Esaki ta un avanse di e buki Awa, Habon ku Past i Djente. E buki aki ta optenibel na Mensing s Caminada òf serka e outor. Preis: Fl 50,- E-mail: lionel_326@hotmail.com
Awa, Habon i Past i Djente! Copyright 2015 Lionel N. Spratt Tur derechi reservá. Esaki ta un avanse di e buki Awa, Habon ku Past i Djente. E buki aki ta optenibel na Mensing s Caminada, òf serka e outor. Preis: Fl. 50,- E-mail: lionel_326@hotmail.com
Kontenido A. Puntonan Importante: vii B. Meta di Awa, Habon ku Past i Djente viii Prólogo xi 1. Amor real i maravioso! 15 2. Morto Kachó! 23 3. Tin un raton den mi kas 39 4. Un kasá religioso! 47 5. Kosnan straño ku sa pasa! 55 6. Bida di hende hòmber ta hopi duru! 61 7. Bo no stima mi! 73 8. E sita kayente di Gino i Netty. 99 9. Ta hende drechi mi ta! 115 10. Mira saya, laga para! 131 D. Palabra final 179 E. Otro buki di e mesun outor 181
Prólogo Awa, Habon ku Past i Djente ta spesialmente skibí pa tur mi fiel i kerido lektornan. E nòmber ku mi a skohe pa e buki aki ta hopi pekuliar, i mi ta bai splika esaki, pero no aworakí. Kisas lo mi splika esei mas mei mei di e buki, òf kisas na final. Kisas mi keda sin splika nada tambe. Ta dependé mi beis. Awa, Habon ku Past i Djente ta un buki ku ta kontené kuentanan kòrtiku, kreativo, imaginario i kómiko ku mi tin sigur lo kai na bo agrado. Lamentablemente e no ta pa un i tur. Si bo ta lesando e buki aki, mi ta asumí ku bo tin 18 aña òf mayor. Mi no ta para responsabel pa niun mucha menor di edat ku lesa e buki aki i keda mentalmente trastorná. Seguidamente mi ta bai splika kon mi a yega na kreashon di e buki aki. (Esaki ta djis un avanse.) Bo no por lesa e buki aki manera bo ke si. Bo no por kuminsá di patras bin dilanti ni kuminsá mei mei bai patras, kaba bin dilanti bèk, despues bai patras. Apsolutamente ku nò. No ta coney island tin aki. Bo ta lesa kada kuenta den e sekuensha ku nan ta. Ta p esei mi a numerá nan. Si bo a siña konta na skol, lo bo no tin problema. Ta te 10 nan ta yega, no ta nada kompliká. No ta pèrmitibel tampoko pa bo hasi haragan i lesa e buki den 1 dia. Lesa un òf dos kuenta awe, laga e otronan pa
mañan. Ta asina grandinan a siña nos tòg? Si bo sigui mi instrukshon, bo mester kaba di lesa e buki den 5 dia mínimo òf 10 dia máksimo. Tin kuentanan ku ta un tiki mas kòrtiku ku e otro i ku probablemente lo laga bo keda ku gana di lesa mas. Pero ya, ta asina ta bida. Un dia kos ta bon, un dia kos ta malu. No tin mod i hasi. Tene kuenta ku e buki ta kontené kuentanan hopi pikante. Mi no ta para responsabel pa niun akto ku bo hasi despues di a lesa e kuentanan ei. Tene kuenta tambe ku esaki ta un buki alegre. Bo por sinta les é na dòkter por ehèmpel, òf ora bo bai pasa dia na Kranshi pa saka pasport. Pero bo no por bai sinta les é na un entiero si. Esei si no por! Mi ta spera bo disfrutá di e kuentanan mesun tantu ku mi a disfrutá di a skibi nan. Saludo, Lionel N. Spratt
1. Amor real i maravioso! Amor ta algu masha bunita. Tur hende ku a eksperensha amor di bèrdat sa di kiko mi ta papia di dje. Pero no ta tur bia bo ta kai stimá riba un persona di bo mesun edat. Manera nan ta bisa amor ta siegu. Den e siguiente kuenta mi ta bai konta bosnan un historia di amor masha bunita i romántiko, kaminda ku mi a kai mal stimá riba un persona, pero ku nos mester a lucha kontra bientu di orkan pa nos amor prevalesé!
M i tin un tempu kaba ta papia i sali ku un persona. Tin un diferensha di edat basta grandi entre ami ku e persona aki, pero esei no ta un problema pa mi. Ami ku e persona aki ta papia masha bon i ameno ku otro. Tur bia e ta konta mi su historianan, ku ta pone mi hari i e tambe ta hari masha prèt mes. E no tabata tin un bida fásil, pero awor danki na ami, e ta sintié hopi felis. Pero nos tin algun problema: E promé problema ta ku hende ta bisa edat ta djis un number, pero nan ta huzga hende hopi i nan no ta kere ku ami i e persona aki ta kompletamente enamorá di otro. E di dos problema ta ku su famianan no gusta mi. Prinsipalmente su yu muhé di mas grandi ku yama Èlsa. Èlsa ta masha yalurs mes riba mi i e relashon ku mi tin ku su mama. Danki Dios e no ta biba huntu ku su mama, sino e lo a kibra nos for di otro masha dia. Mi no sa si Èlsa no gusta mi pasó mi ta frei su mama Chela ku tin 87 aña i ku e por ta mi wela, òf ta pasó Chela ta kumpra Subway pa mi ocho bia pa luna, gastando tur su sèn di penshun riba mi, òf ta pasó mi tabata frei Èlsa su yu muhé di 22 aña un tempu anto mi a kibra ku e mucha riba Facebook, lagando e mucha ta yora den kamber sin konsuelo.
Pero ami no ta preokupá ku nan. Den siman semper ami ku Chela ta sali huntu. Mayoria bia nos tin un sita na su dòkter pa e chèk su suku ku su preshon. (Esaki ta djis un avanse.)
4. Un kasá religioso! Esaki ta un kuenta ku bo tin ku djis les é ku mente habrí. Por fabor no laga e titulo konfundí bo pone bo bai predik é den misa dilanti tur hende. E por kousa problema serio te ku nan por saka bo for di misa. Tene kuenta atrobe ku e kuenta ta puro kreashon di mi presioso seleber, simplemente pa entretené bo. Dado kaso e ta kuadra ku bo bida real, esei no ta mi falta. Si bo ta un hende religiosamente sensibel e ora ei si mi ta rekomendá bo pa no les é. Pero lo mi puntra mi mes si ta ki mishi bo ta lesa e buki aki, pasó m a atvertí...hmm!
(Kontenido di e historia aki no por keda publiká sin mas, pasó hende lo bai hib é serka pastor anto despues mi ta haña mi ku grupo di orashon dilanti mi kas ku beibel, bela i awa bendita den nan man ta pidi pordon pa mi pikánan!)
5. Kosnan straño ku sa pasa! Stimashon tin ora ta sosode di e forma di mas straño ku tin. Anto muhénan latina sea nos gusta of nò, nan tin e talento pa laga hòmber sinti nan mes stimá dor di un muhé. Nan forma di papia, nan forma di sedusí. E muhénan krioyo ta bisa ku ta tras di material nan ta. Pero no ta tur tòg? Kiko abo mes ta pensa? Laga mi konta bo loke a pasa mi...
D espues di basta dia skibiendo e buki aki, mi kier a tuma un pousa. Mi a pasa hopi dia será den kas tras di mi kòmpiuter ta skibi i esei a pone ku mi bida sosial plùs mi bida seksual a bai un tiki atras. Ya, tur esaki ta sakrifisionan ku mi ta hasi pa mi fiel i kerido lektornan. Pero awor si mi a kansa. Pues mi a bai kaya bai buska un galiña krioyo pa mi namorá. Den e salimentu mi a topa un grupo di amiga masha leuk mes na un bar. Mi a sera konosí ku nan, nos a kombersá i mi a trit nan tur un ko i bebe i algu di kome. Pero ora nochi tabata serando nan tur a drenta nan outo bai nan kas. Niun no kier a bai kas ku mi. Despues di un par di siman ku mi tin ta hasi esaki, sin por a pega a ni un galiña krioyo, m a disidí bai un snèk pa un kambio. Mi a bai na un snèk hopi konosí na Kòrsou ku tin un bon ambiente. Einan mi a topa un dama hopi dushi, sèksi i bunita den un djins pegá na kurpa, i un tòp hel chikí bisti ku su tetenan bunita ta sali afó. El a trit mi algun ko i bebe. Nos a papia, kombersá masha leuk mes. Nos a klek masha lihé ku otro i mi tabata sa ku esaki t esun ku lo mi kasa kuné pasó normal nan no sa trit bo ko i bebe, pues esaki tabata stimashon al instante. E la lèn riba mi, brasa mi, pasa lenga na mi lèl di orea, despues el a fula mi eibou na mi karson i bisa mi "Aiii Papi, que ya está bien duro". El a tene mi man bai ku mi
den un kamber patras di e snèk. El a kita su djins, i mustra mi su panty. El a bira dal un rònchi modelá pa mi wak i despues el a pega su atras na mi webunan i keda freg é, despues el a bira kita mi flanèl, chupa mi puntanan di pechu. E kos ei tabata masha dushi mes. Despues el a kue mi brasa, i m a kue tene na su atras hal é pega riba mi. El a dal un gritu, e di Oeiii que rico papiiii.... (Esaki ta djis un avanse.)
8. E sita kayente di Gino i Netty. E siguiente kuenta mi ta rekomendá bo kue algun blòki di eis bo sinta kuné, pasó e por ta poko ferfelu. Disfrutá di dje!
N etty ta un bunita mucha muhé, di 25 aña di edat, soltero i e tin un amiga ku yama Cristy, ku na un fiesta a sera Netty konosí ku Gino. Gino ta un yònkuman di 28 aña di edat, bastante popular pa su kantidat di plaka ku e tin. Di famia nan tin hopi plaka. Gino su mayornan a muri i bai laga Gino ku un herensia di mas o ménos 5 mion florin. Meskos ku tur mucha yòn ku plaka, Gino su kabes a subi. E gusta gasta plaka, kumpra kos karu pa impreshoná hende muhé, i esakinan ta kai p e tambe. Pero den kaya e tin un nòmber di kariño straño. Nan ta yam é dilema. Netty a tende di esaki, pero e no a preokupá ku e nòmber. Awor Netty ta un bon mucha muhé, di bon famia ku a nase i kria na Aruba, pero pa estudio Netty a bin Kòrsou, i hinter su famia a bin keda aki pa algun aña te ora Netty ta kla pa bai Aruba bèk. Pa nan siña konose otro mas miho, Gino a invitá Netty pa bai sali, i Netty a aseptá. Kon e sita a kana? Sigui lesa pa bo sa... Riba un djasabra anochi Gino i Netty, a disidí di bai sali. Promé nan a bai kome na un restorant masha luhoso, kaminda nan a papia, kombersá, sera konosí mas ku otro i despues nan a bai The Movies pa relahá i baha strès riba un pelíkula trankil i romántiko. Nan a skohe un orario midnight pa asina ta mas trankil i kaminda e romantisismo ta na su punto di mas haltu. Durante di e
pelíkula tabata tin vários esena di amor, anto mas esena di amor pasa, mas Gino ku Netty ta kremp masha dushi mes banda di otro. Kasi na final di e pelíkula tabata tin un esena di amor hopi intenso anto komo dos hende ku sanger den nan kurpa, Gino ku Netty a kuminsá bira kayente. Netty ta un bon mucha muhé, pero pida kayente, anto Gino no ta kos di papia mes. Nan a kuminsá frega na otro den Movies, Gino a kuminsá pasa man riba Netty su pia, Netty ta gusta mashá, pero komo e ta den Movies e no ke bira muchu eksitá i e ta bisa Gino: akiden nò Gino, tin hende ta wak nos. Gino: Oké, sòri, pero e pelíkula aki ta hasi mi kayente. Manera e pelíkula a kaba, Gino a lanta fo i stul, trèk Netty na su man, pusha tur hende un banda, sali bai pafó. Gino a kana masha duru mes bai te na su outo, un Lexus LFA blanku masha bunita mes. (Esaki ta djis un avanse.)
9. Ta hende drechi mi ta! Esaki ta e promé kuenta ku mi a skibi ku ta reflehá realidat di bida. Tin bia bo ta haña bo ku hendenan ku pa protehá nan imáhen públiko nan ta bisti un maskarada di hende desente i masha korekto, kaminda en realidat nan ta un hende vulnerabel di kueru i sanger ku ta faya meskos ku tur otro hende. Esaki ta spesial pa e personanan ei. Ang, anto hasiment i redu tambe ta na òrdu!
(E historia aki ta muchu real i tin hende lo por identifikanan mes ku un of mas di e personahenan. Buska e buki, ya asina bo por skonde trankil den un huki di kas, den baño of bou di kama, i lesa sin ku niun hende ta mira, husga òf kuestioná bo!)
D. Palabra final Asina ki bo a yega na final di e buki Awa, Habon ku Past i Djente. Probablemente ainda lo bo ta puntra bo mes di unda e nòmber aki a sali. Wèl, pèrmití mi splika. (Esaki ta djis un avanse di e buki. Si e avanse aki no a duna bo gana di lesa henter e buki, probablemente tin un kos ku no ta bon ku bo.)