edishon6.pmd

Transcription

1 Djaluna 3 Sèptèmber Adriaens retirá Kòrsou, Aruba Fl 1,50 - Boneiru $1,00 KARA BONERIANO Johan Evert Abraham, Jopi, ta un di e polítikonan di mas importante ku Boneiru a konosé desde 1979 ku el a drenta polítika. E tabata den Demokrat i a yega di bira miembro di Konseho Insular, miembro di Staten di Antia Hulandes, diputado i asta minister. Promé di su entrada den polítika Jopi Abraham a traha komo koresponsal di diferente korant di Kòrsou: La Prensa, Beurs, Awor, Awe ta algun di nan. El a skirbi tambe den Vitó i tabatin un publikashon yamá Kuchú. E tabata traha tambe na Plan D2. MultiMartBonaire multimartbonaire.com Citiz & Milk Koffiemachine Danny Janga ganadó Ban kanta nos Boneiru Djabièrnè anochi a tuma lugá e festival Ban kanta nos Boneiru. Esaki a tuma lugá na Jeugdhuis Jong Bonaire unda 6 kantante a partisipá. Na final hurado e saka Danny janga komo e ganadó apsoluto di e festival. MultiMart Bonaire Kaya Industria 17 Kralendijk, Bonaire $ 249,- Hanchi lenks pabou di Gas Ekspress Habrí 5 dia! Tel: / hair cut

2 Adriaens retirá KRALENDIJK Hunta di Komisario di Tourism Corporation Bonaire (TCB) a tuma e desishon pa anulá e akuerdo di trabou ku su gerente general Maurice Adriaens. Esaki teniendo kuenta ku e término di dos luna pa hasi esaki. Despues di dos luna, e no tin nodi di bai trabou mas, segun un artíkulo di Bonaire.Nu skirbí pa Harald Linkels. E retiro lo tin di ber ku malkontentu ku funshonamentu di Adriaens komo gerente general. Entre otro lo tabatin problema ku e proyekto di Chicas del Can di Santo Domingu i un chèk aan toonder ku Adriaens a firma i ku a kobra despues na Supermarket Caribe. Kontrato Adriaens a konfirmá den un kòmbersashon ku Bonaire.nu e retiro. Mi tin un kontrato di 3 aña, Adriaens a bisa. E ta den konsulta ku dos ofisina di abogado pa yega na un reakshon riba e desishon di TCB. E ta lamentá e desishon di e konseho di komisario i no ta komprondé esaki tampoko. Si mira mi track record, tur hende por mira ku ta bai bon ku TCB. Anualmente turismo na Boneiru ta krese ku 10 20%. Pues no por bisa ku mi no ta hasi mi trabou bon, segun Adriaens. E mes ke sigui traha na TCB sin problema. Mi punto di bista ta ku a terminá mi akuerdo di trabou ilegalmente. Tambe pa e otro trahadónan i e tim, esaki no ta bon. Chicas del Can Relashoná ku e rumornan tokante e proyekto di Chicas del Can i e chèk aan toonder, Adriaens ta bisa ku esakinan ta bèrdat. Ta bèrdat ku ta trese tur e dos asuntunan aki komo algu ku mi a faya ku mi trabou. Sinembargo mi no ta di akuerdo ku esei. E ta bisa ku e proyekto di Chicas del Can a forma parti di trabou pa yega na promoshon riba e merkado spañó. E idea tabata ku huntu ku Chicas del Can, pero tambe ku algun artista lokal, lo traha un cd pa via muzik promové Boneiru den e merkado spañó. Ku e buelonan di American Airlines, esei ta un merkado importante pa Boneiru. Adriaens ta atmití ku e hunta di komisario no ta di akuerdo ku su aserkamentu. Pero ta p esei mi ta gerente general, e ta bisa i ta di opinion ku esaki ta kai den e espasio ku e tin komo gerente general. Chèk aan toonder Segun Adriaens, tambe pa e asina yamá chèk aan toonder tin bon splikashon. Na último momentu nos mester a kumpra pasashi na e kompania SkyHigh di Santo Domingo. Banko tabata será i na e kompania solamente por a paga kèsh. P esei nos a disidí pa kèsh un chèk aan toonder na e supermarket, pa paga e pasashinan. El a rasoná ku ora entregá e pruebanan di pago na atministrashon, lo no tabatin nada malu ku esaki. Miembro di hunta Un miembro di hunta di komisario ku Bonaire.Nu a aserká a konfirmá e retiro. E no ker a bai den detaye i a bisa ku nan ta finalisando un anunsio ofisial. E miembro a konfirmá ku tin mas asuntu ta hunga un ròl den e retiru. El a atmití ku e insidentenan relashoná ku e proyekto di Chicas del Can i asuntu di chèk aan toonder a kontribuí na e problemanan. Esakinan a tacha konfiansa. E hunta ta duna hopi balor na bon gobernashon i pa hasi kos na e manera korekto. Pa loke ta trata nos, esakinan si no por i a kontribuí na e pèrdida di konfiansa den funshonamentu di Adriaens. Vakatura pa Direktiva di STINAPA STINAPA ta un organisashon profeshonal non-profit ku ta manehá e parkenan di naturalesa i ta ehekutá algun otro tarea komo servisio na naturalesa, na komunidat i na e ekonomia lokal di Boneiru. STINAPA ta manehá, protehá, i promové uso responsabel i du-radero di manera ku nos naturalesa úniko ta keda disponibel pa nos poblashon i pa futuro generashonnan. E maneho diario di e organisashon ta den man di un direktor general. E direktiva di e fundashon ta formá pa miembronan di direktiva boluntario i sin pago, ku tin asiento den e direktiva a base di título personal. Ta nombra miembro di direktiva pa medio di kooptashon (miembronan ta nombra miembro nobo). Na e momentu aki STINAPA ta buska Miembronan di Direktiva Nobo. Pa mas informashon riba e vakatura por bai riba e wèpsait Den kaso ku bo ta interesá, manda un karta kòrtiku i un CV pa STINAPA via e direkshon di imeil director@stinapa.org E presidente (interino), señor M. Adriaens, i e direktor, señor A. de Wolff, gustosamente ta disponibel pa duna mas informashon. E yamada akí ta keda bálido te na momentu ku e vakaturanan ta kanselá.

3 Buní di 115 kilo Siman pasá Luti Craane i su yu Lutson, a logra piska un buní di 115 kilo. Remarkabel ta ku durante e kasi tres ora ku nan a traha ku e buní pa tresé boto, tribon a probechá i kita pida for di dje. Riba e foto tata i yu huntu ku e buní i tambe por mira e parti ku tribon a kita. Epress Cargo & Services N.V. Kaya Atòm 29 Kralendijk - Bonaire Tin mester pa drenta servisio imidiato Administratieve kracht Rekisitonan: * Eksperensia den douane-inklaring * MBO diploma * Propio transporte * Serio i responsabel * Edat entre 25 pa 40 aña Pa apliká por fabor mail bo CV na info@epresscargoint.com Ultimo dia pa apliká ta 14 september 2018.

4 Direktor di MCB Leonard Domacassé na selebrashon Dia di Prensa Komunikashon ta importante KRALENDIJK Prensa ta hunga un ròl asina importante den nos komunidat i ta sòru pa nos risibí informashon den un forma kompleto, korekto i masha importante ophetivo. Esaki Leonard Domacassé, direktor di Maduro & Curiel s Bank, a bisa na okashon di selebrashon di Dia di Prensa djabièrnè atardi na Islander. Domacassé a bisa e aña aki MCB kier kompartí i para ketu na e banko su responsabilidat sosial korporativo. Esaki ta definí komo un kompania su sentido di responsabilidat pa ku su komunidat i medio ambiente, no solamente ekológiko, pero tambe sosial. Kontribushon MCB ta konosí pa su aktividat i kontribushon riba e tereno aki. Pa hopi aña esaki ta asina i esaki no a bira ménos. Ta normal ku no tur nos esfuerso i aktividatnan ta bini den spòtlait. Durante fisio di nos komunidat, nos hóbennan, barionan i institutonan karikativo. di henter aña nos ta pone hopi énfasis riba diferente tereno, manera hubentut, nos grandinan, deporte, medio ambiente i e sektor di negoshi chikí, Domacassé a bisa. Tambe, di akuerdo ku Domacassé, MCB ta kontribuí na diferente organisashon, proyekto i evento kultural, sosial, religioso, deportivo, edukashonal i medio ambiente, na bene- Kultural Riba tereno kultural MCB ta kontribuí ku karnaval, ku kontribushon na Festival di Tumba, konkursonan, diferente grupo i banda ku ta partisipá. Dia Di Rincon ta kontribuí ku FUDECU, diferente skol i gruponan ku ta partisipá den e marcha, tambe e marcha Ban Wapa ku Chana i Dui. Kanto Krioyo ta kontribuí ku e organisashon i tambe ku e bandanan ku ta partisipá. Deportivo Desvelo pa di dos aña di e poster grandi na Aeropuerto Flamingo su sala di yegada, kaminda MCB ta honra nos hóbennan deportista ku ta destakando tantu lokal i internashonal. Ken ta kòrda e eksitoso Kopa Lito promoviendo futbòl, ku partisipashon di mas ku 500 mucha i hóben. Kaminda tambe tur ekipo a risibí un donashon. MCB tin 40 aña kontribuyendo ku kòntèst di fli, tambe kontribushon na diferente aktividat di e deporte windsurf, manera Prokids i Sorobon Masters. Otro deportenan manera biljart, tènis, beibsòl, kareda di pia, atletismo, bolas, tambe kontribushon pa partisipashon di nos hóbennan na diferente torneo internashonal. Sosial i edukativo Kontribushon na Special Olympics, aktividatnan grandi manera Sanikolas i Regata. Partisipashon di un grupo grandi di kolega den e aktividat di Bon Doet i tambe tur aña den Desèmber ta yuda un organisashon malkriá nos grandinan. Diferente workshop pa empresarionan, inkluyendo den diferente bario, tambe partisipashon na Global Entrepreneurship. Diferente seshon pa enkurashá uzo di online banking bou di e nòmber Bo tempu ta oro. Kontribushon na diferente aktividat di 60+, BYOF, SGB/Liseo, Fundashon Lesa i Skirbi, Fundashon lesa ta Dushi, biahe di studiante i asina por menshoná hopi mas, segun Domacassé. Medio ambiente Kontribushon i partisipashon na limpiesa i re- nobashon di e rotònde na Hato. Limpiesa di diferente área manera Klein Bonaire i Tanki Maraka. Esaki ta pa ilustrá kon importante tur esaki nan ta pa MCB, aparte di e banko su aktividat nan ekonómiko. I pa korona obra e aña aki, keda pendiente pa un aktividat grandi pa nos hóbennan ku enfoke riba konsientisashon pa ku seguridat pa asina nos hóbennan por protehá nan mes mihó. Pa finalisá, MCB ta realisá kon importante komunikashon ta i tambe ta realisá ku tin kaminda nos por a hasi un mihó trabou pa ku esaki i ta pidi nos amigunan di prensa pa sigui yuda nos den esaki, tambe komunidat en general, Domacassé a trese dilanti.

5 Hoi produsí na Boneiru KRALENDIJK POP Bonaire a hasi prueba ku produkshon di kuminda di kabritu durante tres aña. A hasi prueba ku 8 tipo di yerba riba 2 hèktar di tereno di LVV. E ophetivo ta pa yega na un kuminda ku un balor nutritivo haltu. Algun di e yerbanan, manera olifantsgras, ta krese hopi bon na Boneiru, pero no por traha hoi di dje. Konsekuentemente no por ward é òf transport é optimalmente. E yerba mulato II (Brachiaria spp.), a resultá for di e pruebanan esun mas mihó i mas adekuá. E ta un yerba fuerte di Colombia ku un balor nutritivo haltu, ta krese bon ku irigashon i ta seka perfektamente ku ta hasi posibel pa traha bal di hoi ku mashin. Siman pasá a logra traha bal di hoi hasiendo uso di e mashin di traha bal. En total a traha 21 bal di hoi di 19 kilo for di un tereno di 1000 meter kuadrá. Ku e prueba aki a keda demostrá ku por produsí hoi di bon kalidat na Boneiru. Riba e potrèt e balnan di hoi i tambe e empleadonan di Job Program Tuinbouw ku ta ehersé e trabounan, huntu ku nan job coach i lider di proyekto Integrale Wijk Aanpak. LOKE HENDE TA PENSA Sera kaya sin indikashon Marina Hulandes a sera kaya na altura di Lagun, esaki sin pone bòrchi di indikashon. Ta trata di un kaya públiko. Un suidadano ta puntra si nan tin outorisashon pa hasi esaki. Si ta asina, di kon no a pone bòrchi di indikashon na e sitio. KANTA, ALABÁ DIOS! Skritura: Salmo 42:1-3, 11 Spera riba Dios, pasobra ainda lo mi alab É, mi Salbador i mi Dios. v.11 (BS) Tabata un situashon di salú di mi kasá. E tabata enfrentan-do diagnóstikonan difísil pa ya kasi un aña. E situashon tabata involukrá tratamentunan largu, operashonnan i vários otro prosesonan. Nos a yega na un punto krítiko ku a spanta nos. Un yamada di e dòkternan a indiká ku e mester apliká un pakete di angua ku sélulanan pa su sanger. E asina yamá: transfushon di tròmbosit (bloedplaatjes). E tin mester di esei promé ku e dia sera, pasobra su situashon ta hopi delikado. Tabata mèrdia. Nos tabatin mester di sufisiente tempu pa haña un donante, un sentro médiko kaminda nan por hasié i e sèn pa kubri e gastunan. I nos ta añadí na e esaki, e forma kon salubridat públiko ta funshoná na mi pais. Esaki tabata demasiado pa nos. Mi kasá a kuminsá yora i ami mester a sali pa solushoná e urgensia ku a presentá. Promé ku mi a bai, mi a aserk é pa mi por anim é i transmitié palabranan di speransa. Mi a bis é: Loi, alabá Dios, kanta mientrastantu ku mi ta bai resolvé e problema aki. El a hasi mi kaso. Despues el a konta mi ku el a kuminsá kanta manera e tabata por, meimei di dolor i lágrimanan. Pero poko poko esei a kombertí den un momentu presioso di adorashon na Dios. Despues promé ku nochi a sera, ya nos tabata den un sentro médiko ku tur e trámitenan pagá i hañando su tratamentu. Ora ku bo habri bo bos i rekonosé ku Dios ta den kontrol, bo ta haña speransa. Di e forma akí e palabranan di Salmo 42:11 ta haña bida. Ora ku angustia yega na bo porta, disidí pa alabá Dios. Francis Montás, República Dominicana Dios ta lanta nos Speransa! Saká for di: Alimento Pa E Alma, un produkshon di Trans World Radio Bonaire. AKI TA TRAHA I DRECHA PLANCHA PA DJIENTE. BO TA WARDA MIENTRAS NAN TA DRECHE, SERVISIO RAPIDO. djaluna pa djaweps: 9'or mainta pa 12'or merdia, 2'or te 4'or di atardi. djabierne: 9 or mainta pa 12 or merdia, atardi ta SERA. E.M. Rijswijk Por yama pa un sita na tel òf selular Kaya Dr. J.G. Hernandez s/n (banda di Botica Korona)

6 Ròl di gógelar E famoso spèlchèk ku nan a introdusí aña pasá no ta rekonosé e palabra gógelar, pero mi ta opta pa skirbié asina na papiamentu, enbes di skirbi goochelaar òf usa e palabra mago. Pasobra ta tokante esaki mi ta bai skirbi awe, esta tokante un periodo kòrtiku den mi bida ku mi tabata gógelar. Mi tabata tover i, si mi a sigui den e direkshon ei, awe kisas mi por a kompetí ku Profesor Telemaque, Tom Presti i kisas te asta ku Heroudini. Pero no a yega asina leu nunka. E periodo di kua mi ta skirbi aki mester tabata masoménos na fin di dékada sesenta, tempu ku mi tabatin un 13 pa 15 aña asina. Mi tabata bishitá e klasnan mas haltu di St. Dominicusschool. Na skol sekundario mi tabata opseshoná pa e pruebanan ku Frater Ulrich tabata hasi durante lèsnan di scheikunde den natuurkundelokaal. For di e tempu ei mi tabatin gana di bira un gógelar dia mi bira mas grandi. Mi tabata bishitá tur shou di gógelarnan ku tabata bin presentá na Boneiru, di kua esun mas konosí tabata Heroudini, ku mi tabata konosé hopi bon. Heroudini su kasá tabata un besiña di nos kas na Antriol, esta Popo, konosí bou di e nòmber artístiko Sheba. Pa kolmo Sheba, kende a fayesé basta aña pasá, tabata un famia di parti mi mama tambe. Mientrastantu Heroudini tambe a fayesé. Heroudini hopi bes, durante su bishitanan na Boneiru, tabata keda pues banda di nos kas. Mi tabata gusta ora ku e tabata aki, komo ku e tabata hasi algun triki simpel pa nos komo mucha mira. Tin di nan ku mi tabata kapta i despues hasi mi mes. E mes tambe sa siña trikinan simpel serka dje. Segun ku mi tabata krese, mi interes pa un dia siña gogel a bira mas i mas grandi. Mi ta kòrda ku mi tabata fia na Biblioteka Públiko e revista Kijk, den kua durante un periodo tabata sali tur siman un seri tokante e gógelar i ilushonistanan di mas grandi ku mundu a konosé, manera e legendario Houdini i otronan. Nan tabata publiká tambe semper un triki di e persona en kestion. Asina, pokopoko, mi a kuminsá ta dominá algun triki ku tabata pone mi amigunan di Antriol bira yalurs. Nan no por a komprondé i aseptá ku mi tambe tabata birando un gógelar. Fo i Vila Maria Goretti Teksto: Bòi Antoin Jessy, kompletamente na man robes, huntu ku su tantanan Elba, Elvia, Julia (Zjuli) i su tio Roy. Mi a lanta den nan ambiente na kas. Buki di triki Despues di tempu m a kuminsá ta bestèl bukinan pa siña triki. Despues di algun luna mi tabatin un kolekshon di sigur un 10 pa 15 buki asina, mayoria na hulandes. No ta tur e trikinan den buki mi por a dominá. Tabatin algun difísil den nan. I mi mes tambe tabata inventá triki. Un bes mi ta kòrda kon un gogelar surinameño a bin tene un presentashon na Sentro di Bario Antriol. Natural ku mi a bai. Tabata trata di un hòmber di basta edat kaba, ku a hasi diferente di e trikinan ku mi tambe por a dominá. Mi no ta lubidá nunka mas kon, komo un mucha di apénas 14 aña di edat, m a pone e hòmber su kara na bèrgwensa, ora ku el a pone un bala disparsé i ku, ora el a puntra na unda e bala a bai, mi a bai dilanti i saka e bala p e. Asistente di e gógelar surinameño aki tabata Tio Loi di Rincon. Hopi aña despues m a yega di papia ku Loi tokante e gógelar aki. Loi a duna mi rason ku e gógelar aki no tabatin masha aden. Mas tantu un charlatan òf un tiradó di pará (no par!). Un staanschieter nan lo bisa na Sürnam. Ora ku mi tabata sinti mi mes asina bon komo gógelar, mi mes a pidi un dama besiña di nos, ku tabata un lider di AMG, pa bai duna un shou di gogel na e klup di AMG pegá ku nos kas. Mi ruman Papi tabata mi asistente. Mi tabata soda friu. E shou no a bai malu, pero mi a bin ripará ku no ta gogel so ta e kos, sino ku bo mester sa kon mester entretené hende tambe. I esei mi tabata malu den dje. E muchanan miembro di AMG tabata fada i na final, ora ku e shou a kaba, nan tabata kontentu di por a sali bai hunga den kurá. Esei tabata e promé, último i úniko presentashon ku mi a yega di tene komo gógelar. Nunka mas m a subi esenario den e kalidat ei. E bukinan a keda den mi poder te ora ku mi a topa ku Ed Janga, un hóben studiante di SGB e tempu ei, ku ta birando un gógelar hopi prometedor. El a sigui tambe ku goochelstaf kaminda ku mi a lag é 50 aña pasá. M a pidi Ed pa pasa ofisina di Etra pa tuma algun buki di triki ku mi tabatin p e. El a bini i m a dun é nan, ekspresando e speransa ku e lo por bira un gógelar profeshonal den futuro, loke ami i tampoko Feli Nicolaas (Profesor Fedjai), un otro boneriano ku kier a bai riba e tereno aki, nunka a logra, anke el a yega un tiki mas leu ku mi, esta te den Teater Carib. Ed a konta mi di su aktividatnan komo gógelar, kon el a haña interes pa e arte aki, kon el a aktua kaba na algun okashon i ku den un Festival di Regata el a di hasi su debut grandi mes, kon e kier a bai asistí na un konvenshon di IBM (International Brotherhood of Magicians) na Merka etc. Straño si... Bon mirá nunka mi no por a komprondé Heroudini (Henry Betancourt). E hòmber por a tover saka bietenan di 10, 25, 50 i asta shen florin for di nada. Tòg e mester a traha duru, hul su kurpa duna show, pa asina por a gana su pan di kada dia. Den mi kabes di mucha tabatin yen di pregunta pa Heroudini. Nunka sinembargo mi no tabatin kurashi pa puntr é. Entre otro for di unda e papelnan di spesialmente 100 florin tabata bini. Nos komo muchanan di bario tabata kontentu ora ku Heroudini, Popo i nan yunan Jessy i Danny tabata back in town. Pasobra tabatin ko i mira. Nos tabata sinta den sombra pariba di kas di Weik i Servilia, mayornan di Popo, pa sinta kombersá i atmirá Heroudini. No lubidá ku e hòmber tabata hopi famoso den e tempu ei. E tabata aktua no solamente riba nos islanan, sino rònt mundu. Anto bo por a sinta kombersá kuné asina ei. Semper m a keda ku kontakto ku Heroudini. Tempu ku mi tabata traha den gobièrnu na Servisio di Informashon e tabata pasa bishitá mi i sinta oranan kombersá. E ofisina tabata den Kaya Manuel Piar. Lástima ku nunka mi no a logra entrevista Heroudini pa Herensia. Nos tabata kasi kla pa a hasi un entrevista asina, pero e no a sigui. Mi no ta kòrda dikon. Popo a muri na Kòrsou i nan a der é na Boneiru. Su restunan a reposá den misa di Coromoto, djis pariba di kas kaminda, den kurá, nan a dera su lombrishi. Danny a muri den un aksidente trágiko ku vürwèrk. Heroudini tambe a fayesé. Jessy ta e úniko ku a keda di e famia di magia kaba. E tambe tabata embolbí den e shownan famoso di Heroudini. Jessy, kende ta biba na Alemania, sí mi a entrevistá tokante su tata, mama i ruman hòmber. Heroudini i su yu hòmber Danny, ku tambe a sigui den kasonan di su tata. Jessy i su ruman hòmber Danny komo mucha.

7 Dushi tempu bieu ENTREGA DI TROFEO KOMBERSASHON Ramonsito Booi komo diputado ta entregá trofeo na Jopi Soliano, huntu ku su ruman Giovany, ganadó boto di bela piskadó di regata ku e boto Veva. SAKAMENTU DI KARKÓ Diputado Ramonsito Booi ta entregá premio di kompetensia di peska lokal na Boi Cicilia, den kompania di Patrik Mercera di Cerilio Thodé. BOS DI TELBO Hubert Martis ta saka karkó ku el a kue den bahia di Lac. Finalistanan di Bos di TELBO, d.r.p.d. Daniel, Calito Coffie, Keke Bart i Nando Statia. Tonchi, bo a tende ku Knopje ta kabes pabou pa bin kontrolá e huiswèrk ku el a laga pa mandatarionan hasi? Si, mi a tende. Ban spera ku nan a hasi nan huiswèrk bon pa sikiera e por manda poko sèn abou pa sikiera drecha a kamindanan malu. KOLOFÓN Editor Etra-Boneiru i Boneriano Bonaire Communication Services N.V. Kaya Irlanda, Tel etrabon@gmail.com Wèpsait: Redakshon Papi Antoin (redakshon final) Selular Edson Pietersz Ibi Piar (deporte) Direktor-hefe di redakshon Bòi Antoin b.antoin.etra@gmail.com Ko-direktor Shirley Martis Resepshonista Martha Castillo Reportero - Fotógrafo Rincon Crusita Thielman Traduktor/Redaktor Rudy Domacassé Layout Davienuska Janga Yair Hormechea

8 Sheraldine de Palm a bai ku outo di Live 99.9FM KRALENDIJK Sheraldine de Palm a gana e outo di e kampañna di Radio Live 99.9FM, en konekshon ku 3 aña di eksistensia di e radio. Esaki a sosodé den un emoshon i tenshon serka 4 partisipante huntu ku públiko. Diferente grupo a presentá e anochi den kurá di J.C. Herrera i tabata yen di hende e anochi pa wak ken ta start e outo. Djasabra anochi, algu promé ku 10 or, a yama tur 12 partisipante riba esenario i a duna kada un ènvelòp, pa wak ken ta bai pa di dos buèlta. Esun ku saka un kara harí por kontinuá pa di dos buèlta. Despues a saka 4 partisipante i nan a kue yabi pa wak ken por start e Hyundai Grand I Notario Kenneth Arends tambe tabata presente i a laga kada un di e kuater personanan skohe un yabi for di den un glas. Debí ku e outo su bateria a baha dor di e lusnan ku tabata sende henter anochi, e final tabata un tenshon enorme. E promé dos persona- nan a purba i no a logra start e vehíkulo. Aki tabata entre e último dos persona ku mester a purba. Tabata entre Ruthmilda Emerenciana i Jerry Frans. Lógikamente mirá, si Ruthmilda no start e outo, Jerry ta e persona ku e último yabi ku por start e vehíkulo. Esaki sinembargo a sorprendé tur hende, pa motibu ku Ruthmilda no a start e outo i despues Jerry a purba i tam- poko a logra. E promé persona di e kuaternan a bolbe purba i tabata e di dos persona kende promé bes a purba i no a logra start e outo e di dos bes si a duna tur señal i indikashon ku e tin e yabi ku ta start e outo e mardugá di djadumingu. Asina Sheraldine de Palm a bira e persona kende a gana e outo, representando e kompania Don Andres N.V.

9 Danny Janga ganadó Festival Ban kanta nos Boneiru KRALENDIJK Djabièrnè anochi a tuma lugá e festival di Ban kanta nos Boneiru. Esaki a tuma lugá na Jeugdhuis Jong Bonaire unda 6 kantante a partisipá. Ta trata aki di Simon Quant, Danny Janga, Jasir Gressmann, Reginald Dorta-lina, Rolando Casimiri i e úniko dama, Melisa Domacassé. Tur e 6 partisipantenan a kanta promé buèlta i despues a saka e 4 mihónan pa despues saka e ganadó. Tur partisipante tabata riba un bon nivel. Polly Winklaar kende tabata presidente di hurado, a entregá e resultado na maestro di seremonia. Promé ku a premia ganadónan, diputado Edsel Cecilia a a gradisi Judith Leoneta pa e tremendo trabou pa a organisá e aktividat. Promé ku a menshoná e ganadó di e festival, despues di a saka e promé finalista, gritunan for di públiko tabata bisa Danny Janga. Tabata Danny kende a bira e ganadó apsoluto. El a gradisí tur i a bisa ku e ta kontentu ku Boneiru a asept é asina rápido, apesar ku e tin sanger Boneriano. Di tres finalista a resultá Jasir Gressmann, di dos finalista Reginald Dortalina i promé finalista Rolando Casimiri. Riba e fotonan momentu di entrega di premio na e finalistanan.

10 Apertura ofisina FFB KRALENDIJK Djabièrnè último den oranan di atardi tabatin apertura di ofisina di FFB den sentro di siudat. Esaki tabata na enkargo di diputado di deporte, sr. James Kroon, ku a kòrta sinta pa di e forma aki habri e ofisina ofisialmente. Esaki a tuma lugá den presensia di direktiva di e federashon di futbòl, dirigentenan di ekiponan i otro invitadonan. Tabata mitar di seis ku direktiva di FFB i su invitadonan huntu ku diputado Kroon, a bini huntu pa e apertura ofisial di e ofisina. Despues di kòrtamentu di sinta, diputado Kroon a dirigí su mes na e presentenan i tambe sr. Luti Balentin presidente di FFB. Segun nos, ta promé bia ku FFB ta habri un ofisina unda tin un persona komo sekretario ta traha den e ofisina aki durante oranan di trabou. Ku esaki ta fasilitá dirigentenan di ekiponan ku ta den nesesidat di informashon o pa hasi entrega di algu, kualke dokumento importante, hasi esaki na e ofisina durante dia pa e kontakto ta muchu mas fásil i mas mihó ku FFB. Ku esaki sigur, manera nos a bin ta trese na publisidat na diferente okashon, futbòl di nos isla ta den desaroyonan positivo i esaki tambe ta parti di e desaroyo. Despues di e apertura ofisial a sigui bríndis unda ku esnan presente a pasa ratunan ameno interkambiando di idea ku otro. Un pabien na FFB, na klupnan afiliá na e federashon, tambe na komunidat boneriano ku esaki, loke sin mas ta fasilitá e trabounan na desaroyo i bienestar di futbòl di nos isla. Ku esaki awó FFB tin su ofisina unda por reuní i atendé asuntunan di nos futbòl ku muchu mas fasi- lidat. E ofisina ta situá den K aya Grandi 32 ku tel Riba potrètnan momentu ku di e apertura ofisial djabièrnè último. PARTISIPASHON Kolegio Ehekutivo di Entidat Públiko Boneiru, a base di artíkulo 2.8 insiso 3 di e Lei di bibienda públiko, planifikashon espasial i maneho ambiental BES, ta partisipá ku den e periodo di 13 di yüni te ku 30 di ougùstùs 2018 a risibí e siguiente petishonnan pa pèrmit di konstrukshon: Meico # z/n (Bouwen van een woonhuis ); ; ; Meico # z/n (Bouwen van een loods ); ; ; Meico # z/n (Bouwen van een Kas ); ; ; Hanchi Amboina # 55 (Bouwen van 2 losstaande woningen ); ; ; Kaya E.B. Sint Jago # 10 (Bouwen van een woonhuis met een buiten keuken); ; ; Kaya Skandelchi # 6 (Bouwen van twee woningen onder één kap); ; ; Kaya Korona # z/n (Bouwen van een Afdak); ; ; Kaya Heru # 45 (Bouwen van een woonhuis ); ; ; Kaya Garnet # 55 (Bouwen van een woonhuis met een zwembad); ; ; Amboina # 101 (Uitbreiding en Verbouwing van een bedrijfspand); ; ; Kaya La Palma # 18 (Bouwen van een woonhuis met een zwembad); ; ; Kaya Mazurka # 39 (Bouwen van een woonhuis ); ; ; Kaya Heru # 43 (Bouwen van een woonhuis met een zwembad); ; ; Kaya Kalipso # 6 (Uitbreiding van woonhuis); ; ; Kaya Misoa # 8 (Bouwen van een woonhuis ); ; ; Kaminda Meico # 1 (Bouwen van een woonhuis ); ; ; Kaya Land Graaf # 2 (Bouwen van 8 appartementen); ; ; Kaya Breda # z/n (Bouwen van 24 appartementen); ; ; Kaya Platina # 42 (Uitbreiding van woonhuis); ; ; Kaya Barakuda # 5 (Uitbreiding van woonhuis); ; ; E petishonnan aki riba no ta disponibel pa tur hende mira. E partisipashon públiko tin komo meta pa informá tur hende tokante e petishonnan ku a keda entregá. Entrega di opheshon òf apelashon relashoná ku e partisipashon aki no ta posibel. Kolegio Ehekutivo di Entidat Públiko Boneiru, Na nòmber di esaki, direktor di Direktorado Planifikashon i Desaroyo di Entidat Públiko Boneiru. Ir. Etienne van der Horst

11 Segun Rudy Cicilia No ta kontra refuerso di Kòrsou pa hunga na Boneiru KRALENDIJK Segun e siudadano Rudy Cicilia, siman pasá e la skucha un programa di deporte na un radio na Boneiru, kaminda ku un dirigente di Juventus a manda un karta pa e programa di deporte di un radio emisora tokante refuerso. E dirigente, di akuerdo ku sr. Rudy Cicilia, a bisa kon den pasado hungadó di Boneiru entre otro Pretin a yega di reforsá na Kòrsou. Dia Pretin a bai hunga ta den Selekshon di Antias den Weganan di Reino. Yeyo Trenidad, Rilove Janga i Buchi Frans tambe a hunga den Selekshon di Antias pa Torneonan. Esei ke men ku pa un torneo tur hende por reforsá un tim. Tin hungadónan di Boneiru ku a reforsá e ekipo Dakota tambe den diferente torneo. Pero kampionato ta otro kos, segun sr. Cicilia. E presentadó di e programa di deporte ta brua karni ku piska, tokante e binimentu di futbolistanan for di Kòrsou. E ta hasi manera e pueblo di Boneiru ta kontra Kòrsou i tambe kontra bini- mentu di futbolistanan di Kòrsou den kampionato di Boneiru. Apsolutamente fout e manera ku e ta trese e kos dilanti. Loke nan di Boneiru ke men ta ku e manera i momentu ku e hungadónan a bini, no ta bon. Mas aleu segun sr. Rudy Cicilia, e la papia ku un èksdirigente di futbòl na Boneiru ku konosé leinan di futbòl i e la bisa ku tin un Statuut i ku Statuut ta mas haltu ku Huishoudelijke Reglement. Anto segun Statuut bo mester ta ingeschreven na Boneiru, pa bo por hunga futbòl. Mas aleu sr. Rudy Ciciia ta bisa ku e la biba na Kòrsou i su yu a nase na Kòrsou i konosé mas ku mitar Korsou i no ta kontra ningun yu Kòrsou ku bin hunga bala aki. Pero loke si e ta kontra, e momentu ku nan a bini i kantidat di hungadó ku a bini. Loke ami mes ta haña, ku un hungadó mester hunga den Kampionato Regular, promé ku e por hunga den plei-òf Buèlta. Esei ta e regla den Kampionato di Kòrsou Teach United a gana Rincon Vets 4-2 KRALENDIJK E ekipo di futbòl veterano di Fèlt Pal i Tamarein Kaminda Gurubú ku ta Teach United, den partido di futbòl di rivènch djasabra último, a gana di Rincon Vets di Rincon ku skor di 4-2. T asina ku ta di tres bia ku e ekiponan aki a enfrentá otro últimamente, di kua e promé bia e partido a keda empatá. E di dos partido dos siman pasá, Rincon Vets a gana di Teach United 3-2. Djasabra último den un partido konsiderá unu di rivènch, partido ku a tuma lugá na Stadion tabata Trenidad na Rincon, tabata Teach United ku a gana di Rincon Vets 4-2. E golnan di Teach United tabata di Bomba, Bonne, Ryan Martha ku a bin kas bèk i di Elton Augusta ku por bisa ta e goliadó di Teach United. $ KÈSH pa 25 palabra inklui 6% ABB ta risibí aviso te ku 3 or di tardi SUPER KLASIFIKADO BACK TO SCHOOL Dushi Shoes i Dushi Style tin hopi merkansia pa Back to School. Kèts, tas, mea, pèchi, etc. Nos ta keda den Kaya Grandi, tel tambe. Pero e ta komprondé ku na Boneiru no tin ningun regla ku ta stroba nan di bini. Un persona ku tabata dirigente di un tim na Boneiru, a bisa ku segun statuut ku ta mas haltu ku Huishoudelijke Reglement, si e hungadónan ku a bin reforsá ta ilegal. Pasó segun Statuut bo mester ta ingeschreven na Boneiru. Loke e ke bisa ta, di akuerdo ku sr. Cicilia, bo por reforsá un tim den torneo. Esei no ta problema. Pero den kampionato si no ta eksistí kuenta di refuerso ningun kaminda. Den profeshonal hungadónan ta wòrdu di hür ku tim. Pero nan regla. Sea bo ta hunga den e K ampionato Regular di Kòrsou, Aruba òf Boneiru, manera Yeyo Trenidad i Vurgel Hersilia a hunga den Centro Barber, Lacey Pauletta, Igmard Gijsbertha, Buchi Frans, Rilove Janga, Carlos Pikeri a hunga den K ampionato Regular na Aruba. Yega hunga den final di plei-òf di Kampionato di Kòrsou òf Aruba, esei no por. Pasó tin regla. Ke men reforsá un tim den un torneo ta otro kos. Esei por. Den e programa di dja- sabra último di Evo Cicilia ku Burney Elhage tambe a bini ku e tópiko di refuerso aki. A bin dilanti ku mester protehá i balorá nos futbolistanan di Boneiru i tambe a bin dilanti tokante ku ta paga e futbolistanan ku ta bini i kiko e futbolistanan di Boneiru mes ta haña??? Un konseho e tin segun sr. Rudy Ciclilia pa e Federashon di Futbòl di Boneiru. Nan por bini ku un regla si, ku un tim tin mag di buska te ku 2 refuerso den plei-òf, Kaya òf Buèlta, si nan ke hasi esaki mas aktraktivo. Bayern Bonaire a pasa 2-0 riba FC Haiti KRALENDIJK E ekipo di futbòl di latinonan aki na Boneiru ku ta Bayern Bonaire, djasabra último den oranan di anochi, pa ta mas eksakto partido ku a tuma lugá 7or anochi den Stadion Kralendijk na Playa, a gana di e tim di futbòl di haitianonan ku ta FC Haiti ku skor di 2-0. E golnan di Bayern Bonaire tabata di Pedro Rodriguez i Darwin Heredia ku a hinka 1 gol kada unu pa duna nan ekipo di viktoria. Promé ku e partido, Bayern Bonaire a bendishoná unifòrm nobo i sali ku bon pia den nan unifòrm nobo. Riba potrètnan momentu ku a bendishoná e unifòrm nobo, e ekipo di Bayern Bonaire lusiendo den su unifòrm nobo, tambe e ekipo selebrando ku otro i fanátikonan famia Bayern Bonaire.

12 TCB ta sigui rekonosé huéspet KRALENDIJK Resientemente TCB a rekonosé nuebe huéspet mas komo embahador di Boneiru. Tur e personanan rekonosé ta prosedente di Merka i a S.V. Hobon 2-1 riba FC Champs KRALENDIJK E ekipo di futbòl veterano di S.V. Hobon, djasabra último a gana di FC Champs ku skor di 2-1 den un partido di futbòl veterano amistoso 50+ ku a tuma lugá den Stadion Kralendijk na Playa. E partido aki a tuma lugá den oranan di atardi lat pa tempran di anochi. Tabata un tremendo partido di kua e skor mes ta reflehá esaki. E golnan di S.V. Hobon tabata di Benno Michel i Ròi Burleson. E úniko gol di FC Champs den e partido aki pa salba honor tabata di Garindo Raphaela ku ta e goliadó di e ekipo aki. Por bisa ku kasi den tur partido Garindo ta sòru pa gol pa su ekipo. Riba potrèt por mira outor dje úniko gol di FC Champs ku ta Garindo Raphaela. risibí medaya di bròns i oro pa e kantidat di aña ku nan ta bishitando Boneiru. Ta trata aki di Stepeh i Sheryl Killingsworth, Kirk i Pamela Dion, kada unu ku 11 aña, Terri i Rene Bowling, ku ta bishitando Boneiru pa i5 aña konsekutivo, Francis Smith 18 aña, Michell Brach 19 aña i Marcia Oliver ku ta bishitando Boneiru pa 21 aña konsekutivo. Den representashon di TCB, Helen Mercera-Thodé a hiba palabra durante seremonia. Gradisimentu Het is stil en leeg, maar mooi zijn de herinneringen aan mijn lieve man, onze lieve vader,. grootvader en vriend Loek. Voor de vele blijken van belangstelling en medeleven die wij, in welke vorm dan ook, hebben ontvangen na het overlijden en de crematie, betuigen wij u onze oprechte dank. Esposa Loes, Yunan Mark, Yvonne i nan respektivo famia, kier a kumpli ku nan debido deber di partisipá fayesimentu i supsekuente kremashon di nan kerido esposo, tata i welo: Mihó konosí komo Loek Su memoria i dedikashon na tantu famia, komo e organisashonnan ku Loek tabata forma parti, lo keda pa semper grabá den nos felis memoria. A krema Loek den seno familiar djabièrnè 31 di ougùstùs Famia Beumer kier a ekspresá nan sinsero gratitut di kurason na tur famia, amigu(a) i konosínan, instansianan tantu gubernamental komo privá, ku di un òf otro forma, personal, via telefòn òf mensahe di kondolensia via SMS i tambe tur ku a kombibí ku nos durante dia di fayesimentu i aun mas riba e dia difísil di entiero. Boso sosten moral tabata un gran konsuelo i alivio pa nos ku a keda atras yen di doló ku e pèrdida grandi aki.

13 Presentashon investigashon riba yerba di laman den Lac KRALENDIJK Djamars 4 di sèptèmber di 7 or pa 8 or di anochi na Dutch Caribbean Nature Alliance (DCNA), Kaya Finlandia 10A, STINAPA ta bai tin un presentashon tokante di investigashonnan ku ta tumá lugá den Lac riba yerba di laman. Durante e anochi di konektá hende ku naturalesa, ta bai duna bista riba e investigashon di kama di yer- ba di laman ku ta andando. Lac ta rondoná pa ref di koral ku pal í mangel i kama di yerba di laman. E kamanan di yerba di laman ta sitionan importante kaminda turtuga blanku ta kome i tambe lugá kaminda un kantidat di piská, kangreu i kokolishi, ta biba i buska kuminda. Justin Campbell di The Smithsonian Institute di Florida, ta bai papia di e proyekto di investigashon ku e ta kordiná den henter Karibe. Boneiru ta un di e 14 sitionan. Marjolein Christianen i Fee Smulders di universidat di Wageningen, ta responsabel pa investigashon ku ta tuma lugá na Boneiru i Olivier Kramer ta e asistente na Boneiru. Marjolein i Fee ta papia tokante di resultado di nan investigashon i Olivier ta elaborá riba esaki. Mèrdia alegre i informativo Rijksdienst Caribisch Nederland (RCN) a perkurá pa miembronan di prensa tabatin un dia di informativo i distraishon. Aparte ku miembronan di prensa a pasa un sekshon di informashon, nan a kome, bebe i disfrutá di un atardi den bahia di Kralendijk. Di parti Etra i tur otro miembro di prensa ku a partisipá na e aktividat, ta bai palabranan di gradisimentu pa tur loke RCN a pèrkurá pa nan riba e dia.

14 LUNA DI HAÑA TUR LOKUAL BO KE SIN NADA NA MAN ku kredito te ku 18 luna LG Inverter Refrigerator 9 cuft 18 4 Burn Burner Stove Gas St $44 LG Semiauto Washer 16,5 kg Avanti Chest Freezer 5.2 cuft 18 $23 $ $429 $ $22 Inverter Split Airco 9,000 BTU 18 Bonaire $39