UNABES SALBÁ, SEMPER SALBÁ! Pa Calvin Varlack
PONENSIA KLA: Ta ún tipo di salbashon so ta eksistí, esta salbashon ku ta etermo! Promé ku nos trata e argumentunan ku ta sosotené e doktrina di unabes salbá, semper salbá, laga nos klarifiká loke e no ta nifiká!
UNABES SALBÁ, SEMPER SALBÁ NO TA NIFIKÁ KU: 1. E hende ku hasi un profeshon di fe ta salbá pa semper a.hasi un orashon pa aseptá Kristu b. Bai dilanti durante un sirbishi pa orashon c. Hisa man pa indiká un desishon di salbashon d. Yena un slep di desishon di salbashon
UNABES SALBÁ, SEMPER SALBÁ NO TA NIFIKÁ KU: e. Sms: Mi a aseptá Kristu na un sentro di konshero na un kampaña f.kanta un kantika di entrega na final di un konsierto di Gospel g.eksperensiá sanashon di un malesa h.eksperensiá liberashon di demoño
UNABES SALBÁ, SEMPER SALBÁ NO TA NIFIKÁ KU: 2. E hende ku kere e bèrdatnan di e Evangelio ta salbá pa semper 3. E hende ku ta dediká na su iglesia òf religion ta salbá pa semper
E PREGUNTA KLAVE DEN SALBASHON TA: KEN TA SALBA KEN? E kontesta bíbliko konstante ta ku ta Dios ta e agente di salbashon for di kuminsamentu te fin! Nunka no ta e kaso ku un hende ta salba su mes!
SKRITURA KLAVE: I PEDRO 1 Animashon pa e kreyente abatí ku e bèrdat di Seguridat di Salbashon!
a.na Israel: UN DESKRIPSHON DI E SITUASHON DI KRISTIANNAN DEN E PROMÉ SIGLO: Entre aña 33 pa aña 70: Rechaso I persekushon di e kristiannan komo un sekta religioso ku tabata kere Hesus tabata e Mesías. Persekushon pa medio di piedramentu, enkarselashon Huida di e kreyentenan pa paísnan pafó di Israel
UN DESKRIPSHON DI E SITUASHON DI KRISTIANNAN DEN E PROMÉ SIGLO: b.den e Imperio Romano: Kasi tur e emperadornan, muy en partikular emperador Nero, a persiguí e kristiannan malamente!
MOTIBUNAN: 1.Kristiannan semper a nenga di adorá e emperador 2.E paganonan tabata akusá e kristiannan di ta un sekta di libertinahe seksual i di ta praktiká kanibalismo 3.Kristiannan tabata biba bidanan separá (nada di paranda, bakanal, buracheria, etc.)
META DI E KARTA DI PEDRO: Fortifiká fe di e rumannan plamá rònt e imperio ku ta pasando dor di e kandela di persekushon, dor di mustra nan ku nan salbashon ta 100% sigur!
I PEDRO 1:1-25 E Salbashon di e kreyente bèrdadero ta 100% sigur pa motibu di:
1.E ELEKSHON DI DIOS 1Esaki ta karta di Pedro, apòstel di Hesu-Kristu, pa esnan skohí pa Dios, strañero den e mundu akí, i ku ta biba plamá rònt e provinsianan di Ponto, Galasia, Kapadosia, Asia i Bitunia. 2Di akuerdo ku su propósito, Dios Tata a skohe boso di antemano i a apartá boso pa medio di Spiritu Santu komo pueblo di Dios pa obedesé Hesu-Kristu i keda purifiká ku su sanger. Dios duna boso grasia i pas na abundansia!
1.E ELEKSHON DI DIOS E palabra skohí ta indiká e bèrdat di elekshon di parti di Dios Definishon elekshon: Elekshon ta e akto di Dios den eternidat pasá den kua El a skohe riba un base inkondishonal ke E ta bai salba.
E PROPÓSITO DI DIOS DEN ELEKSHON: 1.Dios Spiritu Santu a apartá e skohínan di antemano pa ta parti di e pueblo di Dios (v.2) 2.Dios Spiritu Santu a apartá e skohínan di antemano pa obedesé Hesu-Kristu 3.Dios Spiritu Santu a apartá e skohínan di antemano pa purifikashon pa medio di e sanger di Hesus
OTRO TEKSTONAN RELEVANTE: 1Un tempu boso tambe tabata spiritualmente morto, pa motibu di boso aktonan di desobediensia i boso pikánan. 2Boso tabata sigui mal kaminda di e mundu akí, kaminda di esun ku ta enkabesá e podernan di den laria. Ta e spiritu malbado ei mes ta hasi su trabou awor akí den mente di esnan ku no ke tende di Dios. 3Un tempu nos tur tampoko no ker a tende i nos tabata biba segun nos mal deseonan: nos tabata hasi loke nos kurpa tabata deseá i loke tabata drenta nos mente. Meskos ku tur sobrá hende, nos di nos mes tabata destiná pa sufri bou di Dios su rabia. (Efesionan 2:1-3)
OTRO TEKSTONAN RELEVANTE: 11Un tempu boso tabata pagano, insirkunsidá manera e hudiunan, ku sí ta sirkunsidá, ta yama boso. Nan sirkunsishon ta un akto físiko hasí pa man di hende. 12Awor kòrda kon boso tabata sin Kristu den e tempu ei, ekskluí di e komunidat di Israel. Boso no tabata tuma parti na e aliansanan ni na promesa di Dios; boso tabata biba riba e mundu akí sin speransa i sin Dios. (Efesionan 2:11-12)
OTRO TEKSTONAN RELEVANTE: Manera tin skibí den Skritura: No tin niun ku ta hasi bon; ni sikiera ún! No tin niun ku komprendementu; niun ku ta buska Dios. Pero tur a kohe mal kaminda, perverso tur pareu. Ningun no ta hasi bon, ni sikiera ún! (Romanonan 3:10-12)
OTRO TEKSTONAN RELEVANTE: Esun ku no tin Spiritu Santu no ta aseptá loke ta bini di Spiritu di Dios. Pa e nan ta kos di loko; e no por komprondé nan, pasobra hende por huzga balor di e kosnan ei solamente ku yudansa di Spiritu Santu. (I Koríntionan 2:14)
OTRO TEKSTONAN RELEVANTE: Tur esnan ku Tata a duna Mi, lo bini serka Mi; i Mi no ta kore ku niun hende ku bini serka Mi. (Huan 6:37)
OTRO TEKSTONAN RELEVANTE: Niun hende no por bini serka Mi, si mi Tata ku a manda Mi no hal é serka Mi; anto Ami lo lant é for di morto riba e último dia. (Huan 6:44)
OTRO TEKSTONAN RELEVANTE: 10Pero esei no ta tur kos. Ata e kaso di Rebeka, kasá di nos antepasado Isak ku a haña un par di yu ohochi kuné. 11-13Anto promé ku e yunan a nase, promé ku nan por a hasi bon òf malu, Dios a bisa Rebeka: E mayó lo sirbi esun mas chikitu. Esaki ta di akuerdo ku loke Skritura ta bisa: Yakob mi a stima, pero Esou mi a rechasá! Asina a keda konfirmá ku Dios tin e derecho di skohe, di akuerdo ku su propósito, esun ku E ke yama, sin tene kuenta ku loke hende hasi. (Romanonan 9:10-13)
OTRO TEKSTONAN RELEVANTE: 5Meskos den e tempu akí tambe a sobra un restu di hende ku Dios a skohe pa medio di su grasia. 6Sí, Dios ta skohe a base di grasia, no pasobra hende a hasi bon obra. Si ta a base di obra, e ora ei grasia lo no tabata grasia. (Romanonan 11:5-6)
OTRO TEKSTONAN RELEVANTE: 4Pasobra den Kristu El a skohe nos fo'i promé ku El a krea mundu, pa nos ta santu i sin fayo dilanti di dje, yená ku amor. 5El a disidí di antemano ku lo E adoptá nos komo su yu pa medio di Hesu-Kristu. Esei tabata kuadra ku loke tabata agrad'é i ku loke E mes ker a hasi. 6El a hasié pa nos por alab'é pa su grasia glorioso, ku kua El a bendishoná nos pa medio di su Yu stimá. (Efesionan 1:4-6)
KONKLUSHON 1: Unabes salbá, semper salbá ta bèrdat pasobra: Salbashon ta basá riba un eskoho soberano i infalibel di Dios!