Sabbatskol les 3 kuartaal 1, 2019

Size: px

Start display at page:

Download "Sabbatskol les 3 kuartaal 1, 2019"

りえありたけ
5 years ago
Views:

1 Hesus Su Mensahe na e Shete Iglesianan Les 3 di kuartaal 1, aña 2019 Lesa pa e siman aki: Rev. 2:8-11, Rev. 2:12-17, Rev. 2:18-29, Rev. 3:1-6, Rev. 3:14-22, Isa. 61:10. TEKSTO PRINSIPAL: "'Esun ku vense, lo Mi permitié sinta huntu ku Mi riba Mi trono, meskos ku Ami tambe a vense i a sinta huntu ku Mi Tata riba Su trono'" (Revelashon 3:21,). Hesus Su Mensahe na e Shete Iglesianan sabbat, For di Patmos, Hesus a manda via di Juan un karta ku shete mensahe pa Su pueblo. Miéntras ku e mensahenan ei tabata konserní e iglesianan den Asia di e dianan di Juan, nan tambe profetikamente ta ilustra den símbolonan e kondishon di iglesia dor di henter historia. Un komparashon di banda pa banda di e mensahenan aki ta mustra ku nan ta sigui e mesun struktura di seis biaha. Kada unu ta habri ku Hesus dirigiendo e iglesia spesífiko pa nòmber. E di dos parti ta kuminsá ku e frase: " ' "E kosnan aki ta bisa... ;'' "(NKJV) den kua Hesus ta introdusí Su mes na kada iglesia usando deskripshonnan i símbolonan ku ta wòrdu haña den kapítulo 1. E deskripshonnan ei di Hesus a wòrdu adaptá na e nesesidatnan spesífiko di kada iglesia. Asina, Hesus a mustra na Su habilidat pa atendé nan diferente luchanan i situashonnan. Despues, Hesus a duna un evaluashon di e iglesia i despues konsehá e iglesia kon pa salí for di nan difikultatnan. Finalmente, kada mensahe ta konkluí ku un yamada pa skucha e Spiritu su mensahe i ku promesanan pa e vensedónan. Manera nos a mira den e les di siman pasa den nos análisis di e mensahe di e promé iglesia na Efeso, i manera nos lo mira e siman aki den nos estudio di e sobra seis mensahenan, nos lo mira ku Hesus ta ofresé speransa i ta kontesta e nesesidatnan di kada iglesia, den kada situashon. P'esei, seguramente E por satisfasé nos nesesidatnan awe, tambe. Studia les di e siman aki pa prepará pa Sabat Yanüari / 7

2 Kristu Su Mensahenan pa Smirna i Pergamo djadumingu, Smirna tabata un siudat bunita i riku pero tambe un sentro bou di mandato di adorashon di emperador. Rechasá na kumpli ku e mandato aki por guia na e perdida di status legal, na persekushon, i asta pa martirio. Lesa Revelashon 2:8-11. Kon e forma ku Hesus ta presentá Su Mes na e iglesia aki ta relashoná ku e situashon di e iglesia? Kiko tabata e situashon di e iglesia? Ki spiertamentu Hesus a duna na e iglesia tokante loke ta biniendo? E mensahe na e iglesia na Smirna ta apliká profetikamente na e iglesia den e era post apostoliko, ora ku Kristiannan tabata wòrdu persigui visiosamente dor di e Imperio Romano. E "dies dianan" menshoná den Revelashon 2:10 ta mustra na e dies añanan di persekushon di Diocleciano den A.D. 303 te na A.D. 313, ora ku Constantino e Grandi a saka e Edikto di Milan kua tabata otorgá e Kristiannan libertat religioso. Pergamos, òf Pergamum, tabata e sentro di varios kultonan pagano, inkluyendo e kulto di Asklepio, e dios Griego di kuramentu, ku tabata wòrdu yama "e Salbador" i tabata wòrdu representá dor di un serpiente. Hendenan for di tur kaminda tabata bini na e santuario di Asklepio pa wòrdu kura. Pergamo tabatin e papel prinsipal den promové e kulto di adorashon di emperador, kua tabata, meskos ku den Smirna, obligatorio. No ta nada straño ku e tekstonan ta bisa ku e Kristiannan na Pergamo tabata biba den e siudat "kaminda Satanas ta habitá" i kaminda su trono tabata lokalisá. Lesa Revelashon 2: Kon Hesus a presentá Su Mes na e iglesia aki? Kiko tabata Su evaluashon di nan kondishon spiritual? Rondoná dor di paganismo i su tempelnan grandioso, e Kristiannan na Pergamo tabata enfrentá tentashonnan tantu di pafó i paden di iglesia. Miéntras mayoria di nan a permanesé fiel, algun, yama Nikolaitanan, a abogá kompromiso ku paganismo pa asina evitá persekushon. Nan tabata konektá na otro grupo heretikal, nombra despues di Balaam, kua a sedusí e Israelitanan riba e kaminda pa e Tera Primintí (Num. 31:16). E dos gruponan aki a abogá konformidat na práktikanan pagano pa asina evitá e inkomodidat di persekushon. Kiko ta nifiká pa no ninga "Mi fe" (Rev. 2:13,; mira tambe Rev. 14:12). Kiko e ta bisa nos tokante e orígen di fe i di nos deber sagrado pa pega na dje, asta meimei di e menasa di morto òf, podisé asta mas peligroso, e menasa di kompromiso? 2 / 7

3 Kristu Su Mensahe na Tiatira djaluna, Den komparashon ku otro siudatnan, Tiatira no tabatin ningun signifikashon polítiko of kultural ku nos konosé. Ademas, e iglesia tabata opskuro. Pa por manehá un negoshi òf pa tin un trabou, hendenan den e Imperio Romano mester pertenesé na asosashonnan komersial. Tiatira tabata konosí spesialmente pa enforsá e rekerimentu aki. Miembronan di e asosashon komersial mester atendé e festivalnan komersial i partisipá den ritualnan di tèmpel, kua hopi biaha ta inkluí aktividatnan inmoral. Esnan ku no konsentí ta enfrentá eksklushon for di e sanshonnan komersial i ekonómiko. Pa Kristiannan na e momentu ei, esei ta nifiká skohe entre kompromiso total òf eksklushon total pa e bienestar di e evangelio. Lesa Revelashon 2: Kon Hesus a presentá Su Mes na e iglesia na Tiatira (mira tambe Dan. 10:6)? Kiko tabata e kualidatnan ku Hesus a elogiá e iglesia p'e, i ki problema esaki a kousa? Manera e iglesia den Pergamo, e iglesia den Tiatira a wòrdu pusha pa komprometé ku e ambiente pagano. E nòmber "Jezebel" ta referí na e esposa di Rei Akab, ku a guia Israel den apostesia (1 Reinan 16:31-33). Hesus ta deskribí Jezebel komo spiritualmente inmoral (Rev. 2:20). E miembronan ei di iglesia ku a komprometé e bèrdat i a adoptá ideanan i práktikanan "impuro" tabata kometé adulterio spiritual ku n' e. E iglesia den Tiatira ta simbolisá e kondishon di Kristiandat for di a.d. 538 te ku Durante e tempu aki, e peliger pa Dios Su pueblo no a bini for di pafó, pero for di paden. Tradishon a remplasá e Beibel, un saserdosio humano i relikianan a remplasá Kristu Su saserdosio, i obranan a wòrdu konsiderá komo e medio di salbashon. Esnan ku no a aseptá e influensianan di korupshon aki, tabata wòrdu persigui i asta mata. Pa siglonan e berdadero iglesia a haña refugio den áreanan di desierto (mira Rev. 12:6, 13, 14). Pero Hesus tambe a elogiá e iglesia den Tiatira pa nan fe i amor, obranan i servisio-apuntando na e reformashon i e komienso di un regreso na e Beibel. Pensa tokante e palabranan di Revelashon 2:25:"' "Tene firme na loke bo tin te ora Mi bini" '" (NKJV). Kiko e palabranan aki ta nifiká pa nos, tantu korporativamente i individualmente? Kiko nos tin for di Hesus ku nos mester tene duro na dje? 3 / 7

4 Kristu Su Mensahe na Sardis djamars, Sardis tabatin un historia glorioso. Pero pa e periodo Romano e siudat a perde su prestigio. Miéntras ku e siudat ainda tabata gosa di rikesa, su gloria tabata ankra den su historia di pasado mas bien ku den realidat presente. E siudat tabata konstruí riba top di un seru steil i, dor di esei, tabata inasesibel E siudadanonan tabata sinti nan asina sigur ku e siudat ku vigilansia di su murayanan tabata wòrdu deskuidá. Lesa Revelashon 3:1-6 huntu ku Mateo 24:42-44 i 1 Tesalonisensenan 5:1-8. Ki tres kos Hesus ta urgí Kristiannan na Sardis pa hasi komo un kuro pa nan kondishon spiritual? Kon Hesus Su spiertamentu pa "vigilá" ta korespondé na e bekground históriko di e siudat? Miéntras ku Hesus a rekonosé un par di Kristiannan den e iglesia di Sardis komo fiel, mayoría di nan ta spiritualmente morto. E iglesia no ta wòrdu akusá di niun piká habri òf apostesia (manera esnan na Pergamo i Tiatira), pero ku letargo spiritual. E mensahe na e iglesia na Sardis ta wòrdu apliká ábilmente na e situashon spiritual di e Protestantnan den e periodo promé ku Reformashon, na medida ku e iglesia gradualmente tabata degenerá den formalismo sin bida i un estado di komplasensia spiritual. Bou di e impakto di un koriente di rashonalismo i sekularismo kresiente, e enfoke riba e grasia ku ta salba di e evangelio i kompromiso pa Kristu ta disminuí, dunando lugá pa rashonalismo i argumentunan filosófiko seku. E iglesia na e periodo aki, ounke ta aparesé di ta bibu, tabata den realidat spiritualmente morto. E karta tambe ta apliká na kada generashon di Kristian. Tin Kristiannan ku semper ta papia den terminonan glorioso di nan fieldat den pasado na Kristu. Desafortunadamente, nan mes no tin masha pa kompartí tokante nan eksperensia presente ku Kristu. Nan religion ta nominal, faltando e berdadero religion di e kurason i kompromiso berdadero pa e evangelio. Manteniendo semper nos dilanti e gran bèrdat di salbashon pa medio di fe den solamente Kristu, den ki maneranan nos por bisa ku nos obranan no a wòrdu haña "perfekto" dilanti Dios? Kiko esei ta nifiká, i kon nos por "perfekshoná" nos obranan dilanti di dje? Mira Mat. 5: / 7

5 Kristu Su Mensahe na Filadelfia djarason, E di seis iglesia ku Hesus a menshoná tabata lokalisá na Filadelfia (" amor fraternal"). E siudat tabata situá riba e ruta komersial imperial i tabata sirbi komo e salida, "un porta habri," na un meseta fertil. Kobamentu a indiká ku e tabata e sentro na kua hendenan tabata bini pa salú i kuramentu. Sakudí pa temblornan frekuente, e habitantenan di e siudat a move pa e kampo, bibando den hùtnan humilde. Lesa Revelashon 3:7-9. Kon e manera ku Hesus ta presentá Su Mes den e mensahe aki ta relashoná ku e situashon di e iglesia aki? Kiko Hesus Su deklarashon "Bo tin poko poder" (Rev. 3:8,) ta bisa tokante e kondishon di e iglesia? E mensahe na e iglesia aki ta apliká profetikamente na e gran revivamentu di Protestantismo durante e Promé i di Dos Despertar ku a tuma lugá den Gran Bretaña i Merka for di mas o ménos Debí na e lus ku nan tabatin, Dios Su pueblo berdaderamente a buska pa mantené "Mi palabra" (Rev. 3:8, ) na e tempu aki. Tabatin un énfasis kresiente riba obediensia na Dios Su mandamentunan i bibamentu puro. E "porta habri" ta aparentemente e kaminda den santuario selestial, pasombra " ' e tèmpel di mi Dios" ta wòrdu menshoná tambe (Rev. 3:12, kompará ku Rev. 4:1, 2). Un porta wòrdu sera i un otro wòrdu habri ta mustra na e kambio ku lo tuma lugá den Kristu Su ministerio sumo saserdotal den Lesa Revelashon 3: Ki indikashonnan ta wòrdu duna ku tempu ta kortiko i ku e binida di Hesus ta yegando serka? Kiko ta e nifikashon di Dios Su nòmber wòrdu skirbi riba Su pueblo (2 Tim. 2:19)? Si un nòmber ta representá un persona su karakter, kiko Eksodo 34:6 ta bisa nos tokante esnan ku ta karga Dios Su nòmber? Revivamentu grandi a tuma lugá den iglesianan na tur dos banda di e Atlántiko. Den e añanan guiando na 1844, e mensahe di Kristu Su pronto regreso a wòrdu proklamá den hopi partí di e mundu. E promesa pa skirbi Dios Su nòmber riba esnan ku vense ta indiká ku Dios Su karakter lo wòrdu mira den Su pueblo. Mes importante ku e mensahe ku Kristu ta biniendo pronto ta e mensahe ku Kristu a primintí na hasi Su pueblo kla pa e gran evento dor di pordoná nan pikanan i skirbi Su lei den nan kurasonnan (mira Fíl. 1:6; Heb. 10:16, 17). Kiko e speransa di Kristu Su pronto binida ta nifiká pa bo? Kon e promesa di Kristu pa kompletá e obra ku El a kuminsá ta duna nos siguransa? 5 / 7

6 Kristiannan na Laodisea djaweps, E último iglesia na kua Hesus ta dirigí tabata lokalisá na Laodisea, un siudat riku situá riba e kaminda mas prinsipal di komersio. E tabata famoso pa un industria di fabrikashon di lana, su bankonan (kua tabatin un kantidat grandi di oro), i un skol di medisina ku ta produsí kolirio pa wowo. E prosperidat tabata yena e siudadanonan ku sufisiensia propio. Banda di A.D. 60, ora ku e temblor a destruí e siudat, e suidadanonan a dekliná un oferta di asistensia for di Roma, reklamando di tin tur loke nan mester pa hasi e trabou. Dor ku e siudat tabatin falta di awa, e tabata wòrdu supli dor di un akuadukto ku tabata bini for di un fuente kayente na Hierapolis. Pasombra e tabata leu for di Laodisea, unabes e awa yega einan e ta bira lou. Lesa Revelashon 3:14-17 huntu ku Oseas 12:8. Establesé paralelonan entre e karakterístikanan históriko di e siudat i Kristu Su balotashon di e iglesia aki. Kon e spiritu di sufisiensia propio di e siudat a pervadí e Kristiannan Laodisensenan? Hesus no a reprendé e Kristiannan na Laodisea pa algun piká grave, herehia, òf apostesia. Mas bien nan problema tabata, komplasensia ku ta guia na letargo spiritual. Manera e awa ku ta alkansá e siudat, nan no tabata ni friu refreskante ni kayente, pero lou. Nan tabata afirmá di tabata riku i no tabatin nesesidat di nada; sin embargo, nan tabata pober, sunú, i siegu pa nan kondishon spiritual. E iglesia na Laodisea adekuadamente tabata representá e kondishon spiritual di e iglesia na e serada di e historia aki di mundu. Esaki ta wòrdu mustra dor di lasonan verbal fuerte ku Revelashon 16:15, den konekshon ku e preparashon pa e krisis final, kua ta mustra ku e iglesia na Laodisea a wòrdu pone pa ta e modelo pa e iglesia di fin di tempu. E último iglesia lo eksistí den tempunan di trastornonan politiko, religioso, i sekular grandi i lo enfrentá desafionan ku niun generashon previo a topa Sinembargo, e iglesia aki ta di sufisiensia propio i ta luchando ku su outentisidat Kristu Su spiertamentu na dje tin un implikashon di alkanse leu pa tur ku ta un parti di Su iglesia di último dia. Hesus ta sigurá e Laodisensenan ku E ta stima nan i ku E lo no renunsia nan (Rev. 3:19 ). El a konkluí Su yamada dor di mustra Su Mes komo e stimadó den Kantika di Salomon 5:2-6, parando na porta i ta batí i rogando pa drenta (Rev. 3:20).Tur hende ku habri e porta i lag'e drenta ta wòrdu primintí un sena íntimo ku n'e. E yamada aki no por bai perdí. Lesa Revelashon 3: Ki konseho Hesus a duna na e Laodisensenan? Kiko oro, bisti blanku, i kolirio pa wowo ta simbolisá (mira 1 Ped. 1:7; Isa. 61:10; Ef. 1:17, 18)? Kiko tur esaki ta bisa na nos, komo Adventistanan di Shete día ku ta mira nos mes komo e iglesia di Laodisea? 6 / 7

7 Powered by TCPDF ( Mas Estudio: djabierne, Lesa Ellen G. White, "E Revelashon," pp , den The Acts of the Apostles. E shete mensahe na e iglesianan ta mustra bahada spiritual den e shete iglesianan. E iglesia na Efeso ainda tabata fiel, ounke ku el a perde su promé amor. E iglesianan na Smirna, Pergamo, i Filadelfia tabata fiel; solamente un kantidat chikitu di miembronan desobedesido tabata infiel. Tiatira tabata un iglesia dividí ku dos fase di su fieldat na Kristu. E iglesia na Sardis tabata den un kondishon hopi serio. E mayoria den e iglesia aki no tabata den harmonia ku e evangelio, miéntras e remanente tabata representá e poko nan fiel. E iglesia na Laodisea tabata den tal kondishon ku no tabatin nada bon pa bisa tokante e iglesia ei. Den konkluí kada mensahe, Hesus a hasi promesa na esnan ku aseptá Su konseho. Lo bo por opservá, sinembargo, ku huntu ku e evidente bahada spiritual den e iglesianan, tin un oumento proporshonal den promesanan duna. Kuminsando ku Efeso, kua a risibí solamente un promesa, segun ku kada iglesia ta sigui e tendensia di bahada spiritual, kada unu ta risibí mas promesa ku esun anterior. Finalmente, e iglesia na Laodisea, miéntras a wòrdu duna solamente un promesa, a risibí esun di mas grandi: pa kompartí Hesus Su trono (Rev. 3:21). Preguntanan pa Diskushon: 1. Kon e oumento den promesanan, huntu ku e bahada spiritual den e iglesianan, ta reflehá e deklarashon ku ora piká oumentá, grasia ta abundá muchu mas (Rom. 5:20)? Pensa di esei den los di e deklarashon ku ounke, "e iglesia, ta debil i defektuoso, e ta e úniko opheto riba mundo riba kua Kristu ta presentá Su konsiderashon supremo. Konstantemente E ta vigil'é ku ansiedat, i ta fortalesé dor di Su Spiritu Santu."-Ellen G. White, Selected Messages, buki 2, p Hopi biaha Kristiannan ta bisa ku ta difisil pa ta un Kristian den siudatnan industrial, komersial, i metropolo. Kiko nos por siña for di e echo ku den e siudatnan próspero den Asia tabatin Kristiannan ku a keda leal na e evangelio i firme meimei di tur e preshonnan di ambiente pagano? Pensa di e Kristiannan ei na Asia den e lus di Hesus Su orashon den Juan 17: Kon e konsepto di ta den e mundo pero no di e mundo ta apliká na Kristiannan awe, en partikular esnan ku ta biba den siudatnan metrópolo? 3. Kon nos, komo Adventistanan, por paga mihó atenshon na e palabranan duna na nos den e mensahe na e Laodisensenan? 7 / 7

Bo Beibel

Bo Beibel Kon pa haña loke bo ta buska den Beibel? Bo Beibel Kon pa prepará pa e lèsnan? Uza un skref i pèn Pasa den e kapítulo di e buki i purba di traha e ehersisionan promé ku bini lès Traha tarea fo