Lès 13 pa Sèptèmber 29, 2018
Pablo no por a prediká den públiko pa algun añanan. Awor é tabata baiendo na e stat kapital di e Emperio Romano, asina ku é por prediká einan. E lo enfrentá hopi problemanan riba su kaminda pa Roma, pero e peligernan i pruebanan ei no por a stòp e Evangelio.
Echonan 27:1-26 Hòmbernan, mi ta mira ku nos biahe lo bai ta desastroso i trese gran pèrdida na e barku i e karga, i tambe na nos propio bidanan. (Echonan 27:10 NIV) Nan tabata saliendo banda di e fin di Zomer (Sèptèmber), asina ku e biahe pa Roma lo mester ta kalmo si sirkumstansianan tabata faborabel. Sinembargo, nan no tabata. Pablo a komprendé esei I a duna e tripulante un pida konseho pa interumpí e biahe. E senturión Romano, Julio, tabata apresiá Pablo, pero a ignorá su konseho. E konseho for di un persona deboto ta mihó ku e konseho tékniko di mas mihó for di e di e mundu aki su ekspertonan. Finalmente, nan a pèrdè tur speransa durante di e tempestat, pero Pablo a duna nan un di dos mensahe: un angel a bisa Pablo ku kada un lo sobrebibí. Nan a aseptá Pablo su mensahe e bia aki.
Echonan 27:27-44 E barku a wòrdu noufragá serka di Malta dies kuater dia despues di Pablo su mensahe. Dios a primintí ku tur hende lo sobrebibí, pero nan mester kooperá tambe: Nan mester a tuma kurashi i kome algu (v. 33-36) Si e marineronan hui for di e barku, tur persona(hende) lo muri (v. 30-32) Nan mester a traha huntu i yuda otro (v. 43-44) Si e sòldánan mata e prizoneronan, nan lo no skapa(sobrebibi) (v. 42) Dios ta kumpli ku Su promesanan i ta kooperá ku sernan humano. E presensia di un solo Kristian a salba bida di 276 hende.
Echonan 28:1-10 E hendenan dje isla a trata nos ku kariño eksepshonal. Nan a sende un kandela i a duna nos tur bonbini pasombra awaseru tabata kai i tabata frui. (Echonan 28:2 NIV) E sobrebibientenan tabata kansá i muhá. Nan a wòrdu duná bonbini kariñosamente dor di e hendenan di Malta. Mientras Pablo tabata yuda sende e kampfür, el a wòrdu mordé dor di e kolebra masha venenoso. Sinembargo, esei no tabatin ningun efekto den djé, pesei e hendenan lokal tabata konfundí(frustrá). No tin ningun evidensia ku Pablo a prediká e Evangelio na Malta, pero nos sa ku el a hasi obra di kuramentu (Evangelio den akshon). El a kura e tata di Publio, e gobernadó di e isla, i tur e hendenan malu ku a bini serka djé. E hendenan di Malta a provee tur loke e biaheronan tabatin nesesidat di dje pa sigi nan biahe for di Malta.
Echonan 28:11-22 Y a sosodé ku despues di tres dia Pablo a yama e lidernan di e Hudiunan huntu. Asina ora ku nan a bini huntu, el a bisa nan: Hòmbernan i rumannan, ounke mi no a hasi nada kontra nos pueblo òf kontra di e kustumbernan di nos tatanan, tòg mi a wòrdu entregá komo un prezo for di Jerusalèm den man di e Romanonan. (Echonan 28:17) Pablo a wòrdu enkurashá dor di kon ku entusiasmo e Kristiannan a dun é bonbini na Roma. Pablo a haña tratamentu preferenshal for di e outoridatnan Romano. Nan a lagu é biba den un kas di hür ( bou di vigilansha). El a yama tur e lidernan Hudiu pa prepará pa su huisio dilanti di Cesar. E kier a splika su inosensia na nan. Nan no a risibí ningun notisia for di Jerusalèm, pero nan tabata dispuesto pa skucha na e dòktrina ku Pablo tabata prediká.
Echonan 28:23-31 El a wòrdu arestá i hibá atrobe serka Nero durante di e biahe ei. Despues su kabes a wòrdu kitá. E tabata proklamá e reino di Dios i tabata siña tokante di Señor Hesus Kristu ku tur frankesa i sin ningun strobashon! (Echonan 28:31 NIV) No ta tur e Hudiunan a aseptá e Evamgelio, pesei Pablo a prediká na e Gentilnan pa dos aña. Nos sa for di Pablo su kartanan ku el a wòrdu apsolvé(pordoná) dor di Nero i a hasi un di kuater biahe mishonero.
E buki di Echonan no tin un fin(kabamentu) será. E ta un buki habrí i nos ta esnan yamá pa skirbi e último kapítulo. Laga nos tuma e torcha di Pablo yen di kurashi i kontinua ku e obra sin interupshon di prediká e Evangelio na henter mundu.
Nos mester laga nos lus lombra meimei di e skuridat moral. Hopi ku awor ta den skuridat, segun ku nan ta mira e reflekshon di e Lus di mundu, lo realisá ku nan tin un speransa di salbashon. Bo lus lo por ta chikitu, pero kòrda ku e ta loke ku Dios a dunábo, i ku E ta tene abo responsabel pa laga esaki bria. Un hende lo por sende su bela chikitu for di esun di bo, i su lus lo por ta e medio pa guia otronan for di e skuridat. E.G.W. (Counsels on Health, p. 396)
Mi a lucha e bon lucha, mi a terminá e kareda, mi a warda e fe. Finalmente, tin wardá pa mi e korona di hustisia, kual Señor, e Hues hustu, lo dunami riba e Dia ei, i no na ami so pero tambe na tur esnan ku a stima Su binida. 2 Timoteo 4:7-8