AtReS - Revista Situasaun - Marsu Tetun Final

Transcription

1 REVISTA SITUASAUN MARSU 2013 ASUNTU NE EBÉ PRESIZA ATENSAUN IHA FULAN IDA NE E: Buatus Grupu 51 Kaer Aikulit at Tensaun Konflitu iha Fronteira Asaun Violénsia entre grupu arte marsiais balu TENDENSIA KONFLITU Total Insidentes ne ebé relata ASUNTU NE EBÉ PRESIZA ATENSAUN Evidensia foun liga ba Grupu 51 kaer aikulit aat Polísia Subdistritu Hatulia, Distritu Ermera hetan evidensia foun liga ba tendensia konflitu liga ho buátus grupu 51 1, (ne ebé ema diskonfia iha ligasaun ho insidentes violensia ualu iha Distritu Ermera durante fulan Novembru 2012). Rezultadu monitorizasaun Belun iha Marsu 2013, relata evidensia liga ho aikulit ne ebé grupu bálu uza laos atu hetan poder majiku, maibé aimoruk ne e rasik báinhira utiliza, bele fó impaktu bá ema nia saude, Analiza dadus insidenti sae iha Marsu 2013, Bele hetan sumariu insidenti iha Maske total insidentes ladun aas, insidente hirak ne'e iha fulan Marsu inklui oho mate ema nain 5. Ne'e inklui ida iha Same, Manufahi ne'ebe iha relasiona ho violensia entre joven, no (4) iha Railaco, Ermera liga ho violensia Artes Marsiais nomos iha relasionadu ho disputa rai (Railaco seidauk tama iha sistema AtReS- nia monitorizasaun. destinu ou mate. Evidensia ne e, detekta iha Subdistritu Hatolia (Ermera), mane ida hanesan ulun bo ot bá Aimoruk/aikulit ne ebé ulun bo ot grupu aprezenta no halo klarifikasaun ba fungsaun husi aikulit iha stasaun polisia Subdistritu Hatulia. grupu ne ebé utiliza aikulit, báinhira bá to os haluhan tiha aimoruk ka aikulit iha uma. Mumentu ne e, nia kaben hetan foti kedas aikulit ka aimoruk ne e bá hato o no entrega iha estasaun Polísia Subdistritu Hatolia (Ermera). Bainhira fila husi to os, nia kaben informa katak ohin hau hetan aimoruk balu tau hela iha uma laran, hau tauk nune e bá entrega ona iha 1 Grupu 51 signifika katak, ema pesoal ida tenke iha membru nain lima, bele involve iha grupu no utiliza aimoruk hodi hetan poder majiku)

2 polísia. Nune e, nia kaben ne e mós ho tauk bá apresenta a an iha polísia, no polísia halo kedas investigasaun hodi klarifka kona- bá fungsaun husi aikulit ne ebé utuliza. Rezultadu klarifikasaun mane ne ebé utuliza aimoruk katak, nia an rasik hanesan responsavel ka Bispo husi grupu 51. Ema ne ebé involve membru grupu, sei hetan kartaun grupu no simu fita tara iha kakorok hafoin bele utuliza aimoruk. Aimoruk ka aikulit ne ebé utuliza laos atu hetan poder majiku, maibé bele fó impaktu ba ema kakorok kotu, mate. Aikulit ne ebé utiliza hanesan fuk, berlindus, boro abut, segaru LA rohan ha at no ai abut seluk. Tendensia konflitu ne ebe akontese iha Novembru 2012, ho insidente (9) inklui iha Distritu Ermera (8) iha Subdistritu Letefoho (7), Hatolia (1) no Distritu Liquiça (Bazartete) (1). Maske nune e, husi insidente ne ebé akontese iha 2012, laiha ema ruma hato o evidensia hanesan aikulit ne ebé grupu ne e atrai ema atu involve iha grupu, iha espetativa atu hetan poder majiku ho informasaun no oportunidade furak hanesan báinhira involve iha grupu sei hemu aimoruk ne ebé halo ema matenek, bele hetan serbisu no seluk tan. Ho evidensia ne e, maske iha Konstituisaun RDTL laiha artigu ruma hodi regula kona- bá atitude ema kaer aikulit, maibé knaar Polísia presiza kontinua halo investigasaun hodi identifika motivu husi asaun grupu ne ebé utiliza aikulit, nune e existensia grupu ne e labele kontinua eziste no fó impaktu hamosu insidente violénsia ne ebé fó impaktu to o ema kanek no mate. Atu prevene tensaun konflitu ne e, iha tempu ne ebé insidente barak akontese iha Novembru 2012, Belun koopera ho Padre Parokia Letefoho no Polísia hodi transforma informasaun bá komunidade, maibé asaun ne e presiza kontinua no bebeik implementa. Tanbáne e, papel importante husi Lideransa komunitaria bele koopera hamutuk ho polísia hodi bele realiza sorumutu ho komunidade iha suku- suku hodi transforma informasaun bá komunidade, nune komunidade liu- liu joven sira labele fasil monu bá informasaun falsu hodi involve iha grupu sira. TENSAUN KONFLITU IHA FRONTEIRA Preokupasaun Komunidade iha Atauro Iha Fulan Marsu Rede Prevensaun no Responde Konflitu (RPRK) Atauro realiza sorumutu nakloke ho Autoridade lokal no NGO Belun, hodi halo diskusaun bá observa situasaun parte polítik, ekonomia, sosial no relasaun external hodi identifika tensaun konflitu ne ebé akontese ba halo asaun prevensaun. Iha sorumutu ne e, partisipante sira identifika katak, Iha Atauro sei bele mosu tensaun konflitu iha fronteira Atauro (Timor- Leste) ho suku Liran, Subdistritu Maluku, Propinsia Ambon (Indonézia), liga ho insidente ne ebé akontese iha tinan Insidente hirak ne e akontese ligadu ho istoria hanesan: Komunidade Subdistritu Atauro (Dili), 2

3 antes tinan 1975 iha okupasaun Portugal koumunidade ou família barak mak halai bá hela iha Liran (Indonezía), tanba laiha kbi it selu imposto ba governu Portugal. Iha tempu okupasaun Indonézia to o Timor- Leste ukun rasik a an iha tinan 1999, relasaun entre komunidade Timor oan ne ebé hela iha Atauro no Liran diak. Depois de Timor- Leste hetan Independensia, atu kontinua hametin relasaun entre Timor oan iha Atauro (Timor- Leste) ho Timor oan iha Suku Liran, Subdistritu Maluku provinsia Ambon (Indonézia), Lideransa Komunitaria Atauro ho Suku Liran hamosu inisiatva hodi halo akordu no Regulamentu entre komunidade parte rua. Pontu importante husi Akordu no Regulamentu hanesan: Suku Liran (Indonézia) 1. Komunidade Liran bele bá halo negosia ka fa an ikan iha Atauro 2. Komunidade Liran bele bá visita família iha Atauro 3. Komunidade Liran bele asesu 9 báhan pokok/nesesidade baziku iha Atauro Atauro (Timor Leste) 1. Komunidade Atauro bele bá luku tasi iha Liran to o deit Wetar 2. Komunidade Atauro bele bá vizita família iha Liran no Wetar 3. Komunidade Atauro bele bá sosa gazoel, mina rai, no gazolina iha Liran no Weter Liga ho akordu ne e, durante tinan bárak, parte rua kumpri no implementa duni. Maibé iha dia 4 de Novembru 2012, Xefe Suku Liran ho mane balun lori ikan direita bá fa an iha Dili. Wainhira fila husi Dili, Polísia Maritima Atauro halo kapturasaun bá Xefe Suku Liran (Indonézia) ho mane bálu, lori bá iha Suku Biloi (Atauro) Timor- Leste no haruka sira bomba rai. Momentu ne e Xefe Suku Liran (Indonézia) la halo reasaun ruma. Maibé wainhira Xefe Suku fila fali bá to o iha Suku Liran (Indonézia) espalla informasaun bá komunidade Liran (Indonézia) katak, komunidade Atauro halo torturasaun bá nia. Momentu ne e, Juventude husi Suku Liran, halo kedas reasaun hodi báku joven mane nain rua husi Suku Biqeli, Subdistritu Atauro, ne ebé visita hela família iha Suku Liran (Indonézia). Ho insidente ne e, komunidade parte rua hahu relasaun ladiak, no la dun implementa ona akordu ne ebé iha. Relasionadu ho Akordu no regulamentu ne ebé lideransa komunitaria parte rua halo, bele dehan positivu tanba hanesan lideransa komunitaria iha papel importante atu kria relasaun diak entre komunidade iha fronteira. Maibé husi aspetu legal, liga ho relasaun external, nasaun ho nasaun, Estadu mak bele halo desizaun iha aspetu hotu no Polisia husi rai ida- idak presija responde tuir lei. Atu prevene eskalasaun violénsia iha futuru, lideransa komunitaria parte rua bele realiza sorumotu ka dialógu entre parte rua, atu hametin fali relasaun komunidade parte rua. Parte seluk atu fasilita relasaun entre família ne ebé hela iha Atauro no Liran, Governu bele 3

4 implementa polítika hodi halo negosiasaun ho Governu Indonézia atu bele fasilita Border Pas (Pasa fronteira) ba komunidade iha Suku Liran (Indonézia) ho Atauro (Timor- Leste). Membru TNI balu ameasa ba Joven Mane nain haat no baku Joven mane na in ida iha Oe- cusse Involvementu membru TNI iha insidente violénsia nafatin akontese husi fulan bá fulan, bázeia bá rezultadu monitorizasaun Belun. Husi insidente (3) iha Janeiru- Fevereiru, Insidente (2) involve TNI, nune e kontinua nafatin relata insidente (2) iha Marsu involve membru TNI. Insidente ne e akontese iha dia 8 de Marsu 2013, iha báiro Naktuka, Aldeia Manan, Suku Bene Ufe, Subdistritu Nitibe. Mane nain haat bá sira nia to os besik fronteira Naktuka ho Oepoli, báinhira besik to os hasoru TNI ne ebé halo patroliamentu no sira halo ameasa ho lia fuan bá mane nain haat ne e. TNI mos baku mane joven ida husi mane haat ne e no sira hadau tiha katana ne ebé joven ne e kaer, no sira lori bá postu TNI. Momentu akontese insidente, membru UPF Postu Manan, halo hela mós patroliamentu, hare asaun ne ebé halo husi membru TNI bá joven mane ne e, maibé membru UPF lahalo intervensaun ruma. Depois de akontesemntu, hafoin membru UPF bá tuir TNI nia postu hodi foti fali katana ne ebé TNI hadau. Membru TNI balu estraga ai- han iha to os komunidade Aldeia Quibiselo, Oe- cusse Fontes informasaun Belun relata katak iha dia 4 de Marsu 2013, iha area Faot Básin, Aldeia Quibiselo, Suku Bobometo, Subdistritu Oesilo, Distritu Oecusse, membru Tentara Nasional Indonesia (TNI) ne ebé iha fronteira tama iha area to os komunidade husi Quibiselo nian hodi estraga aihan iha to os laran. Ezijensia komunidade Oe- cusse PNTL tau Postu UPF iha Naktuka Atu asegura seguransa ba komunidade bainhira halo to os iha area besik fronteira, no prevene involvementu TNI iha insidente, komunidade Subdistritu Nitibe kontinua husu Komandante Polísia Nasional atu halo asaun imediata hodi kumpri promesa ne ebé hato o ona iha vizita Sua.Exelensia Prezidente RDTL, iha dia 21 de Janeiru 2013, katak iha tempu badak sei tau postu UPF iha Naktuka. Ezijensia ne e ho razaun fundamental katak iha Naktuka tensaun konflitu aas liu kompara ho sudistritu seluk, no Naktuka mak hanesan area disputa. Maske estratejia Governu bá dahuluk halo ona Postu UPF iha Subdistritu Oesilo. ASUNTU NE EBÉ PRESIZA ATENSAUN Depois de grupu CPD- RDTL fila ba idak- idak nia Distritu Depois de Governu foti desizaun hodi fó mandatu bá PNTL atu fasilita grupu CPD- RDTL ne ebé konsentra iha Fatuberlihu (Manufahi) fila bá idak- idak nia Distritu, Iha Subdistritu Maliana (Bobonaru), akontese istoria- malu entre membru grupu CPD- RDTL bálu ne ebé foin fila husi Subdistritu Fatuberlihu (Manufahi) ho komunidade, ho razaun membru grupu CPD- RDTL sira ne e laiha kartaun eleitoral, no iha tempu kalan sempre halo movimentu lao bá mai halo 4

5 komunidade labele deskansa ho diak. Insidente ne e hetan atuasaun husi Polísia Esquadra Maliana. Rezultadu hare iha Subdistritu Fatuberlihu Parte seluk, liga ho rezultadu hare ne ebé grupu CPD- RDTL husik hela, fontes informasaun katak to o agora grupu CPD- RDTL rasik lahatene rezultadu husi natar ne e, governu atu hola/sosa ho presu oinsa, tanba seidauk iha konkordansia ida entre governu no grupu CPD- RDTL. Tanba ne e, Governu liu husi Ministériu Komersiu Industria no Ambiente kontinua diskusaun nakloke ho grupu CPD- RDTL atu bele iha konsensus ida ba presu husi rezultadu hare ne ebé kuileta ona. Insidente involve grupu arte marsiais rezulta ema mate Maske governu kontinua fo suspensaun bá grupu arte marsiais hodi hala o atividade, maibé instituisaun ne ebé iha kompetensia presiza tempu ne'ebé naruk hodi prosesu tuir dalan formal bainhira grupu ruma kontra rezolusaun no kontra rasik regulamantu arte marsiais. Tanbá ne e asaun violénsia entre grupu arte marsiais relata iha Suku Samlete, Subdsitritu Railako (Ermera) rezulta ema nain (3) mate, inklui husi inan, oan mane ho oan mane nian oan feto ho idade mais menus tinan ne en. Famlia ne ebé mate sai vitima ba atetude husi grupu arte marsiais balu. Atu responde ba konflitu ne e, Koordenador Belun ba distritu Ermera, hamutuk HDI, IMI, SCJD Ermera, ekipa Dialogu MSS Distritu Ermera no Nasional fasilita dialogu entre membrus komunidade, familia vitima no grupus artes marsiais. Polisia mos responde ona hodi bele kaer ema hodi bele halo investigasaun. Relata mos iha Distritu Baukau, baku malu entre grupu arte marsiais PSHT ho Kerasakti fó impaktu uma balu hetan estraga. Iha tempu hanesan polísia to o fatin akontesementu grupu ne ebé halo asaun halai lakon. Maske nune e polísia kontinua halo patrolia iha area akontesementu. Asaun Violénsia husi Oknum Polísia Maske involvementu polísia iha insidente husi Janeiru- Fevereiru (6) tun bá (1) iha Marsu, maibé insidente ne ebé relata iha Marsu akontese tanbá hadau malu be e mos entre membru Polísia mane ida ho joven mane nain tolu iha Subdsitritu Uatulari (Viqueque) no sira ameasa malu no diskuti malu, hafoin fahe malu. Maske nune e insidente ne e daet to o involve oknum F- FDTL balu (bele kontinua lee istoria ne e iha seksaun oin mai iha kraik). Oknum F- FDTL involve iha Violénsia Asaun violénsia husi oknum F- FDTL balu ne ebé hanesan lutu nasaun nian, kontinua relata husi fulan bá fulan hanesan Janeiru- Marsu (1-1- 1). Insidente iha Marsu relata iha Subdsitritu Uatulari (Viqueque) oknum F- FDTL balu halo asaun baku no lori kilat fai joven mane nain tolu iha uma. Insidente ne e iha ligasaun ho insidente diskuti malu entre membru polísia mane ida 5

6 ho joven mane nain tolu. Kontinua wainhira iha tempu kalan, nuu monu kona polísia ne e nia uma leten, polísia refere diskonfia joven mane nain tolu ne ebé hadau malu be e ho nia mak tuda. Nune e, polísia refere telefone kedas bá membru F- FDTL balu, hodi mai halo asaun bá baku joven mane nain tolu ne e iha sira nia uma. Entretantu insidente ne e, joven mane nain tolu ne e bá hato o keixa iha Parlamentu Nasional. Parlamentu Nasional husu atu instituisaun PNTL bele halo prosesu investigasaun klean ba insidente ne e. Relasionadu ho insidente ne e, hatudu autor importante atu garante seguransa no prevene konflitu iha komunidade nia le et, ladun hatudu integridade pesoal bainhira iha komunidade nia le et. Tanba ne e, instituisaun ne ebé iha kompetensia presiza kontinua planeamentu au reforsa ka hakbi it membru F- FDTL sira husi formasaun. ASUNTU NE EBÉ PRESIZA ATENSAUN Violénsia entre Juventude Rezulta Ema Ida Mate Rezultadu monitorizasaun hatudu husi fulan bá fulan nafatin relata involvementu juventude iha insidente violénsia Janeiru- Marsu ( ). Husi insidente (11) Marsu ho metode violénsia lori Rama Ambon (1), Tudik (1); Dima (1); Ai (1); Liman (5); Fatuk (1) no ameasa ho lia fuan (1). Impaktu husi insidente iha Marsu rezulta mane (1) mate iha Subdisritu Same (Manufahi), ho kronolojia insidente hahu husi mane ne ebé halo asaun violénsia empresta matebian nia telemovel durante semana ida nia laran la intrega ba nain (matebian). Telemovel nain (matebian) mensagen hodi husu telemovel. Ne e, mane ne ebé empresta telemovel (halo asaun violénsia) lori kedas telemovel ba entrega ba nain (matebian) no tuku matebian to o monu ba rai rezulta kakutak rahun no mate kedas. Insidente ne e hetan atuasaun imediata husi polisia hodi kaptura mane ne ebé halo asaun detein iha sela polisia hafoin halo investigasaun. Insidente ne ebé rezulta mane kanek todan akontese iha Distritu Bobonaru (1); Dili (3) Báucau(1). Entertantu insidente ne ebé ralata iha Marsu polísia kontinua halo investigasaun. Impaktu Konsumu Tua Hamosu Violénsia Rezulta Ema Ida Mate Impaktu husi konsumu tua, husi insidente (4) iha fulan Marsu, insidente (1) rezulta mane na in ida mate, iha Suku Bairo Pite, Subdistritu Dom Aleixo (Dili), bainhira baku malu no lori fatuk tuku iha parte ulun to o monu tun ba kolan ikan no mate kedas. Maske nune e, polísia halo ona investigasaun no joven mane ne ebé halo asaun hetan detensaun preventiva iha prizaun Bekora hodi hein kontinuasaun prosesu formal. Insidente (3) seluk inklui iha Distritu Dili (2) no Ermera (1). Disputa Rai Iha fulan Marsu, liga ho disputa rai, disputante laos deit entre membru família, ou ukupante no rai nain sira, maibé disputante inklui mós lideransa reliziosu balu iha struktura hirarkia ida nia laran deit, iha Distritu Dili, tanba atu halo konstrusaun edukasaun iha rai area parokia Balide 6

7 nian. Insidente liga ho disputa rai relata iha Distritu Manatuto (2); Lautem (2); Dili (1); Covalima (1); Ainaru (1) no Liquiça (1). Maske nune e husi insidente 7 (Marsu), Lideransa komunitaria resposta ba insidente (2), Lideransa Reliziozu (1), Membru Família (4). Insidente seluk iha fulan Marsu Rezultadu monitorizasaun Belun relata mós insidente seluk hanesan baku malu entre estudante akontese iha Distritu Oe- cusse no Manufahi. Ameasa malu entre to os nain no animal nain relata iha Distritu Bobonaru no Manatuto. Insidente entre família iha Distritu Bobonaru no Liquiça. Asaun violénsia husi ema deskuñesidu relata iha Distritu Covalima no Ermera. Rezistu mós krime seluk iha fulan Marsu (7). RESPONDE BÁ KONFLITU Prevensaun Konflitu iha Nivel Nasionál Iha dia 5 de Marsu 2013, NGO Belun organiza semináriu kona- ba Impaktu Sosiál husi Prosesu Administrasaun Pensaun bá Veteranus iha Salaun Delta Nova, Dili. Semináriu ne e loke ofisialmente no hato o deskursu husi Sua. Exelénsia Sra. Isabel Amaral Guterres, Ministra da Solidariedade Sosiál (MSS,) no kontinua hato o lia menon husi Sr. Filipe da Costa, Asesor Gabinete Prezidensial kona- ba Prioridade Polítika Presidente. Semináriu ne e hato o rezultadu peskiza husi Sr. Constantino da C. C. X. Escollano Brandao, NGO Belun, kona- ba Impaktu Sosiál Husi Prosesu Administrasaun Pensaun Bá Veteranus no Sr. Juvinal dias, NGO La o Hamutuk, aprezenta kona- ba impaktu Nasionál husi Benefísiariu ba Antigu Kombatente. Orador ba seimináriu inklui Sua.Exelénsia Sr.Júlio Sarmento da Costa, Secretário de Estado para os Assuntos dos Combatentes da Libertação Nasional; Sr. Juliao Jose Ximenes, Chefe Departamentu Autditorio iha Ministériu das Finansas ; Sr.Joaquem dos Santos, Membru Parlamentu Nasional Bankada FRETILIN no Sr. DR. Roque Rodrigues, Membru Veteranus. Rezultadu husi semináriu Ministériu Solidariedade Sosial (MSS) sei kontinua atu refika dadus ne ebé di ak liga ba prosesu fahe osan pensaun nomós halo monitorizasaun ba prosesu fahe osan no impaktu ba família, prepara rate, halot restus mortais. Ministra mos fohatene kona- ba desizaun atu hari i konselu konsultativu kombatentes da libertasaun iha nivel nasional no iha distritu. Atu hari i mos monumentu veteranus. Ita mós bele hare e oinsá atu fó tempu revista no hadi a implementasaun legislasaun veteranus. Prevensaun Konflitu iha Komunidade durante Marsu 2013, husi Belun nia apoiu 7

8 Rede Prevensaun no Responde Konflitu (RPRK) Subdistritu Ossu, Distritu Viqueque, realiza sosializasaun oinsa prevene konflitu iha komunidade ne ebé realiza iha Suku Nahareka ho Uabubu, liu husi aprezentasaun orador sira inklui Reprezentante membru F- FDTL, Polísia, Partidu Polítika, Governu no Sosiadade Sivil. Babulu (fatin ne ebé RPRK identifika nuudar risku ba kontinuasaun konflitu) liu husi aprezentasauan materia husi orador sira. Belun liu husi programa Mediasaun Rezolusaun ba disputa, fasilita mediasaun ba disputante nain ha at ba disputa rua hetan konsensus hodi fahe parsela (rai) ba malu liu husi asina akordu medisaun ba malu. Belun- nia Koordenador Distritu Ermera, hamutuk HDI, IMI, SCJD Ermera, ekipa Dialogu MSS Distritu Ermera no Nasional fasilita dialogu entre membrus komunidade Aprezentasaun materia husi orador sira ba partisipantes iha Suku Nahareka no organizasaun seluk fasilita dialogu entre membrus komunidade, familia vitima no grupus artes marsiais iha Railaco. Partisipantes iha Ossu semináriu Rede Prevensaun no Responde Konflitu (RPRK) Subdistritu Uatulari (Viqueuqe), realiza sosializaun oinsa prevene konflitu iha Suku Makadiki no REKOMENDASAUN Sekretáriu Estadu Seguransa Rekomendasaun nafatin kontinua husi fulan bá fulan Sekretariu do Estadu Seguransa presiza halo asaun hodi aumenta membru UPF hodi kompleta membru UPF iha Postu sira iha fronteira, nune e bele halo patroliamentu durante 24 oras. Dudu prosesu bá hari Postu UPF temporariu iha Fronteira Naktuka, bazeia ba promessa ne ebé hato o husi Komandante Polísia Nasional iha vizita Prezidene RDTL iha Oecuuse. 8

9 Polísia Nasional Timor Leste Fó apoiu ba Polísia Distritu Ermera atu kontinua investiga grupu 5-1 ne ebé nia lideransa ba halo klarifikasaun ba utuliza aikulit ka aimoruk ne ebé ema balun hanoin bele rezulta ema mate. Kontinua dudu prosesu investigasaun ba inisdente ne ebé diskunfia inlvolve grupu arte marsiais. Ministériu Justisa ho Ministériu Negosiu Estranjeirus Ministériu Justisa bele koopera ho Ministériu Negosiu Estranjeirus hodi halo diplomasia ho Governu Indonézia, atu bele fasilita Border Pas (Pasa fronteira) ba komunidade Atauro (Dili). Ministériu Komersiu, Industria no Ambiente Kontinua realiza sorumutu ho grupu CPD- RDTL atu bele iha konsesus ba presu ka folin husi governu atu halo rezultadu hare ne ebé grupu CPD- DTL halo iha Subdistritu Fatuberlihu. Sosiedade Sivíl Kontinua koopera ho Governu lokal, Polísia hodi fasilita edukasaun sivika iha báze atu komunidade bele asesu bá informasaun nune e labele fasil monu bá informasaun falsu. Rede Prevensaun no Responde Konflitu ne ebé eziste iha Subdistritu Aktivu koopera ho autoridade lokal, Lideransa relijiaun, sosieadade sivíl, governu lokal hodi identifika tensaun konflitu ne ebé mosu hodi realiza asaun prevensaun konflitu bá eskalasaun violénsia. Identifika isu importante liga ba konlfitu ka nesesidade komunidade hodi relata ba liderança ne ebé iha kompetensia hodi responde. KONA- BÁ REVISTA SITUASAUN NE E Revista situasaun ne e relata kona- bá asuntu xave relasiona ho insidente violénsia no tendensia husi koleksaun dadus monitorizasaun liu husi sistema Atensaun no Responde Sedu (AtReS) Timor- Leste durante Marsu Belun esforsu atu fahe informasaun ne ebé up- to- date no serteza. Hanoin katak situasaun bele hetan mudansa ho lalais, ami agradese no simu informasaun seluk ne ebé bele klarifika ka update dadus ne ebé ami iha liu husi AtReS. Favor AtReS nia Program Manager Bylah Da Costa: bylah.belun@gmail.com. Imajen Filipe Oliveira, Dokumetasi Polisia Postu Railete (Hatulia), Marsu