018 Lesa pa e siman aki: Echonan 18:24-28; Echonan 19; Echonan 20: 7-12, 15-27; 2 Kor. 4:8-14; Echonan 21:1-15. TEKSTO PRINSIPAL: "Ma mi no ta konsiderá

More information

Sabbatskol les 5 kuartaal 1, 2019

Sabbatskol les 5 kuartaal 1, 2019 E Shete Seyonan Les 5 di kuartaal 1, aña 2019 Lesa pa e siman aki: Rev. 6:1-14, Lev. 26:21-26, Ezek. 4:16, Deut. 32:43, 2 Tes. 1:7-10. TEKSTO PRINSIPAL: " 'Abo ta digno pa tuma e buki i pa kibra su seyonan;

More information

Sabbatskol les 3 kuartaal 1, 2019

Sabbatskol les 3 kuartaal 1, 2019 Hesus Su Mensahe na e Shete Iglesianan Les 3 di kuartaal 1, aña 2019 Lesa pa e siman aki: Rev. 2:8-11, Rev. 2:12-17, Rev. 2:18-29, Rev. 3:1-6, Rev. 3:14-22, Isa. 61:10. TEKSTO PRINSIPAL: "'Esun ku vense,

More information

Bèl a bati

Bèl a bati Plenchi Bèl a bati Tring tring...bèlèm bèlèm ata e ora a yega pa nos subi plenchi na bòshi. Ta un plaser di topa hende positivo i ku gana di wordu informá di kosnan positivo ku ta pasa den nos skolnan.

More information

Kiko ta literatura? Literatura ta un forma artístiko pa skibi pensamentu i sintimentu. 2

Kiko ta literatura? Literatura ta un forma artístiko pa skibi pensamentu i sintimentu. 2 Kiko ta literatura? Literatura ta un forma artístiko pa skibi pensamentu i sintimentu. 2 Konseptonan literario Lektura: ta tur loke ku bo por lesa. 3 Konseptonan literario Fikshon: ta tekstonan inventá.

More information

Bèl a bati

Bèl a bati Plenchi Bèl a bati Ora novèmber dal a den ta manera e spit ta subi i dianan ta bula mas lihé ku normal. Kaya ta bira hopi druk i hendenan ta kumpra kos manera ta mundu ta bai kaba. Of manera ora aña boltu

More information

rapport

rapport Rapòrt Pasenshi, un virtut? Un investigashon di e proseso di un kaso di demanda pa daño i perhuisio di openbaar lichaam Bonaire (OLB) Opinion A base di e investigashon Nationale ombudsman ta haña e keho

More information

Bèl a bati

Bèl a bati Plenchi Bèl a bati TRINGG TRINGGG bèlèm... TRINGG TRINGGG bèlèm... Un felis dia pa bo. Danki pa subi riba nos plenchi di skol. Si si kosnan a normalisá i welganan a keda tras di nos. Nos ta kontentu ku

More information

Korporashon pa Desaroyo di Kòrsou Schottegatweg Oost 36 Curacao Phone: Resúmen di Plan di Negoshi

Korporashon pa Desaroyo di Kòrsou Schottegatweg Oost 36 Curacao Phone: Resúmen di Plan di Negoshi Resúmen di Plan di Negoshi di Kopodeko (USO INTERNO) Konsepto & análisis di negoshi Duna un deskripshon kòrtiku di e negoshi ku bo ke kuminsá / di kua abo ta doño : Dikon bo ke kuminsá òf ekspandé bo propio

More information

Sabbatskol les 2 kuartaal 4, 2019

Sabbatskol les 2 kuartaal 4, 2019 Nehemias Les 2 di kuartaal 4, aña 2019 Lesa pa e siman aki: Nehemias 1-2, Deut. 7:9, Salmo 23:1-6, Num. 23:19. TEKSTO PRINSIPAL: "Ora mi a tende esaki, mi a sinta yora i tene luto dianan largu. Tambe mi

More information

our nature, our future …

our nature, our future … Boletin informativo Kakalaka Periplaneta americana Hopi hende ta pensa ku hende ta e espesie mas dominante riba e mundu akí. Hopi hende ta pensa ku nos ta mas importante ku otro bestia i paranan ku ta

More information

our nature, our future …

our nature, our future … infoblad Ref di koral Na playa bo ta haña den santu hopi pida piedra ku mayoria hende ta yama koral. Pa e motibu ei hopi hende ta kere tambe ku koral ta morto òf sin bida. Pero e pida koral ku bo por haña

More information

PARLAMENTO DI KO RS O U Parliament of Curac;:ao Parlamento de Curazao Staten van Curac;:ao Na: Presidente di Parlarnento di Korsou Sr. W. Millerson Wi

PARLAMENTO DI KO RS O U Parliament of Curac;:ao Parlamento de Curazao Staten van Curac;:ao Na: Presidente di Parlarnento di Korsou Sr. W. Millerson Wi PARLAMENTO DI KO RS O U Parliament of Curac;:ao Parlamento de Curazao Staten van Curac;:ao Na: Presidente di Parlarnento di Korsou Sr. W. Millerson Wilhelminaplein # 4 PRESENTE STATEN VAN CU~AO Ontv.:

More information

Rapòrt Un investigashon riba e manera di aktua di Algemene Inlichtingen- en Veiligheidsdienst Fecha: 6 di sèptèmber 2016 Rapòrt number: 2016/082

Rapòrt Un investigashon riba e manera di aktua di Algemene Inlichtingen- en Veiligheidsdienst Fecha: 6 di sèptèmber 2016 Rapòrt number: 2016/082 Rapòrt Un investigashon riba e manera di aktua di Algemene Inlichtingen- en Veiligheidsdienst Fecha: 6 di sèptèmber 2016 Rapòrt number: 2016/082 2 KIKO TA E KEHU? NRC a publiká riba 21 di novèmber 2013

More information

Un krench i Birgen EDISHON 4 YAN 2018 Entrevista ku Ida Silvanie PÁGINA 2 Galeria di Potrèt NOS A HABRI UN AÑA NOBO, AÑA 2018, KU YEN DI DESEO I META

Un krench i Birgen EDISHON 4 YAN 2018 Entrevista ku Ida Silvanie PÁGINA 2 Galeria di Potrèt NOS A HABRI UN AÑA NOBO, AÑA 2018, KU YEN DI DESEO I META Un krench i Birgen EDISHON 4 YAN 2018 Entrevista ku Ida Silvanie PÁGINA 2 Galeria di Potrèt NOS A HABRI UN AÑA NOBO, AÑA 2018, KU YEN DI DESEO I META NOBO. E aña ta kuminsá ku selebrashon di nos aniversario.

More information

Bèl a bati

Bèl a bati Plenchi Bèl a bati TRINGG TRINGGG bèlèm... TRINGG TRINGGG bèlèm... Nos a kana drenta aña 2019 ku positivismo, speransa i fé. Un aña kargá ku bendishon pa bo, bo famia i tur esnan ku bo ta stima. Plama

More information

Esaki ta un avanse di e buki Awa, Habon ku Past i Djente. E buki aki ta optenibel na Mensing s Caminada òf serka e outor. Preis: Fl 50,- lione

Esaki ta un avanse di e buki Awa, Habon ku Past i Djente. E buki aki ta optenibel na Mensing s Caminada òf serka e outor. Preis: Fl 50,-   lione Esaki ta un avanse di e buki Awa, Habon ku Past i Djente. E buki aki ta optenibel na Mensing s Caminada òf serka e outor. Preis: Fl 50,- E-mail: lionel_326@hotmail.com Awa, Habon i Past i Djente! Copyright

More information

Serena s Art Factory Klas: 3TK3 Nomber: Rebecca Fresco, Giney-shaley Offerman Vaak: CAV Dosent: juff Floridas Fecha: 30 Maart 2018 Skol: St. Jozef VSB

Serena s Art Factory Klas: 3TK3 Nomber: Rebecca Fresco, Giney-shaley Offerman Vaak: CAV Dosent: juff Floridas Fecha: 30 Maart 2018 Skol: St. Jozef VSB Serena s Art Factory Klas: 3TK3 Nomber: Rebecca Fresco, Giney-shaley Offerman Vaak: CAV Dosent: juff Floridas Fecha: 30 Maart 2018 Skol: St. Jozef VSBO Serena Janet Israel Serena a nase na aña 1971. E

More information

Nota informativo Vidanova, E nota informativo di bo Fondo di Penshun Vidanova. Awor si Rafaël Pichardo ta dispedí di Vidanova Intrevista ku Ra

Nota informativo Vidanova, E nota informativo di bo Fondo di Penshun Vidanova. Awor si Rafaël Pichardo ta dispedí di Vidanova Intrevista ku Ra Nota informativo Vidanova, 2019-02 E nota informativo di bo Fondo di Penshun Vidanova. Awor si Rafaël Pichardo ta dispedí di Vidanova Intrevista ku Rafaël Pichardo Digitalisashon Datonan estadístiko Ku

More information

PARLAMENTO DI KORSOU Parliament of Curac;ao Parlamento de Curazao Staten van Curac;ao Na Presidente di Parlamento Sr. W. Millerson Wilhelminaplein # 4

PARLAMENTO DI KORSOU Parliament of Curac;ao Parlamento de Curazao Staten van Curac;ao Na Presidente di Parlamento Sr. W. Millerson Wilhelminaplein # 4 Parliament of Curac;ao Parlamento de Curazao Staten van Curac;ao Na Presidente di Parlamento Sr. W. Millerson Wilhelminaplein # 4 Willemstad 16 yaniiari 2019 T6piko: Rekordatorio Apresiabel Presidente.

More information

PARLAMENTO DI KORSOU Parliament of Curac:;ao Parlamento de Curazao Staten van Curac:;ao Na: Presidente di Parlamento di Korsou Sr. W. Millerson Wilhel

PARLAMENTO DI KORSOU Parliament of Curac:;ao Parlamento de Curazao Staten van Curac:;ao Na: Presidente di Parlamento di Korsou Sr. W. Millerson Wilhel PARLAMENTO DI KORSOU Parliament of Curac:;ao Parlamento de Curazao Staten van Curac:;ao Na: Presidente di Parlamento di Korsou Sr. W. Millerson Wilhelminaplein # 4 PRESENTE Korsou, 7 di mart 2019 Apresiabel

More information

Boletin Informativo K A R N A V A L Kontenido Biba nos Kultura 1 Bienestar di mucha 2 Norma i Balor 3 Seguridat i Órden Públiko Importansia di

Boletin Informativo K A R N A V A L Kontenido Biba nos Kultura 1 Bienestar di mucha 2 Norma i Balor 3 Seguridat i Órden Públiko Importansia di Boletin Informativo K A R N A V A L 2 0 1 9 Kontenido Biba nos Kultura 1 Bienestar di mucha 2 Norma i Balor 3 Seguridat i Órden Públiko Importansia di Barera Zonido 6 Higiena 7 4 5 Biba nos Kultura pero

More information

Bèl a bati

Bèl a bati Plenchi Bèl a bati TRINGG TRINGGG bèlèm... TRINGG TRINGGG bèlèm... Un felis dia, i un wikent bendishoná. Siman pasá nos a biba momentunan di sustu ora un notisia via app a keda kompaña ku un mal wega,

More information

Resúmen di e informe di Ombudsman Nashonal di 2016

Resúmen di e informe di Ombudsman Nashonal di 2016 ESUN KU NO TA PAS, TA PEGA 201 Kompilashon di Reportahe di Ombudsman Nashonal tokante 201 INVESTIGASHONNAN EMBLEMATIKO Desaparishon di e ènvelop blou di Belastingdienst Servisio di impuesto mester komuniká

More information

Tratamentu di Keho Ofisina di Kuido Bonèiru, Sint Eustatius i Saba Fecha: 5 di desèmber 2017 Number di rapòrt: 2017/135

Tratamentu di Keho Ofisina di Kuido Bonèiru, Sint Eustatius i Saba Fecha: 5 di desèmber 2017 Number di rapòrt: 2017/135 Tratamentu di Keho Ofisina di Kuido Bonèiru, Sint Eustatius i Saba Fecha: 5 di desèmber 2017 Number di rapòrt: 2017/135 2 Kontenido 1. Introdukshon 1.1 Antesedente di investigashon 1.2 Ophetivo 1.3 Pregunta

More information

Brochure NAT 2018 Pap examens sept okt 2018 juni 2018

Brochure NAT 2018 Pap examens sept okt 2018 juni 2018 Prueba di Naturalisashon Kòrsou Foyeto di Prueba di Naturalisashon Entrante 1 di òktober 2007 e Reglamento nobo di Naturalisashon a drenta na vigor. Si bo ke bira Hulandes, bo mester pasa e Prueba di Naturalisashon.

More information

KORANT BIRGEN EDISHON 1 SEP 2017 Señora Juana Dortalina a selebrá su 100 aña... Página 2 Mi Amparo a kuminsá un proyekto di dam... Apresiabel lesadó,

KORANT BIRGEN EDISHON 1 SEP 2017 Señora Juana Dortalina a selebrá su 100 aña... Página 2 Mi Amparo a kuminsá un proyekto di dam... Apresiabel lesadó, EDISHON 1 SEP 2017 Señora Juana Dortalina a selebrá su 100 aña... Página 2 Mi Amparo a kuminsá un proyekto di dam... Apresiabel lesadó, Ku gran plaser nos ta re-instituí un korant pa nos Fundashon Birgen

More information

MANEHO DI DONASHON DI FUNDASHON WEGA DI NUMBER BONAIRE (FWNB) 1. Definishonnan General Fundashon Wega di number Bonaire tin komo meta prinsipal atkisi

MANEHO DI DONASHON DI FUNDASHON WEGA DI NUMBER BONAIRE (FWNB) 1. Definishonnan General Fundashon Wega di number Bonaire tin komo meta prinsipal atkisi MANEHO DI DONASHON DI FUNDASHON WEGA DI NUMBER BONAIRE (FWNB) 1. Definishonnan General Fundashon Wega di number Bonaire tin komo meta prinsipal atkisishon di fondo pa medio di organisá wega di azar na

More information

Buki di lès klas 1 i 2 Enseñansa sekundario pa e eksposishon: George Maduro, héroe di movementu di resistensia di Kòrsou.

Buki di lès klas 1 i 2 Enseñansa sekundario pa e eksposishon: George Maduro, héroe di movementu di resistensia di Kòrsou. Buki di lès klas 1 i 2 Enseñansa sekundario pa e eksposishon: George Maduro, héroe di movementu di resistensia di Kòrsou. George ku su prima i su ruman muhé chikitu Skirbi tur loke bo ke sa di George Maduro.

More information

f0d242d4-dbdd-4f c7be87fba.pdf

f0d242d4-dbdd-4f c7be87fba.pdf Programa pa elekshon 2019-2023 Ban Pone Boneiru Promé Partido 1 Union Pa Pueblo a ser fundá pa e lider polítiko Aljano Emerenciana ku e vishon i mishon pa reskatá Boneiru i su Pueblo for di e status aktual

More information

m Fundashon pa Konsumidó Ekseso di Saiu ta malu pa bo Salú Ki ora bo ta paga ku bo Credit Card Garantia ekstra Komparashon di preis riba wasmashin Fun

m Fundashon pa Konsumidó Ekseso di Saiu ta malu pa bo Salú Ki ora bo ta paga ku bo Credit Card Garantia ekstra Komparashon di preis riba wasmashin Fun m Fundashon pa Konsumidó Ekseso di Saiu ta malu pa bo Salú Ki ora bo ta paga ku bo Credit Card Garantia ekstra Komparashon di preis riba wasmashin Fundashon pa Konsumido 35 afia sirbiendo nos komunidat!

More information

GAROSHI BOLETIN INFORMATIVO DI SELIKOR # WARDA BO GAROSHI! Garoshi ta un boletin informativo ku Selikor ta repartí na gran mayoria di kas. E di

GAROSHI BOLETIN INFORMATIVO DI SELIKOR # WARDA BO GAROSHI! Garoshi ta un boletin informativo ku Selikor ta repartí na gran mayoria di kas. E di GAROSHI BOLETIN INFORMATIVO DI SELIKOR #4 2015 WARDA BO GAROSHI! Garoshi ta un boletin informativo ku Selikor ta repartí na gran mayoria di kas. E di 4 edishon di Garoshi ta unu ku sigur bo tin ku warda.

More information

Microsoft Word - voorkant_colofon_voorwoord en Inhoudsopgave _090309__a5.doc

Microsoft Word - voorkant_colofon_voorwoord en Inhoudsopgave _090309__a5.doc Molèster riba kaya Inventarisatie overlastgevenden Groot Willemstad B. Bieleman R. Nijkamp S. Biesma COLOFON St. INTRAVAL Postadres : Postbus 1781 9701 BT Groningen E-mail info@intraval.nl www.intraval.nl

More information

PARLAMENTO DI KO RS OU Parliament of Cura~ao Parlamento de Curazao Staten van Cura~ao Na: Vise Presidente di Parlamento di Korsou Sra. Giselle McWilli

PARLAMENTO DI KO RS OU Parliament of Cura~ao Parlamento de Curazao Staten van Cura~ao Na: Vise Presidente di Parlamento di Korsou Sra. Giselle McWilli PARLAMENTO DI KO RS OU Parliament of Cura~ao Parlamento de Curazao Staten van Cura~ao Na: Vise Presidente di Parlamento di Korsou Sra. Giselle McWilliam Wilhelminaplein 4 Presente. STATEN VAN CURA~AO Ontv.:

More information

Un krench i Birgen EDISHON 9 APREL 2019 DESPEDIDA DI LIZANNE BRADSHAW-WASON DONASHON DI RÒLSTÙL PÁGINA 3 DESPEDIDA DI AYA MACDONALD PÁGINA 5 GRANDINAN

Un krench i Birgen EDISHON 9 APREL 2019 DESPEDIDA DI LIZANNE BRADSHAW-WASON DONASHON DI RÒLSTÙL PÁGINA 3 DESPEDIDA DI AYA MACDONALD PÁGINA 5 GRANDINAN Un krench i Birgen EDISHON 9 APREL 2019 DESPEDIDA DI LIZANNE BRADSHAW-WASON DONASHON DI RÒLSTÙL PÁGINA 3 DESPEDIDA DI AYA MACDONALD PÁGINA 5 GRANDINAN TAMBE TEI PÁGINA 8 Fundashon Birgen di Rosario a kumpli

More information

Nota maneho di propaganda (konsepto) Na kaminda pa un esena di kaya atraktivo i limpi (Kresementu ku mantenshon di naturalesa i kultura) Direktorado D

Nota maneho di propaganda (konsepto) Na kaminda pa un esena di kaya atraktivo i limpi (Kresementu ku mantenshon di naturalesa i kultura) Direktorado D Nota maneho di propaganda (konsepto) Na kaminda pa un esena di kaya atraktivo i limpi (Kresementu ku mantenshon di naturalesa i kultura) Direktorado Direktorado Planifikashon i Desaroyo Departamentu Maneho

More information

1 2 3 6 10 < > 13 16 16 4 17 13 00 15 30 5

1 2 3 6 10 < > 13 16 16 4 17 13 00 15 30 5 2004 16 3 23 q 4 21 r 1 2 3 6 10 < > 13 16 16 4 17 13 00 15 30 5 13 2 2 16 4 4 17 3 16 3 1 16 3 2 905 1438 1201 1205 1210 70 1812 25 1635 1654 3 44 47 10 10 911.18-R 1193 34 1652 4 911.107-H 1159 1685

More information

Sinku aña Hulanda Karibense Konsekuensianan pa e poblashon Resúmen periodístiko

Sinku aña Hulanda Karibense Konsekuensianan pa e poblashon Resúmen periodístiko Sinku aña Hulanda Karibense Konsekuensianan pa e poblashon Resúmen periodístiko Sinku aña Hulanda Karibense Resúmen periodístiko Konsekuensianan pa e poblashon Redakshon: Evert Pommer Rob Bijl Resumí pa

More information

Despues ku stòf a baha Tokante vulnerabilidat i bon intenshon Komishon Independiente Tilburg Kromo-6 Riesgo di salú na trabou na trom entre 2004 i 201

Despues ku stòf a baha Tokante vulnerabilidat i bon intenshon Komishon Independiente Tilburg Kromo-6 Riesgo di salú na trabou na trom entre 2004 i 201 Despues ku stòf a baha Tokante vulnerabilidat i bon intenshon Komishon Independiente Tilburg Kromo-6 Riesgo di salú na trabou na trom entre 2004 i 2012 Konseho final 31 di yanüari 2019 De Adviesraad voor

More information

Bèl a bati

Bèl a bati Plenchi Bèl a bati TRINGG TRINGGG bèlèm... TRINGG TRINGGG bèlèm... Nos tei nos tei atrobe. Despues di un fakansi largu nos ta kontentu di risibí boso riba plenchi. Hopi falta nos a sinti di Plenchi di

More information

edishon6.pmd

edishon6.pmd Djaluna 3 Sèptèmber 2018 www.etraboneiru.com Adriaens retirá Kòrsou, Aruba Fl 1,50 - Boneiru $1,00 KARA BONERIANO Johan Evert Abraham, Jopi, ta un di e polítikonan di mas importante ku Boneiru a konosé

More information

Di nos tur Atraves di nos tur Pa nos tur Programa di gobernashon Kolegio Ehekutivo Boneiru

Di nos tur Atraves di nos tur Pa nos tur Programa di gobernashon Kolegio Ehekutivo Boneiru Di nos tur Atraves di nos tur Pa nos tur Programa di gobernashon Kolegio Ehekutivo Boneiru 2019-2023 Di nos tur Atraves di nos tur Pa nos tur II Prólogo Bo meresé un Boneiru sostenibel den un ambiente

More information

.w..01 (1-14)

.w..01 (1-14) ISSN 0386-7617 Annual Research Reports No.33, 2009 THE FOUNDATION FOR GROWTH SCIENCE ön é

More information

ï ñ ö ò ô ó õ ú ù n n ú ù ö ò ô ñ ó õ ï

ï ñ ö ò ô ó õ ú ù n n ú ù ö ò ô ñ ó õ ï ï ñ ö ò ô ó õ ú ù n n ú ù ö ò ô ñ ó õ ï B A C Z E ^ N U M G F Q T H L Y D V R I J [ R _ T Z S Y ^ X ] [ V \ W U D E F G H I J K O _ K W ] \ L M N X P S O P Q @ @ @ @ @ @ @ @ @ @ @ @ @ @ @ @ r r @ @

More information

Microsoft Word Papiamentu Programma ERA NOBO Pap

Microsoft Word Papiamentu Programma ERA NOBO Pap Programa elektoral ERA NOBO 2019-2023 TEMPU PA UN ERA NOBO TIJD VOOR EEN NIEUW TIJDPERK 1 Bonaire 10 thema s 45 actiepunten 1 Boneiru 10 tema 45 punto di akshon Página 2di25 Índise Prólogo Tema 1. Un Boneiru

More information

Sinku aña Hulanda karibense Konsekuensianan pa e poblashon Resúmen i opservashonnan final Rob Bijl i Evert Pommer Sociaal en Cultureel Planbureau De H

Sinku aña Hulanda karibense Konsekuensianan pa e poblashon Resúmen i opservashonnan final Rob Bijl i Evert Pommer Sociaal en Cultureel Planbureau De H Sinku aña Hulanda karibense Konsekuensianan pa e poblashon Resúmen i opservashonnan final Rob Bijl i Evert Pommer Sociaal en Cultureel Planbureau De Haag, òktober 2015 Resúmen i opservashonnan final Na

More information

pnp-programa-di-akshon.indd

pnp-programa-di-akshon.indd KONTENIDO 1. Introdukshon 1.1. Futuro di nos yunan 1.2. Nashon Kòrsou 2020-2030, pais di eskoho 1.3. Diálogo demokrátiko i Plan Nashonal 1.4. Struktura di e Programa di Akshon di PNP 2. Hende siviko i

More information

図書館目録HP用.PDF

図書館目録HP用.PDF 022//13 222//244 302//459 222//245 122//27 377//66 124//15 ( 124//16 611//579 222//246 222//247//1 611//580 222//248//1 222//248//2 611//581 222//249 222//250 222//251 222//251A ( 222//252 222//253 399//3

More information

Papiamentu tin sufisiente palabra?

Papiamentu tin sufisiente palabra? Papiamentu tin sufisiente palabra? Dr. Marta Dijkhoff 1. Derivashon Derivashon leksikal Prefiho: bi-seksual, de-formashon, super-oferta Sufiho: batisa-mentu, bende-dó, kore-dó(r) Infiho: kuant-ifika-mentu

More information

福岡大学人文論叢47-1

福岡大学人文論叢47-1 305 ENSAYO SOBRE ALGUNAS OPINIONES Y ACTITUDES DE UN GRUPO DE ESTUDIANTES JAPONESES DE LA UNIVERSIDAD DE FUKUOKA Bernardo Villasanz RESUMEN Datos obtenidos de las encuestas realizadas durante el curso

More information

untitled

untitled 21 19 12 16 16 13 107 19 21 108 80ha 40 24 109 13 18 10 20 110 111 16 24 112 113 58 63 11 14 14 16 19 16 17 17 21 21 114 3.1 126 3.1 / 126 / 2.8 / 109 / 40 4445 550 360 305 18 18 19 115 200 45 10 116 117

More information

0 0 0 0 0 0 0 0 0 0 0 0 0 0 0 0 0 0 0 0 0 0 0 0 0 0 0 0 0 0 0 0 fvszɕʑxɣ ppʰbttʰdtstsʰʣ ʨʨʰʥkkʰgʨʨʰɕʧʧʰʃ p pʰ b m f v t tʰ d n ts ʦʰ ʣ s z ʨ ʨʰ ʥ ɕ ʑ k kʰ g ŋ x ɣ ø

More information

…_…C…L…fi…J…o†[fiü“ePDF/−mflF™ƒ

…_…C…L…fi…J…o†[fiü“ePDF/−mflF™ƒ 80 80 80 3 3 5 8 10 12 14 14 17 22 24 27 33 35 35 37 38 41 43 46 47 50 50 52 54 56 56 59 62 65 67 71 74 74 76 80 83 83 84 87 91 91 92 95 96 98 98 101 104 107 107 109 110 111 111 113 115

More information

Slides key

Slides key 2017/11/29 pa 1 (1) Cie ie pa chësc? denn 2 3 4 3 a) b) c) 4 [ ] the dialects spoken in this area are quite homogeneous from a lexical, morphological, and syntactic point of view. They represent an ideal

More information