Plenchi Bèl a bati Bèlèm bèlèm ata ora a yega pa nos topa riba nos plenchi di alegria. Kontentu di por topa ku bo riba nos plenchi. Skolnan a kuminsá riba spit bèk despues di fakansi. Eksamen ta den porta i nos ta bai poko poko na serada di aña eskolar. Skolnan preparando duru pa e último trimèster di e aña aki. Ban pe, nos ta kana ku konfiansa i ku determinashon yega e final. Awe nos ta komparti ku boso potretnan di biahe di estudio di tantu MIL komo di Radulphus College. Tambe potrèt di nos kampionnan di Rosa de Lima ku promé ku fakansi a bria manera strea na horizonte. Ta masha kosnan positivo ta pasa den skolnan. Nos heobennan ta talentoso i nos tin dosentenan ku ta traha duru i ku amor pa nan muchanan. Mayornan ku ta dediká nan yu su bienestar i ku huntu ku skol ta pone man na obra. Konta bo bendishonnan di tur dia. Bida, salu i tur otro regalo ku Señor tin pa bo reservá. Riba roster Maria Immaculata Lyceum ku biahe de estudio na Costa Rica
Not é riba bòrchi Radulphus College su Hbo tour. Studiantenan di Radulphus College ta na hulanda awor aki pa un tour pa asina studiantenan sera konosi ku diferente skolnan pa ora nan kaba nan skol aki nan sa kiko nan por spera despues ku nan sigui studia. Nan ta bishitando diferente skol pa tuma informashon.
Den agènda Dianan liber di skol 24 di aprel te ku 8 di mei 2016 Fakansi grandi 4 yuli te ku 11 ougustus Mi ta konta Redashi den kurá di skol Fin di siman ku a pasa, dos palu di mata grandi tabata kombersá ku otro den kurá di skol. Ta kos ku nan sa hasi asina bientu lanta duru i karga nan palabranan di esun pa e otro. Pffff... esta un trankilidat ora skol ta será, e Flamboyan a bisa. No tin mucha pa ranka mi flornan benta abou sin tin keber. Ni pa benta sushi na mi pia, daña tur mi bista. Bleki bashí, sèrbètè di papel... ken por!
E Indju no a kontestá. E tambe gusta su trankilidat. Pero e ta sinti falta di e muchanan. Ta manera e Flamboyan a rei su pensamentu. Bo sa, el a sigui murmurá, den siman mi ta fangu nan stèm den mi korona di blachi fini. Ora ta ketu manera awe, mi ta skucha bèk kiko nan a papia. Un bientu fuerte a pone e Indju sagudí di harimentu. Ai, ta mashá hopi palabra dushi sa sali for di nan boka. Hopi promesa, bromamentu, harimentu... maske... mi sa tende kos tristu tambe. Aki e Indju a stòp di hari. Tin mucha ral di hamber ku ta baha beis riba otro. Otro ta haña sla na kas sin nan sa pakiko. Otro tin miedu pániko di e maldat ku ta buska pa forma nèshi den kurá di skol. Asina ta, e Flamboyan a bisa. Pero de bes en kuando tin sa bin sinta den mi sombra, sera wowo, i mi ta sinti nan ta resa ketu ketu. E alivio den nan kara ora nan lanta, ta duna mi forsa pa pasa tempu di sekura i mira pa mi t ei otro aña atrobe. Un prenchi Sta Rosa de Lima boys: Kampion di Korsou den futbòl. Kampion di Korsou den Basketbal, Sub Kampion Interinsular den Basketbal i Ekipo mas Disiplina den Basketbal
Mucha djispou Harold ta bai dokter ku su yu Mark di 12 aña. Dokter ta puntra e tata ku kiko e por yude. Harold: Dokter: Mark: Dokter mi yu no ta lanta su kabes. E ta hari su so. E no ta kontesta ora nos ta papia ku ne. E ta biba den su mes mundu. Kiko ta e problema anto Mark, kiko bo ta sinti? Dokter e problema ta ku mi no por pone mi Iphone abou.