MANEHO DI DONASHON DI FUNDASHON WEGA DI NUMBER BONAIRE (FWNB) 1. Definishonnan General Fundashon Wega di number Bonaire tin komo meta prinsipal atkisi

Size: px

Start display at page:

Download "MANEHO DI DONASHON DI FUNDASHON WEGA DI NUMBER BONAIRE (FWNB) 1. Definishonnan General Fundashon Wega di number Bonaire tin komo meta prinsipal atkisi"

あつとしすわ
4 years ago
Views:

1 MANEHO DI DONASHON DI FUNDASHON WEGA DI NUMBER BONAIRE (FWNB) 1. Definishonnan General Fundashon Wega di number Bonaire tin komo meta prinsipal atkisishon di fondo pa medio di organisá wega di azar na Boneiru. Komo meta sekundario e ta traspasá e fondonan atkerí pa institushonnan pa utilidat general. Institushon òf organisashon ku ta bini na remarke pa donashon: Organisashonnan riba tereno di deporte Organisashonnan riba tereno di kultura Organisashonnan ku tin meta edukativo Organisashonnan ku tin meta karikativo 2. Yabi di repartishon Di e fondonan disponibel pa donashon, e organisashonnan ku ta bin na remarke pa donashon ta risibí e siguiente porsentahe den e kategorianan siguiente: Deporte 40 % Kultura 30 % Organisashonnan ku meta karikativo 20% Enseñansa 10 % Direktiva ta mantené e derecho pa desviá for di e porsentahenan menshoná akiriba. 3. Kondishonnan general pa petishon di donashon A. Rekisitonan pa entregá un petishon 1. E petishon mester ta kompañá pa un plan òf proyekto elaborá. Mester indiká spesífikamente e metanan di e plan òf proyekto. 1

2 2. E organisashon/fundashon mester ta establesé na Boneiru, mester ta eksistí por lo ménos un aña kaba i mester tabata aktivo riba su tereno di trabou. 3. E petishon mester ta firmá pa e presidente i e tesorero di e organisashon konserní. 4. E formulario di petishon mester ta yená kompletamente. 5. Mester agregá un kopia di e statutonan. 6. E petishon mester ta kompañá pa un presupuesto di entrada i gastu di e proyekto huntu ku nan splikashon. 7. Pa aktividatnan òf proyekto ku ta ripití kada aña mester presentá un relato (finansiero) di e último aña. 8. E petishon ta kontené un lista di nòmber i funshon di e miembronan di direktiva. 9. E petishon ta kompañá pa e invitashon ofisial, den kaso ku ta relevante pa e petishon (manera den kaso di partisipashon na kampionato internashonal, seminar, interkambio kultural etc). 10. Curriculum Vitae di e personanan embolbí (den kaso ku ta relevante pa e petishon). 11. Preferibel ta pidi mas ku un oferta lokal i ta agregá esaki (den kaso ku ta relevante pa e petishon). 12. E petishon mester ta entregá por lo ménos seis (6) siman promé ku e aktividat. 13. Petishon relashoná ku aktividat na kua tin partisipashon di hóben i persona ku limitashon tin haña preferensia. 14. Un organisashon por bini na remarke pa un donashon te ku por máksimo US$ 5000,-- pa aña, a ménos ku direktiva ta disidí otro den kaso ekstraordinario. B. Rekisitonan di resipiente 1. Resipiente tin e obligashon di anunsiá públikamente na manera ku FWNB ta indiká e echo ku FWNB ta spònser e proyekto. 2. Resipiente tin ku indiká den su petishon di kiko su propio aporte ta konsistí. 3. Resipiente tin e obligashon di hasi uso di un pankarta (bèner) di propaganda di FNWB pa aktividat ku FWNB ta spònser si FWNB ta pidi esaki. 2

3 4. Solamente organisashon ku tin personalidat hurídiko ta bin na remarke pa donashon. 5. Denter di 4 siman despues di e evento ku a spònser e organisashon tin ku entregá un relato kompañá pa komprobante original relevante na FWNB. 6. Donashon pa kompra di pasashi pa biaha ta tuma lugá solamente den kaso ku ta trata di un representashon ofisial di Boneiru den eksterior. 7. E organisashon ku ta hasi petishon mes tin ku aportá ku 25 porshento. Den kaso ekstraordinario direktiva por desviá di esaki; 8. Organisashonnan ku ta hasi petishon insidental tin preferensia riba organisashonnan ku ta risibí donashon struktural; 9. Organisashonnan ku ta risibí un donashon di FWNB tin ku pasa buska e chèk palabrá denter di dos (2) siman despues di e aktividat òf evento, sino esaki ta kaduká; 10. Den kaso ku direktiva a tuma un desishon riba un petishon, direktiva no por bolbe bai trata e mesun petishon di nobo. 11. En prinsipio no ta duna donashon pa organisá un rekoudashon di fondo. C. No ta bin na remarke: 1. Petishon ku ta kontené informashon ku ta no ta kompleto òf petishon ku tin falta di dokumento relevante. 2. Petishon pa tene aktividat pa rekoudá fondo òf fiesta, ku eksepshon di selebrashon di fiesta popular tradishonal. 3. Petishon relashoná ku partisipashon na kompetensia internashonal i aktividat ku ta entregá pago. 4. Petishon di petishonario, ku na okashon anterior no a kumpli ku tur obligashon ku tin di parti di FWNB. 3

4 Pòstnan ku por haña supsidio A. Deporte 1. Formashon i kurso Ta trata di organisá formashon i kurso pa direktiva i e kuadro deportivo tékniko, lider deportivo pa hóben i pa rekreashon, ofisial di wega i trahadó riba tereno. Den kaso ku ta trata di bai sigui kurso den eksterior, e kurso mester ta deskribí i mester indiká evidentemente e nesesidat di e kurso ku ta bai sigui i e motibunan pa hasi esaki. Tambe mester agregá un curriculum vitae di e persona embolbí huntu ku un deklarashon di e persona akí den kua e ta deklará di ta dispuesto di pone su mes na disposishon di e bònt en kuestion si ta deseá esaki. Gastu ku por kubri ta esun di biahe i partisipashon. Den kaso ku ta trata di kurso organisá lokalmente, e ora ei por kubri hür di sala i fèlt, gastu di material pa deporte nesesario i gastu di pasashi i estadia di dosente. 2. Kontratá entrenadó. Den kaso di kontratá un entrenadó di eksterior ta trata di gastu di un solo biaha, manera pasashi i gastu di estadia. 3. Preparashon di selekshon nashonal Ta trata di gastu ku tin di haber ku un preparashon efisiente di e selekshon nashonal, manera: Kompra di material di deporte nesesario Hür di vèlt i sala (inkluso gastu di utilidat) Den e petishon mester ta indiká klaramente: na ki manera ta komponé e selekshon unda e kompetensianan ta tuma lugá i e invitashon ku ta traha segun un skema di training 4

5 4. Enkuentro deportivo Pa kampionatonan internashonal den eksterior ta paga solamente pa pasashi i impuesto di aeropuerto. Pa kampionato internashonal ku ta tuma lugá na Boneiru e siguiente gastunan por bini na rekomendashon: Estadia Transporte lokal Hür di vèlt i sala Material pa deporte i premio B. Arte i kultura Ta trata di stimulá i organisá tur sorto di aktividat riba tereno di arte i kultura, bou di nan: Promové músika folklóriko Promové fiesta folklóriko Promové aktividat históriko i kultural di Boneiru. Interkambio di aktividat kultural Pa donashon por bin na remarke: Organisá eksposishon, presentashon i tayer. Na Boneiru mes ta paga pa gastu manera hür di sala, gastu di biahamentu di dosente i gastu di material. Den kaso ku ta trata di tayer den eksterior mester presentá e invitashon i ta paga solamente pa e gastunan di biahamentu. Den kaso ku ta trata di un presentashon di un grupo kultural musikal den eksterior, ta paga solamente (pa un parti) di e gastunan di biahamentu i impuesto di aeropuerto. Mester entregá un invitashon tambe di e organisadó huntu ku e petishon. Tambe mester menshoná: sorto di presentashon òf presentashon públiko. Den kaso ku ta di un festividat komersial, pa kua ta kobra entrada, no ta duna donashon pa e meta ei. Stimulá hóben pa músika tradishonal òf aktividat kultural. Preparashon pa presentashon internashonal. 5

6 Ta trata di gastu ku tin di haber direktamente ku preparashon pa presentashon internashonal, manera kompra di unifòrm i kompra di instrumento musikal òf otro material. Den e petishon mester ta indiká klaramente na ki manera ta hasi e presentashon i na unda e presentashon lo tuma lugá. Ademas mester presentá e invitashon ofisial. C. Metanan karikativo Ta trata primariamente di organisashonnan ku no tin supsidio kompleto di parti di un otro instansia, pero ku si ta kontribuí na komunidat i ku ta kai bou di deporte, kultura òf enseñansa. Esakinan ta organisashon ku tin di haber ku grandinan, hóbennan i personanan ku limitashon. D. Enseñansa Ta trata di organisashon ku ta traha ku un aktividat pa promové edukashon, manera: Publiká material edukativo Interkambio kultural den region (e.o. tayer, seminar, konferensha etc.) Promové material edukativo na Boneiru i den region Kompra di material edukativo Pago di lége, belasting di importashon i otro kobransa ku e Entidat Públiko Boneiru ta hasi relashoná ku material edukativo pa meta no komersial, ku no ta kai bou di eksonerashon Spònser di gastu di transporte den kuadro di e material edukativo menshoná akiriba. Den kasonan ku e maneho no a premirá, direktiva ta tuma desishon. 6

Bo Beibel

Bo Beibel Kon pa haña loke bo ta buska den Beibel? Bo Beibel Kon pa prepará pa e lèsnan? Uza un skref i pèn Pasa den e kapítulo di e buki i purba di traha e ehersisionan promé ku bini lès Traha tarea fo