Sabbatskol les 4 kuartaal 1, 2019

Size: px

Start display at page:

Download "Sabbatskol les 4 kuartaal 1, 2019"

こうじなかきむら
5 years ago
Views:

1 Digno Ta e Lamchi Les 4 di kuartaal 1, aña 2019 Lesa pa e siman aki: Revelashon 4, Ezk.1:5-14, Revelashon 5, Ef. 1:20 23, Heb. 10:12, Echonan 2: TEKSTO PRINSIPAL: " 'Stòp di yora; mira, e Leon ku ta di e tribu di Juda, e Rais di David, a vense pa habri e buki i su shete seyonan' " (Revelashon 5:5,). Digno Ta e Lamchi sabbat, Siman pasa nos a mira na Kristu Su mensahenan na Su pueblo riba tera. Awor Juan su vishon a kambia for di tera pa shelu i a enfoká riba e mensahe deskribí di Kristu na Su pueblo riba mundu. Awor e vishon ta kambia for di tera pa shelu i ta enfoká riba e " 'lo Mi mustrabo loke mester turna lugá despues di e kosnan aki' "(Rev. 4:1,)-e futuro. E vishon di kapítulonan 4-5 ta tuma lugá den e kamber di trono di shelu. E esena di kapítulonan 4-5 simbólikamente ta ilustrá e historia di e plan di salbashon. Sinembargo, promé ku e futuro wòrdu revelá, nos ta wòrdu mustra e sentralidat di Kristu Su ministerio sumo saserdotal den shelu. Den tal manera ku, kapítulonan 4-5 ta proveé shelu su perspektiva riba e nifikashon di eventonan futuro registrá den e sobra di e buki. Bo por tuma nota tambe ku miéntras e mensahenan na e shete iglesianan a wòrdu skirbi den un lenguahe simpel, for di awor e buki ta empleá asta mas lenguahe simbóliko ku no semper ta fásil pa interpretá. E lenguahe aki a wòrdu tuma for di e historia di Dios Su pueblo, manera e ta registrá den e Testament Bieu. Un interpretashon korekto di Revelashon ta rekerí un komprondementu apropiá di su lenguahe simbóliko den lus di e Testament Bieu. Studia les di e siman aki pa prepará pa Sabat Yanüari / 7

2 Den e Kamber di Trono Selestial djadumingu, Kuminsando den Revelashon 4:1, Hesus ta invitá Juan pa subí na shelu pa wòrdu mustra un enkuesta panoramiko di historia for di su tempu te na Kristu Su regreso. Revelashon 4:1-8, Ezekiel 1:26-28, i Revelashon 5:11-14 ta deskribí e kamber di trono selestial. Kiko e versíkulonan aki ta siña nos tokante e naturalesa di e kamber di trono selestial? E apòstel a mira dor di e porta habri den e tèmpel selestial i na e trono di Dios. E trono ta simbolisá Dios Su regla i outoridat di goberná riba kreashon, miéntras e regenbog rònt di e trono ta nifiká Dios Su fieldat na Su promesanan (Gen. 9:13-16; Isa. 54:9, 10). Sinembargo, Satanas ku a usurpá e dominio di e tera aki i ta Dios Su atversario, a disputa outoridat divino. E asuntu sentral den e gran kontroversia entre Dios i Satanas ta tokante ken tin e derechi pa goberná. E propósito di e konseho selestial, ku Juan a mira reuní den e kamber di trono selestial, tabata pa afirmá Dios Su gobiernu legítimo riba e universo (Rev. 4:1-8, Rev. 5:11-14 ). Lesa Revelashon 4:8-11 i Revelashon 5:9-14. Kiko bo por siña tokante e berdadero adorashon den e pasashinan aki? Den kapítulo 4, dikon Dios ta digno di wòrdu adorá den kapítulo 4, i den Revelashon 5:9-14 dikon e Lamchi ta digno? Revelashon 4 ta duna un deskripshon general di e kamber di trono den e tèmpel selestial i di e adorashon ku repetidamente ta tuma lugá einan. miéntras e adorashon den kapítulonan 4 ta alabá Dios Su poder kreativo, kapítulo 5 ta selebrá e redenshon proveé dor di e Lamchi mata. E kapítulonan aki ta demostrá ku e berdadero adorashon ta relatá i selebrá Dios Su poderoso aktonan di kreashon i redenshon. Dios, ku a krea e mundu den seis día, tin e poder i abilidat tambe pa restourá e mundu na su kondishon original i pa kambi'é den e kas eterno pa Su pueblo, tur lokual El a primintí pa hasi. Pensa tokante loke e evangelio ta siña: Esun ku a krea, no solamente nos i nos mundo pero e kósmos, tabata tambe e "Lamchi ku a wòrdu mata" (Rev. 5:12,) pa nos. Ki speransa asombroso e siñansanan aki ta presentá meimei di un mundo yen di doló i konfushon? 2 / 7

3 E Reunion Selestial den e Kamber di Trono djaluna, E deskripshon di e ansianonan den Revelashon 4:4 ta mustra ku nan no ta ser nan angéliko. E titulo "ansianonan" den e Beibel semper ta wòrdu usa pa hende. Den kontraste ku angelnan, ku invariablemente ta para den Dios Su presensia, e ansianonan aki ta sinta riba trononan. E pañanan blanku ku nan tin bisti ta e bisti di Dios Su hendenan fiel (Rev. 3:4, 5). E koronanan di viktoria (for di Griego stephanos, Rev. 4:4) riba nan kabesnan ta reserva eksklusivamente pa e santunan viktorioso (Santiago 1:12). Tur e detayenan aki ta sugerí ku e 24 ansianonan ta e santunan glorifiká. E number 24 ta simbóliko: e ta konsistí di dos set di 12, e number 12 den e Beibel siendo un símbolo di Dios Su pueblo. E 24 ansianonan por representá Dios Su pueblo den nan totalidat, tantu den tempu di e Testament Bieu i e Nobo. E number 24 tambe ta reflehá e hefenan di e 24 divishon di saserdotenan ku a tuma turno pa sirbi den e sirbishinan di e tempel terenal (1 Kron. 24:1-19). E echo ku e 24 ansianonan nunka a wòrdu menshoná promé den e Beibel ta impliká ku nan ta un grupo nobo den e kamber di trono selestial. Podisé nan ta esnan ku a wòrdu lanta for di morto na e momentu di Hesus Su morto (Mat. 27:51-53). Si ta asina e 24 ansianonan aki a subi ku Hesus na shelu a bira representantenan di humanidat, pa testifiká e hustisia den Dios Su akshonnan den e realisashon di e plan di salbashon. Den Revelashon 5:9, e 24 ansianonan huntu ku e kuater kriaturanan bibu (vs. 8), a kai abou den adorashon dilanti e Lamchi ku a wòrdu mata i sinembargo ta biba. Huntu, nan a kanta un kantika nobo, alabando e Lamchi komo Esun ku ta digno, pasombra: " 'Abo a wòrdu matá, i ku Bo sanger Bo a kumpra pa Dios hende for di tur tribu i lenga i pueblo i nashon, i a hasi nan bira un reino i saserdotenan pa nos Dios; i nan lo reina riba tera'" (Rev. 5:8-10,). Revelashon 4:6-8 tambe ta menshoná e kuater kriatura bibu òf sernan. Kompará nan deskripshon ku e kuater kriatura bibu den Ezekiel 1:5-14 i Ezekiel 10:20-22 i e serafin den Isaias 6:2, 3. E kuater kriaturanan bibu ta simbolisá e sernan eksaltá ku ta sirbi Dios komo Su agentenan i e guardiannan di Su trono (Sal. 99:1). Nan alanan tabata mustra simbóliko na nan rapides den hiba a kabo Dios Su ordunan, i nan wowonan ta mustra nan inteligensia. Nan presensia, huntu ku e 24 ansianonan i e miríada di angelnan rònt di e trono (Rev. 5:11), ta mustra ku tantu shelu i tera ta wòrdu representá den e kamber di trono. 3 / 7

4 E Buki Seya djamars, Lesa Revelashon 5:1-4. Den lus di Isaias 29:11, 12, kiko ta e nifikashon di e buki seya, i dikon Juan a yora? E teksto Griego ta indiká ku e buki tabata den e man drechi di e Tata ku tabata sintá riba e trono. E tabata warda pa Esun ku tabata digno pa tum'é i" 'pa kibra su seyonan' "(Rev. 5:2, ). Den e palabranan di Ellen G. White, e buki seya ta kontené "e historia di Dios Su providensia, e historia profétiko di nashonnan i e iglesia. Eiden tabata kontené e deklarashonnan divino, Su outoridat, Su mandamentunan, Su leinan, e konseho simbóliko kompletu di e Eterno, i e historia di tur e podernan di gobiernu den e nashonnan. Den lenguahe simbóliko tabata kontené den e buki ei, e influensia di tur nashon, lenga, i hendenan for di komienso di historia di mundu te na su fin." Ellen G. White, Manuscript Releases, vol. 9, p. 7. Den kòrtiku, e buki seya ta kontené e misterio di Dios respekto Su plannan pa resolvé e problema di piká i salba ser humano kai. E realisashon kompletu di e misterio ei lo wòrdu realisá na e segundo binida di Kristu (mira Rev. 10:7). Lesa Revelashon 5:5-7. Dikon Kristu ta E úniko den henter universo digno pa tuma e buki seya i habrié? E krísis den e kamber di trono ta relashoná ku Satanas Su rebelion. E planeta aki, ounke krea pa Dios, tabata bou di dominio di e usurpado, Satanas. E yoramentu di Juan ta ekspresá e lágrimanan di Dios Su pueblo desde Adam pa salbashon for di sklabitut di piká. E buki seya ta komprometé Dios Su plan pa e resolushon pa e problema di piká. Sin duda ku Su poder sin límite Dios Mes por a realisá e plan aki. Sinembargo, e redenshon di e rasa humano kai ta rekerí algu speshal, i esei tabata Hesus, ku a "vense" i p' esei tabata digno pa habri e buki, pa asumí e dominio riba e mundu aki, i bira nos Mediador den e santuario selestial. Kon nos ta siña pa mantené Hesus na promé lugá i promé ku tur kos den nos eksperensia Kristian? 4 / 7

5 Digno Ta e Lamchi djarason, Lesa Revelashon 5:8-14 huntu ku Efesionan 1:20-23 i Hebreonan 10:12. Huntu kiko nan ta bisa ku mester duna nos gran speransa i konsuelo meimei di un mundu ku, di su mes, ta ofresé asina tiki di sea un òf e otro? Segun ku Kristu e Lamchi ta aserka e trono, E ta tuma e buki. E akto aki, ta mustra ku tur outoridat i soberanía ta pertenesé na dje (mira Mat. 28:18, Ef. 1:20-22). Na e momentu ei, henter universo a rekonosé Kristu Su derecho legítimo riba mundu. Loke tabata perdí ku Adam a wòrdu rekuperá ku Kristu. Ora Kristu tuma e bukí, e ta mustra E ta tene destino di henter humanidat den Su mannan. E kuater kriaturanan bibu i e binti kuater ansianonan a tira nan kurpa abou dilanti di e Lamchi i adorá, manera nan a hasi den Revelashon 5:9: " 'Abo ta digno pa tuma e buki i pa kíbra su seyonan; pasobra Abo a wòrdu matá' "(NKJV). Dor di e akto akí di adorashon, e angelnan eksaltá i e representantenan di e humanidat redimí a afirmá Kristu Su sakrifisio na fabor di humanidat. Ku Su sanger, El a paga e reskate pa ser humano kai i a ofresé nan tur e speransa di redenshon i promesa di un futuro ku apénas nos por imaginá. E kuater kriaturanan bibu i e ansianonan awor ta uni dor di sin número di hueste angelikal rondonando e trono i dirigiendo alabansanan na e Lamchi ku a wòrdu matá i ku awor ta "biba" pa hasi interseshon pa e rasa kaí (Heb. 7:25,). Den un solo stem, e okupantenan di e kamber di trono a sklama na bos haltu: " 'Digno ta e Lamchi ku a wòrdu matá pa risibí poder i rikesa i sabiduria i fortalesa i onor i gloria i bendishon' "(Rev. 5:12,). Na e punto akí henter kreashon den shelu i riba tera a djóin huntu den ofresé adorashon real tantu na e Tata i Kristu: " 'Na Esun ku ta sinta riba trono, i na e Lamchi, sea bendishon i onor i gloria i dominio pa semper i semper!'"(rev. 5:13,). Nan alabansa ta wòrdu enkontrá ku un " 'Amen' "dor di e kuater kriaturanan bibu i e prostrashon di e 24 ansianonan, asina konkluyendo e venerashon ekstatiko den e kamber di trono selestial. Fisikonan ta spekulá ku un dia e universo sea lo kima, koleps riba su mes, of djis kibra. Ki un kontraste pa e futuro presentá den e Palabra di Dios! Kon nos por kuminsá, asta awor aki, regosihándo den e futuro ku ta spera nos? 5 / 7

6 E Nifikashon di Pentekostes djaweps, Den e dramamentu di e Spiritu Santu na Pentekostes, Echonan 2:1-4 ta konfirmá un di e eventonan di mas desisivo den e historia di e plan di salbashon: e inougurashon di Kristu den Su ministerio post-kalvario komo Sumo Saserdote i Rei den e santuario selestial. Atraves di Su ministerio di sumo saserdotal na e man drechi di e Tata (Rev. 5:6, 7), Kristu ta kapas pa hiba a kabo e plan di salbashon na su realisashon final. Komo nos Mediador den e santuario selestial, Hesus ta obra pa salba nos. Atraves di dje, kreyentenan por tin akseso liber na Dios i risibí pordon pa nan pikanan. Lesa Ecbonan 2:32-36 huntu ku Juan 7:39. Ki speransa i enkurashamentu bo ta haña den e echo ku Hesus ta para den shelu komo nos Saserdote i Rei? E eksaltashon di Kristu den e santuario selestial a wòrdu sigui dor di e bahada di e Spiritu Santu riba e disipelnan. Revelashon 5:6 ta menshoná e shete Spiritunan ku a wòrdu "mandá den henter mundu" (NKJV). Manera nos a mira den e les promé, e shete Spiritunan ta indiká e plenitut di e aktividat di e Spiritu Santu den e mundu. Na Kristu Su koronashon, e Spiritu ta wordu manda na e mundu. E mandamentu aki di e Spiritu Santu ta unu di Kristu su promé aktonan komo nos Sumo Saserdote den e santuario selestial. E dramamentu aki di e Spiritu Santu ta nifiká ku Hesus a aparesé dilanti e Tata i ku Dios a aseptá Su sakrifisio na fabor di humanidat. "Kristu Su asenshon na shelu tabata e señal ku Su siguidonan mester a risibí e bendishon primintí. Ora ku Kristu a pasa den e portanan selestial, El a wòrdu korona meimei di adorashon di e angelnan. Mesora ku e seremonia aki a wòrdu kompletá, e Spiritu Santu a baha riba e disipelnan den korientenan riku, i Kristu berdaderamente a wòrdu glorifiká, asta ku e gloria ku kua E tabatin ku e Tata for di tur eternidat. E dramamentu Pentekostal tabata Shelu su komunikashon ku e Redentor Su inougurashon a wòrdu kumpli. Di akuerdo ku Su promesa, El a manda e Spiritu Santu for di shelu na Su siguidonan komo un rekuerdo ku E tabatin komo saserdote i rei, i a risibí tur outoridat den shelu i riba tera, i tabata Esun Ungí riba Su pueblo."-ellen G. White, The Acts of the Apostles, pp. 38, 39. Lesa Hebreonan 4:16 i Hebreonan 8:1. Ki speransa i enkurashamentu bo ta haña den e siguransa ku Hesus, komo Saserdote i Rei a risibí tur outoridat den shelu i riba tera? Kon kere e bèrdat aki ta yuda bo dil ku situashonnan di tur dia den bo bida, meskos tambe ku e insiguridat di e futuro? 6 / 7

7 Powered by TCPDF ( Mas Estudio: djabierne, Lesa Ellen G. White, " 'Na Mi Tata, i Bo Tata,' " pp , den The Desire of Ages; "E Don di e Spiritu," pp , den The Acts of the Apostles. E mensahe di Revelashon 4-5 ta partikularmente importante pa e pueblo di Dios bibando na e final di e historia di mundu. E binida di e Spiritu Santu na Pentekostes ta marka e komienso di e predikamentu di e evangelio na henter mundu; e mensahe sentral tabata tokante Hesus, ku a wòrdu eksaltá komo Saserdote i Reí na e man drechi di e Tata. E bèrdat aki tokante Hesus tabata e kurason di kreensia di e promé Kristiannan (Heb. 8:1) i e piedra di skina di nan predikamentu (Echonan 2:32-33; Ech. 5:30, 31).Tambe e tabata nan motivashon i e fuente di nan fe i kurashi den e kara di persekushon i situashonnan difisil di bida (Echonan 7:55, 56; Rom. 8:34). Komo un resultado, hopi hende a respondé na nan predikamentu. For di e momento ei, e reino di Dios a manifestá su mes i ta sigui hasi esei. Nunka nos mester lubidá ku ta solamente e bon nobo di salbashon den Kristu ku por alkansá i transformá kurasonnan humano i guia hende pa respondé na e yamada di e evangelio eterno pa teme Dios, dun'e gloria, i ador'e (Rev. 14:7). Nos úniko speransa ta den nos Salbador, ku ta nos Saserdote i Rei den e santuario selestial. E ta ku Su pueblo, i semper lo ta ku nan te na e fin (Mat. 28:20). E ta tene e futuro den Su mannan. Laga nos, dor di esei, nunka lubidá ku mantené e esensia di e evangelio den mente lo trese éksito total den prediká e mensahe final na humanidat perdí i sufriente. Nada otro ku nos prediká ta mas importante ku e Krus i loke e ta siña nos tokante Dios. Preguntanan pa Diskushon: 1. Un dia nos lo ta den shelu alabando i adorando e Señor pa Su bondat, Su poder, i (spesialmente) Su grasia. Kua ta maneranan ku nos por, asta awor, bai den práktika pa e tempo ora e gran dia ei yega? Esei ta, kon nos ku kurasonnan agradesido por adorá i alabá Dios pa tur loke El a hasi i lo hasi? 2. Lesa Revelashon 4:11 i Rev. 5:9. Den ki rol nos ta mira e Tata i e Yu aki, i kon tur dos rol ta sentral na no solamente e plan di salbashon pero na dikon Dios ta asina digno di nos adorashon? Kon e Sabat, i loke e ta siña, ta un ekspreshon di e berdatnan maravioso tokante nos Dios? 7 / 7

Spiritu Santu, nos Yudador

SPIRITU SANTU, NOS YUDADOR CALVIN VARLACK TIN 3 SITUASHON KU TA MARKA BIDA DI KRISTIANNAN RELASHONÁ KU SPIRITU SANTU: 1.Ignoransha Boso a risibí Spiritu Santu ora boso a aseptá fe? Nan a kontest'é: Nos