10 16 yanüari Studia lès di e siman aki pa prepará pa Sabat, 16 yanüari REBELDIA MUNDIAL I E PATRIARKANAN Lesa: Genesis 4:1-15; Genesis 3:9, 10; Genesis 6:1-13; Salmonan 51:1; Genesis 22; Genesis 28:12-15. Teksto di Memoria: I mira, Mi ta ku bo, i lo Mi warda bo unda ku bo bai, i lo trese bo bèk den e tera aki; pasobra lo Mi no laga bo te ora Mi a kumpli ku loke Mi a primintí bo (Genesis 28:15). relatonan ku ta sigui despues di e kaída den piká ta trese ku nan e temanan di E engaño i relashonnan kibrá i ta hiba nan na un nivel mas profundo. Durante e periodo aki konflikto ta plama rònt parti mundu. Den e relato di Kain i Abel nos ta mira ku adorashon ta bira e tema di desunion i krimen, ku ta un tema ku ta aparesé bes tras bes den historia. E relato di piká ta laga nos mira kon rebeldia i piká ta motibu di destrukshon pa tur loke Dios a traha. Piká, no solamente ta stroba kreashon, pero e ta destruyé tambe. Abraham su eksperensia ta un enkurashamentu importante den e lucha: Dios ta laga mira ku E ta dispuesto pa tuma e konsekuensianan di e rebelion riba E mes. Den Hesus E lo bin tuma nos lugá. Mas despues nos ta mira den e relatonan di Jacob i Esau i Jozef i su rumannan hòmber e patronchi konstante di relashonnan kibrá, ku ta un medio ku Satanas ta huza pa e kaba ku famianan i gruponan di hende. Tòg, a pesar di tur kos, miéntras E ta sostené i kria Su yunan tormentá, Dios ta keda fiel. 30
Djadumingu 10 yanüari Djaluna KAIN I ABEL Lesa Genesis 4:1-15. Kon e teksto aki ta laga nos mira ku e problema di piká tin raísnan profundo? Si asta de adorashon na Dios e kreador ta bini problema, un ta hasi bon i ta agrada Dios, i e otro no i e ta wordu huza pa mata su ruman ki tristu. Eva tabata masha felis mes ku nasementu di Kain. Ku yudansa di Señor... mi a duna un hòmber bida! (Genesis 4:1). Tradukshon literal di e teksto aki ta bisa Mi a traha un hòmber e Señor. Eva a kere ku el a duna lus na Esun ku Dios a papia di dje. (Genesis 3:15). Esaki ta e promé aviso den Beibel kaminda Dios ta papia di e plan di salbashon, ku ta promesa di benida di e Mesias. No ta bisa nada di felisidat di Kain su hubentut i kon e mayornan nobo i orguyoso aki a disfrutá di desaroyo di nan promé yu. E relato ta sigui rápidamente mas aleu ku nasementu di e di dos yu hòmber i despues di dos hoben ku ta adorando. Pero, manera nos sa mira mas biaha, diferensia di opinion tokante adorashon ta sali for di man i ta hiba na un tragedia. Lesa Genesis 3:9, 10; 4:9. Kompará Adam su reakshon ku Kain su reakshon, ora Dios a interogá nan despues ku nan a hasi piká. Kiko ta meskos? Kiko ta diferente? E ta puntra nan unda bo ruman ta mes kos ku ora Ela yama Adam. eki e ta puntra Kain, seka Adam i ta Jame. Ripará e diferensia den emoshon di Adam, kompará ku esun di Kain. Adam ta parse konfundí, spantá i bergonsá (Genesis 3:10), pero Kain ta rabiá (Genesis 4:5), síniko i rebelde (Genesis 4:9). Na lugar di duna un eksküs swak manera Adam, Kain ta bisa un mentira direktamente. Tòg a sali sierto speransa i optimismo for di e desesperashon aki. Ku nasementu di Set, Eva ta pensa di nobo ku el a duna lus na Esun primintí. E nòmber Set ta bini for di e palabra ku ta nifiká pone òf buta. Ta mes un palabra ku den Genesis 3:15 ta indiká un salbador ku ta bin pa desafiá e kolebra i machiká su kabes. Un otro paralelo ku Genesis 3:15 ta ku Eva ta des-kribí su yu hòmber nobo aki komo simia ku ta bin remplasá Abel. Ke men, asta meimei di desesperashon i tragedia, miéntras ku e gran konflikto entre bon i malu ta sigui plama, hende ta dal tene duru na e speransa di salbashon. Kiko nos lo a hasi sin e speransa aki? Imaginá bo mes kuantu ferdrit Adam i Eva lo mester tabatin despues ku nan yu hòmber a wòrdu matá. Un krimen, ku di su mes kaba, tabata hopi spantoso, pero ku ta wòrdu kometé dor di e úniko otro yu ku nan tin. Di e forma aki nan ta pèrdè dos yu hòmber. Kon nos por mira den esaki ku e konsekuensianan di piká ta bai muchu mas leu ku e piká mes? 31
Djamars Djaluna 11 yanüari x E DILUVIO Lesa Genesis 6:1-13. Den ki forma e gran konflikto entre bon i malu ta keda ekspresá den e teksto aki, solamente e biaha aki ta ku palabranan muchu mas fuerte ku promé? entre e yunan di Dios i yunan di hende ku nan a tuna pa nan mes den matrinio. i nan a kurumpi e tera ku maldat i pika. Señor a bisa nan ku Su spiritu lo no lucha kunan pa semper. Nos ta mira ku durante e diluvio kreashon ta wòrdu destruí parsialmente. Hopi di e kosnan ku Dios a separá a bini bèk huntu. E awa riba firmamentu ku e awa bou di firmamentu, e laman i tera, e piskánan den laman, e paranan den shelu, i tur ser bibu ariba tera a bini huntu. Parse ku tera ta bolbe bèk na e kondishon sin forma i bashí (Genesis 1:2). Ounke parse ku e podernan di maldat a triunfa, Dios Su spiritu kreativo ainda ta na trabou. E ta kuminsá na un kreashon nobo dor di separá vários elementu atrobe for di otro. Promé, E ta separá Noe (un hòmber hustu i inreprochabel) for di esnan ku tabata biba den su generashon, kennan tabata malbado i di ken tur intenshon di nan pensamentu tabata kontinuamente pa hasi malu so (malu, korupto, i violento). (Kompará Genesis 6:8, 9 ku versíkulo 5 i 11-13). E ora ei Dios ta duna Noe e trabou pa e traha un boto gigante. Despues E ta isolá un grupo chiki di hende, paranan i animalnan i ta trese nan huntu den e boto, pa nan por sobrebibí loke ta bai tuma lugá. Ku Dios Su miserikòrdia komo fundamentu, bida lo sigui padilanti i lo bin aparesé un otro mundu for di e ruinanan di esun bieu. Un kreashon nobo. Pero siguramente e no ta un mundu perfekto. No a dura masha despues di e diluvio, ora ku Noe i su famia a stablesé su mes, ku ata ta bolbe indiká kon vulnerabel e bondat di hende ta. Noe ta bira burachi, i ta sosodé kosnan skandaloso. Asta un di e heroenan di fe (Hebreonan 11:7) por tin su mal momentunan. E gran konflikto ta sigui dilanti, no solamente riba gran eskala, pero tambe den kurason di hende. Beibel ta deskribí e diluvio komo destrukshon di tur ser bibu for di superfisio di tera (Genesis 6:7). Ta hasi un ekspreshon paresido den otro lugánan mas den Beibel, pa deskribí ku e Salbador ta pordoná piká (Isaias 25:8; Isaias 43:25; Salmo 51:1). Kon e realidat kruel aki ta trese e asuntu di pretu-blanku padilanti? Solamente esnan ku a arepinti di nan maldatnan ta wordu salba. 32
Djamars 12 yanüari Djarason ABRAHAM Ounke Abraham, yamá Abram, tabata konosí pa su fieldat, tòg por mira den su eksperen-sianan di bida ku ta trata mas bien di Dios Su fidelidat na dje. Dos biaha Dios ta sigurá Abraham ku e lo bai haña un yu hòmber. E promé biaha ku Dios a bis é esaki, Abraham tabatin 75 aña (Genesis 12:2, 4). Mas o menos dies aña despues Dios ta bolbe bis é un biaha mas (Genesis 13:16). Al final, despues di vários echonan robes di parti Abraham, e yu primintí yu di e aliansa-- ta nase. Esaki ta revelashon di Dios Su fidelidat na Su sirbidó ku tin biaha tabata duda (Mira Genesis 17:19, 21; Genesis 21:3-5). Lesa Genesis 22:1-19. Ki speransa relashoná ku henter e gran konflikto ta keda revelá akinan? Ku Dios ta Pone Abram na preuba, di e uniko yu di promesa. Ku un dia e Salbador lo wordu krusifika na nos loga. pasonbra ta Señor lo provee pa nos. Pa sigurá den Abraham su mente realidat di e evangelio, i pa purba su fe, Dios ta bis é pa e bai mata su yu hòmber. A pèrmití pa el a pasa den e angustia di alma ku el a sinti den e dianan skur aki promé ku e horibel pruebanan a yega, pa e por komprondé pa eksperensia propio algu di e sakrifisio enorme ku Dios infinito a hasi pa salbashon di hende. Ningun otro prueba por a duna Abraham tantu angustia di alma manera ofresé su yu. Dios a entregá Su Yu hòmber na un morto ku a trese angustia di alma i bergwensa. E angelnan di shelu ku tabata testigu di e humiyashon i angustia di alma di Dios Su Yu, no a wòrdu pèrmití pa bin yud E, manera den e kaso di Isak. No a tende un stèm for di shelu ku a bisa: Ta basta. Pa por salba humanidat ku a kai den piká, e Rei di gloria a entregá Su mes bida. Por duna un prueba mas grandi di Dios Su inmenso miserikòrdia i amor pa hende? Esun ku no a spar ni Su mes Yu, ma a entregu E pa nos tur, lo E no duna nos tur, tur kos tambe huntu kune? (Romanonan 8:32). E sakrifisio ku Dios a pidi Abraham, no tabata pa su mes bienestar so, ni tampoko pa bienestar di su desendientenan so ku lo bini den futuro; el a wòrdu huza pa instruí tambe sernan ku no a peka den shelu, i ku tin riba e otro mundunan. Tereno di e konflikto entre Kristu i Satanas e tereno kaminda a desaroyá e plan di salbashon ta e buki di materia pa henter universo siña di dje. Pasobra Abraham a mustra falta di fe den Dios Su promesanan, Satanas a akus é dilanti angelnan di Dios ku el a faya den kumpli ku rekisitonan di e aliansa, i ku e no tabatin derecho riba su bendishonnan. Dios kier a demostrá e fieldat di Su sirbidó pa henter shelu mira, ku ta aseptá solamente obediensia kompletu, i e tabata tambe pa hasi e plan di salbashon mas kla. (Ellen G. White, Patriarchen en profeten, p. 125-126). 33
Djamars Djarason 13 yanüari JAKOB I ESAU E lucha entre Dios Su ambishonnan i desobediensia individual ta sigui den e historia di Jakob i Esau. Den antaño tabata kustumber ku e yu ku a nase promé ta risibí e bendishon di su tata, den otro palabra, e derecho di nasementu, promé ku e tata fayesé. E bendishon aki tabata enserá gran parti di pertenensianan di e famia, i di e forma ei e yu mas grandi aki tabata keda responsabel pa bienestar di e famia. Esau tabata odia Jacob, pasobra el a persuadí su ruman ku labiamentu, pa e dun é e derecho di nasementu, kua tabata algu di gran honor, anto el a plania pa mata su ruman hòmber tan pronto ku nan tata fayesé (Genesis 27:41). Pa protegá Jacob, su mama Rebeka ta mand é bai leu for di kas, ku e speransa ku segun dianan pasa, e asuntu lo bin plakia (Genesis 27:43, 44. E dianan, al final, a bin bira binti aña, i Rebeka lo mira su yu Jacob nunka mas. Lesa Genesis 28:12-15. Ki afirmashon ta bin padilanti den e soño aki? Ku Dios ta ripiti su promesanan na abram. Dor di ripití e promesanan ku El a hasi na Abraham, Dios a sigurá Jacob ku e plan tabata bayendo den bon direkshon. Ounke parse ku Jacob a neglishá Dios Su plan dor di su komportashon, tòg Dios tabat ei p e. Jacob mester a soportá e engaño di su suegro binti aña largu den karni propio, promé den asuntu di matrimonio, i despues den su salario (Genesis 29:20, 23, 25, 27; 31:7). Pero, pa straño ku tabata parse, e añanan ku e mester a traha pa su kasá tabata parse djis un par di dia. Tabata mes tantu tempu ku Rebeka a spera ku Jacob lo keda leu. Ora Jacob a disidí pa bai kas bèk, el a wòrdu pèrsiguí, promé dor di Laban (Genesis 31:25, 26), i despues dor di Esau, ku a ranka sali bin top é ku 400 hòmber. Tur dos situashon tabata ku peliger pa nan bida, i Dios mester a skap é dos biaha. Promé den un soño na Laban, kaminda Dios ta bis é pa e hasi Jacob niun daño (Genesis 31:24). Despues, dor di bin lucha personal-mente ku Jacob, i lag é manká (Genesis 32:24-30). E esena ei so, mirando kon su ruman hòmber tabata lucha pa kana ku un garoti, lo a duna Esau e impreshon ku Jacob no tabata un menasa mas p é. E regalonan ku el a manda padilanti i e manera kuidadoso kon Jacob tabata papia, tabata parse sufisiente pa restourá relashon entre e dos rumannan hòmber. Ultimo biaha ku nos ta mira nan huntu atrobe ta ora ku nan a bai dera nan Tata Isak. Tur plan ku Esau tabatin añanan atras pa mata Jacob, despues ku nan tata fayesé, a keda den olvido. (Genesis 35:29). Djis pensa un ratu riba tur e doló i ferdrit ku e hendenan kulpabel i inosente aki mester a soportá dor di desishonnan bobo ku nan a tuma. Ta kon nos mes por siña, pa pensa promé ku nos sali bai hasi algu? Lesa e pregunta aki den klas 34
Djaweps 14 yanüari Djabièrnè HOSE I SU RUMANNAN HOMBER Jacob tabata meresé en realidat algu otro despues di loke el a hasi ku Esau, i nos ta ban mira algu paresido den e historia di Hose i su rumannan hòmber. Den e relato aki nos ta mira di nobo odio entre rumannan hòmber, pasobra ún di nan tabata wòrdu favoresé riba e otronan (Genesis 37:3, 4). E túnika di hopi koló no a wòrdu trahá djis di un laken strepiá. E palabra original ta indiká ku tabata trata aki di un bistí karu, ku tabata wòrdu huzá dor di hendenan di realesa. E tabata trahá ku partinan bòrdá ku hopi koló i detayá, i lo a tuma un aña pa a trah é. Ora Hose a konta su rumannan hòmber di su soñonan (Genesis 37:5-11), esaki a pone nan haña mas rabia i disgustu di dje. Pa e motibu ei nan a traha un plan pa deshasí di dje, tan pronto nan haña un chèns (Genesis 37:19, 20). Probablemente e rumannan hòmber a sinti bon di nan mes, pa e manera fásil kon nan por a pone Hose disparsé for di nan bida. Ningun di nan tabatin idea kon Dios tabata bai huza e situashon aki, pa salba nan mes bida, hopi aña den futuro. Lesa Genesis 45:4-11. Kua tabata e kuadro total ku Hose tabatin na mente, ora el a hañ é den e situashon aki? Kua tabata su meta prinsipal? Ku Señor a mande nan dilante pa provee pa nan Imaginá nos mes kiko lo mester a pasa dor di mente di e hoben Hose aki, segun e tabata kana, mará na kadena, tras di un kamel, i ta mira serunan di su niñes disparsé na horizonte. Durante un findishi, kumpradónan kaweta ta mishi kuné di tur banda di su kurpa, i ta humiy é, promé ku nan bider p e. Tin hopi hende ku a pèrdè nan fe dor di ménos humiyashon i sufrimentu ku Hose mester a soportá. Hose por a skohe pa ta amargá i bira lomba pa Dios. Na lugar di esei e ta skohe pa keda tene duru na su fe den e konflikto andando, e gran konflikto, ku tabata desaroyando di un forma dramátiko den su mes bida. Pronto el a bin kustumbrá ku e bai-bin den kas di un di e militarnan mas haltu di e pais, kumpliendo fielmente ku su labornan, i el a bin gana e kapitan su konfiansa, ku bendishon di Dios (Genesis 39:1-4). Den transkurso di tempu, e katibu aki ta bira un lider na Egipto. A pesar di e forma ekstremo ku e famia aki tabata funshoná, a pesar di e engaño i maldat, e relato aki tin un bon fin. Pero puntra bo mes, abo ta perkurá pa bo fe keda intakto, i pa bo keda ku bon disposishon, ora ku kosnan no bai dje bon ei pa bo, manera nan a sali pa Hose? 35
Djaweps Djabièrnè 15 yanüari Mas Estudio: Manera e historianan aki ta laga nos mira, ta bèrdat ku bida riba e tera aki, meimei di e gran konflikto, no ta desaroyá semper manera nos ke. Ora ku Adam i Eva a tuma nan yunan resien nasí den nan brasanan, nunka nan a imaginá ku esun tabata bai asesiná e otro. Zepora no por a mira e futuro su dilanti tampoko, ora ku el a kasa ku Moises. I bo ta kere ku Lea su bida matri-monial tabata manera e lo a soña di dje, tempu e tabata mucha? Ie hoben Jeremias kualke sea e espektativa i ambishonnan real ku e lo por tabatin nunka el a soña pa wòrdu maltratá i bofoná, òf pa su pais mir é komo traidor. Bo n ta kere ku David i Batseba lo a preferá un otro fin pa historia di nan bida? Esei ta konta tambe, indudablemente pa Uria tambe. I kon ta para ku Hesus? Naturalmente, Hesus a bini na tera pa muri, di esei tur kos tabata trata finalmente. Pero, E tabatin tambe un parti humano, trahá di mes un stòf di tera manera nos, ku a bisa den Getsemani: Tata, si ta posibel, laga e kopa aki pasa bai for di Mi... (Mateo 26:39). Ningun hende ta spera di wòrdu gòlpiá, despresiá, bofoná i klabá na un krus ora nan tin 33 aña. Bida por duna nos hopi doló, pero esei no ta di sorprendé. Bo ta spera un paraiso den un mundu di piká? Hòfi di Eden a disparsé hopi ten kaba for di riba tera, pero e lo bini bèk, den futuro. Ora esei tuma lugá, e ora ei e diferensia entre nos bida di awor, i loke e ta bai bira, lo ta muchu mas grandi di loke nos ta spera awor aki riba dje. Preguntanan pa Diskushon: Kua ta e diferensia mas grandi entre e rumannan hòmber ku a keda kere den Dios, i e rumannan ku no tabata mira nesesidat pa hasi esei mas? Asta ora bo bida no resultá manera bo tabata spera, kon e speransa di un bida eterno por yuda bo, pa evitá ku desapuntamentunan lo aplastá bo? 36
Djabièrnè 15 yanüari Djasabra 37
Djasabra Djasabra 16 yanüari TUR KAMINDA REBELDIA I E PATRIARKANAN GENESIS 6:5-13 PREGUNTA PA KIBRA EIS: Bo a yega di sinti plaser den rebeldiá? Kon esei a sosodé? MI TA REKONOSÉ: Dos kampamentu ta para dilanti di otro: e hendenan ku a rebeldiá kontra Dios i Noe, esun úniko ku a keda fiel na Dios. E teksto ta enfatisá e eskoho ku kada hende tin ku tuma: pa rechasá Dios òf pa asept E. No tin neutral, ta sea esun òf e otro. E versíkulonan 5-15 ta forma un sorto di skarnir den e kapítulo aki. Banda di Dios Su desishon pa destruí tur kos den e diluvio, tin un otro aspekto ku lo kambia henter historia di humanidat: ún famia lo sobrebibí! Pero maske algun wòrdu reskatá, Dios Su aktitut ta tòg radikal ku nos tin ku siña atendé kuné. Nos mester keda kòrda semper ku al final e ta terminá den un pakto nobo ku Dios ta sera ku humanidat, via Noe. MI TA STUDIA: E teksto ta deskribí e situashon di humanidat ku palabranan hopi ekspresivo: tur intenshon di e pensamentunan di su kurason tabata kontinuamente maldat so. Tabatin aparentemente nada bon mas pa deskubrí. P esei e Kreador a tuma e desishon sin duda ku hopi doló den Su kurason pa destruí hende for di riba superfisio di tera. Ta bon mes ku esei no tabata un impulso, tuma lihé den un momentu di rabia òf frustrashon. Pero Dios ta bolbe wak atrobe bon, i E ta mira Noe. E deklarashon ta keda den kalidat ku e teksto ta menshoná: hustu i ehemplar, konektá ku e echo Noe tabata biba masha serká ku Dios tabata kana ku Dios. Noe ta haña grasia serka Dios. Dios ta haña tòg ún di Su kriaturanan ku ta duna motibu pa speransa. Pero esei no ta sufi-siente pa laga Su promé desishon kai. Nò, e teksto ta sigui mas aleu deskribiendo un humanidat ku a laga su mes wòrdu korumpí por kompletu dor di maldat i violensia. Kaminda Dios a papia so di loke El a mira i loke E ta bai hasi, e teksto ta sigui awor ku palabranan na esun persona ei, ku a keda fiel. Lesa e versíkulonan 5-7 un biaha mas. Di ki verbonan Dios ta e tópiko? Kiko E ta hasi? Pakiko E ta asina rabiá? Kua ta konsekuensia di esei? Dios Su aktitut ta shòk bo? Pakiko? Ki splikashon e teksto bíbliko ta duna di e echo ku Noe a haña grasia den bista di Dios? Kiko nos ta kere, ke kemèn haña grasia? Kiko ta aklará segun bo e echo ku Dios ta ahustá Su plan pa destruí tur kos, pero E no ta kit é, despues ku El a mira Noe i su miembronan di famia? Pakiko Dios ta papia kla ku Noe i ta kont é di Su intenshon? 38
Djasabra 16 yanüari Djasabra Nos ta mira humanidat tambe dividí den dos grupo, esnan bon i esnan malu? Pakiko no tin otro posibilidat? Ku kua grupo nos ta sinti nos mes na kas? Splika bo mes. Kiko por ta e motibu, ku mi por haña mi mes pará na banda robes di e porta di arka, ora ku e sera? Den otro palabra, kiko awe, den e forma ku mi ta biba, por trese mi salbashon den peliger? Kon nos lo reakshoná si nos, pa kualke sea e rason, a alehá nos mes for di e hustisia i integridat ku Dios ta desea pa nos tin? Si mi ke skohe pa Dios, ta ki faktornan tin den mi bida ku ta hasi esaki difísil? Kiko ta konta nos di Dios Su karakter, ku Noe i su famia a wòrdu salbá den e diluvio? Ki speransa un kristian por saka for di e historia aki? I ami mes? I kiko mi ke hasi pa hala hende su atenshon na Dios Su intenshon pa nos? MI TA MEDITÁ: Kon nos por gradisí Dios ora nos para ketu na loke nos a papia di dje? Laga nos resa pa semper nos realisá ku kada dia ta un oportunidat di nobo pa skohe pa Dios... òf pa lag E na kaya. No pa bai biba despues ku angustia, pero mas bien pa evitá e buèltanan straño, hopi biaha doloroso, ku nos ta topa den bida. 39
Djasabra Djasabra 16 yanüari 40 Pregunta inisial Kompartí e orashon ku bo a skibi ku e otronan den grupo. Konta algu tokante dje. Lesa huntu Genesis 28:14 15. Pregunta Ki ora bo ta sintibo so? Kiko ta yudabo e or ei? Inspirashon I mira, Mi ta ku bo, i lo Mi wardabo unda ku bo bai, i lo tresebo bèk den e tera aki; pasobra lo Mi no lagabo te ora Mi a kumpli ku loke Mi a primintíbo. 1 Trata e teksto (wak pa dia, kua pregunta bo ke trata) Djadumingu: vèrs 14. Dios ta predesí tres kos, kiko? Kua di e tresnan a sosodé? Bo ta haña esei speshal? Diskutí. Djaluna: vèrs 15. Asina bendishoná manera Jakòb, tokante kua bendishon ta bai akinan, su yunan, su rikesa, ku Hesus ta pèrtenesé na su desendensia? Diskutí ku otro. Djamars: vèrs 15. Mi ta ku bo òf Mi ta sostené bo, dikon Dios lo a bisa Jakòb esei? Bo por duna ehèmpel ku ta mustra ku Dios a hasi esei? Diskutí ku otro. Djarason: vèrs 15. lo Mi no lagábo esaki ta nifiká ku lo bo no sintibo so òf ku di bèrdat Dios ta serka bo? Kon Dios ta serka bo anto? Diskutí ku otro. Aplikashon Djaweps: Bo ta sintibu parti di un historia mas largu? Mayornan, welanan? Dikon si, dikon nò? Den Beibel Dios ta bisa ku E ta tata di Abraham i Isak. Figurabo E bisabo: Mi ta e Dios di bo tata i bo abuelo. Kiko lo bo haña di esei? Diskutí ku otro. Djabièrnè: Bo sa sintibo so? Figurabo Dios bisabo: Mi ta semper serka bo. Kiko esei lo nifika pa bo? Diskutí ku otro. Sabat: Ta bai bin un tempu ku Dios ta semper ku nos. Lesa huntu Revelashon 21:3 4. Kiko esaki ta nifika pa bo? Bo ta haña esaki positivo òf negativo? Diskutí ku otro. Tarea Skibi kon bo vershon di shelu ta. Kon e ta? Kiko bo ta hasi einan? Ken bo ta topa einan? E ta agradabel? Kiko ta e desafio? 1 Genesis 28:15, Beibel Santu. MI TA KU BO LÈS DI HOBEN
Djasabra 16 yanüari Djasabra 41