Lès 2 pa April 13, 2019 E ESKOHONAN KU NOS TA HASI
Nos ta hasi eskohonan tur dia. Algun di nan ta di rutina i insignifikante, pero otronan lo por tin un impakto den nos bida etèrno (Josue 24:15). Nos eskohonan por kambia nos bida i e bida di esnan rònt di nos (positivamente òf negativamente). Pensa di e eskohonan di Kain, José su rumannan hòmber, Koré, Datan and Abiram; òf Cornelio, e wardadó di prizon di Filipos i e esposo(a) di un persona no-kreyente (1 Korintionan 7:16). Laga nos studia e konseho bíbliko riba hasi(tuma) desishon general i riba hasi algun di e eskohonan di mas importante den nos bida.
E Beibel ta splika ku Dios a krea nos ku un boluntat liber. Esei ta, nos ta liber pa skohe, i Dios ta enkurashá nos pa hasi e eskohonan korekto (Galationan 5:13; Deuteronomio 30:19). Piká ta limita nos boluntat liber, pero nos ta kompletamente liber den Hesus (Juan 8:36). Den Su amor, ya kaba Dios a skohe nos pa bida etèrno promé ku nos a wòrdu kreá (Efesionan 1:4). Sinembargo, nos mester tuma(hasi) e desishon diario di aseptá e salbashon ei (Juan 3:16; Josue 24:15).
E karakter ku nos ta kultivá, e aktitut ku nos ta asumí awe, ta drecha(regla) nos futuro destino. Nos tur ta hasi un eskoho, sea pa ta ku esnan bendishoná, paden di e Stat di Lus, òf pa ta ku e malbadónan, pafó di e stat. E.G.W. (Reflecting Christ, October 16)
Ban mira anto, boso ku ta bisa, Awe òf mañan nos lo bai na tal i tal stat, keda un aña einan, kumpra i bende, i hasi ganashi [ ] Mas bien boso mester bisa, Si Señor kier, nos lo biba i hasi esaki òf esaya. (Santiago 4:13-15) Konbiniensia, tendensianan kultural, preshon di grupo, emoshonnan, hábitonan, i djis(solamente) preferensianan ta guianan inkonfiabel pa eskohonan. Segun e Beibel, kon nos por hasi e eskohonan korekto? Hasi orashon promé ku skohe (1 Tesalonisensenan 5:17; Santiago 1:5) Sea dispuesto pa obedese Dios (Isaias 1:19; Mateo 7:24-25) Studia e Beibel (Salmo 119:105; 2 Timoteo 3:16) Konfia Dios (Proverbionan 3:5-6; Isaias 58:11) Buska konseheronan sabi (Proverbionan 15:22; 24:6)
E amigunan ku nos skohe lo por guia nos na e kaminda korekto òf na e mal kaminda. Un bon amigu ta stima tur ora bai i ta un ruman pa un tempu di atversidat (Proverbionan 17:17 NIV). Amistat ta un relashon bi-direkshonal: Un hende ku tin amigunan mester mustra su mes amistoso (Proverbionan 18:24). Jonatan i David ta un gran ehèmpel di amistat inkondishonal. David tabata bai tuma Jonatan su lugá, pero Jonatan no a tum é komo un rival pero mas bien a ofresé humildemente su amistat.
Pesei un hòmber lo bandoná su tata i su mama i lo uni ku su esposa, i nan lo bira ún karni. (Genesis 2:24) Skohiendo amigunan ta importante, pero skohiendo e persona ku kende nos ta bai kompartí henter nos bida ta muchu mas importante. E mihó manera pa hasi e eskoho korekto ta pa pidi Dios pa guiansa (Genesis 24:7). Tin un otro bon pida di konseho den Isaak i Rebeka su historia: buska un partner Kristian (Genesis 24:3-4). Si nos kier un matrimonio eksitoso, nos mester kuminsa dor di ta e persona korekto nos mes (Salmo 37:27; 119:97; 1 Kor. 15:33; Santiago 1:23-25). Nos mester ta dispuesto pa trata nos kasá manera nos lo kier wòrdu tratá (Mateo 7:12).
E eskoho di un kompañero di bida mester ta tal komo mihó pa sigurá bienestar físiko, mental, i spiritual pa mayornan i pa nan yiunan tal komo lo kapasitá tantu e mayornan komo e yiunan pa bendishoná nan próhimonan i pa onra nan Kreador. E.G.W. (Letters to Young Lovers, p. 14)
Ata ki loke mi a mira: Ta bon i konveniente pa un hende kome i bebe, i pa gosa di e bon di tur su labor den kual é ta traha duru bou di e solo tur e dianan di su bida kual Dios ta dun é; pasombra esaki ta su herensia. (Eklesiastes 5:18) Amenos nan traha tempu kompleto na kas kuidando pa e kas i famia ( esun mas nobel di tur okupashon), hopi hende tin ku skohe un kaminda mes leuw ku ganando un medio di bida ta bai. E promé paso ta pa skohe un kaminda di siñansa relashoná ku e karera di trabou deseá, si ta posibel. Tur eskoho mester sigi e siguiente prinsipio klave(básiko): kiko ku bos hasi, hasi tur pa e gloria di Dios. (1 Korintionan 10:31). Di otro banda, trabou nunka mester ta e sentro di nos bida ( mira Eklesiastes 2:1-11). Kòrda ku e amor pa plaka ta un raís di tur sorto di maldat (1Tim. 6:10).
Laga nos kòrda ku mientras e trabou ku nos mester hasi lo no ta nos eskoho, e mester wòrdu aseptá komo Dios Su eskoho pa nos. Sea agradabel òf disagradabel, nos mester hasi e deber ku ta keda di mas serka. Kiko sea bo man haña pa hasi, hasié ku tur bo forsa; pasombra no tin trabou, ni invento(planifikashon), ni konosementu, ni sabiduria, den e graf, unda bo ta bai. Eklesiastes 9:10 E.G.W. (The Ministry of Healing, cp. 39, p. 472)
Loke bo mester komprendé ta e berdadero forsa di e boluntat. Esaki ta e poder ku ta goberná den e naturalesa di hende, e poder di desishon, òf di eskoho. Tur kos ta dependé di e akshon korekto di e boluntat. E poder di eskoho Dios a duna hende; e ta di nan pa huza(praktiká). Bo no por kambia bo kurason, di bo mes bo no por duna Dios su afektonan; pero bo por skohe pa sirbi É. Bo por dun É bo boluntat; e ora ei E lo obra den bo tantu pa kier i pa hasi segun Su bon boluntat. Di e manera ei henter bo naturalesa lo wòrdu tresé bou di kontrol di e Spiritu di Kristu; bo afektonan lo ta sentralisá riba djé, bo pensamentunan lo ta den harmonia ku né. E.G.W. (Steps to Christ, cp. 5, p. 47)